Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

କୋହଲି କହିଲେ- ଧୋନୀଙ୍କୁ ମେଣ୍ଟର ରୂପେ ପାଇ ଖୁସି କିନ୍ତୁ ନୂଆ କୋଚ୍‌ଙ୍କୁ ନେଇ କୌଣସି ସୂଚନା ନାହିଁ

16/10/2021 at 8:31 PM

ଦୁବାଇ ୧୬/୧୦: ଟି-୨୦ ବିଶ୍ବକପ୍‌ ପାଇଁ ଟିମ୍‌ ଇଣ୍ଡିଆ ପ୍ରସ୍ତୁତ । ରବିବାରଠୁ ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ଯାଉଥିବା ବେଳେ ବିରାଟ ବାହିନୀ ନିଜର ପ୍ରଥମ ମୁକାବିଲା​‌ରେ ଅକ୍ଟୋବର ୨୪ରେ ପାକିସ୍ତାନକୁ ଭେଟିବ। ଏହା ପୂର୍ବରୁ ଟିମ୍‌ର ଅଧିନାୟକ ବିରାଟ କୋହଲି ମେଣ୍ଟର ଧୋନୀଙ୍କୁ ନେଇ ବଡ଼ ମନ୍ତବ୍ୟ ଦେଇଛନ୍ତି। ଧୋନୀ ରହିଲେ ମନୋବଳ ବଢ଼ିବ ବୋଲି କୋହଲି କହିଛନ୍ତି। ତାଙ୍କୁ ପାଇ ଆମେ ଖୁସି ଅଛୁ।

ମାହିଙ୍କ ଅଧିନାୟକତ୍ବରେ ଟିମ୍‌ ଇଣ୍ଡିଆ ୨୦୦୭ରେ ଟି-୨୦ ବିଶ୍ବକପ୍‌ ଫାଇନାଲ୍‌ ଜିତିଥିଲା।  ଆରମ୍ଭ ହେବାକୁ ଥିବା ଟି-୨୦ ବିଶ୍ବକପ୍‌ ପାଇଁ ଧୋନୀଙ୍କୁ ମେଣ୍ଟର ବାଛିଛି ବିସିସିଆଇ। ବିରାଟ କୋହଲି ଆହୁରି ମଧ୍ୟ କହିଛନ୍ତି, ‘ମହେନ୍ଦ୍ର ସିଂହ ଧୋନୀଙ୍କ ପାଖରେ ଅନୁଭବ ଅଛି। ଧୋନୀ ନିଜେ ମଧ୍ୟ ବହୁତ ଖୁସି ଅଛନ୍ତି। ସେ ସର୍ବଦା ଆମ ପାଇଁ ମେଣ୍ଟର ଥିଲେ। କ୍ୟାରିୟର ଆରମ୍ଭରୁ ବଡ଼ ଟୁର୍ଣ୍ଣାମେଣ୍ଟ ଖେଳୁଥିବା ଯୁବ ଖେଳାଳିଙ୍କ ପାଇଁ ବହୁତ ଲାଭ ହେବ। ସେ ଆସିଥିବାରୁ ମୁଁ ଖୁସି ଅଛି। ତାଙ୍କ ଯୋଗୁଁ ଆତ୍ମବିଶ୍ବାସ ଏବଂ ମନୋବଳ ବଢ଼ିବ।’

ଅନ୍ୟପଟେ ରାହୁଲ ଦ୍ରାବିଡଙ୍କୁ ଦଳର ନୂଆ କୋଚ ଭାବେ ଦାୟିତ୍ବ ମିଳିଛି। ଏହା ଉପରେ କୋହଲି କହିଛନ୍ତି, ନୂଆ କୋଚ ନିଯୁକ୍ତିକୁ ନେଇ କଣ ବିଚାର ହେଉଛି ସେନେଇ ମୋ ପାଖରେ କୌଣସି ସୂଚନା ନାହିଁ। ଏନେଇ ମୁଁ କାହା ସହ ଆଲୋଚନା କରି ନାହିଁ। ଏବେ ଓ୍ବାର୍ଲଡ କପ୍‌ ଜିତିବା ଆମର ଏକମାତ୍ର ଲକ୍ଷ ବୋଲି କହିଛନ୍ତି କ୍ୟାପ୍ଟେନ କୋହଲି।  

   Related Posts