Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଳନ୍ତା ହାଇଓ୍ବା ଗାଡିରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଚାଳକ
  • ||
  • Australian Open 2022 ଟାଇଟଲ୍ ଜିତିଲେ ଏଶ୍ଲେ ବାର୍ଟି, ଦେଶ ପାଇଁ ରଚିଲେ ଇତିହାସ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||

ବିରାଟ କୋହଲି କହିଲେ ସ୍କୁଲରେ ଗଣିତରେ ତାଙ୍କୁ ଶହେରୁ କାହିଁକି ମିଳୁଥିଲା ୩, କ’ଣ ପାଇଁ ବିଷୟ ପ୍ରତି ତାଙ୍କର ନଥିଲା ଆଗ୍ରହ

8/09/2019 at 9:02 PM

ଇଣ୍ଟରନ୍ୟାସନାଲ କ୍ରିକେଟରେ ବିରାଟ କୋହଲି ଆଜି ବିଭିନ୍ନ ବୋଲରଙ୍କ ଭିନ୍ନ ଭିନ୍ନ ପ୍ରକାର ବଲର ବେଶ ଚମତ୍କାର ଜବାବ ଦେଇ ପାରୁଛନ୍ତି। ହେଲେ ସ୍କୁଲ ଦିନମାନଙ୍କରେ କିନ୍ତୁ ଏପରି ନଥିଲେ ବିରାଟ। ଗଣିତ ନା ଶୁଣିଲେ ଦେହରୁ ଝାଳ ବୋହିପଡୁଥିଲା। ଦିଲ୍ଲୀରେ ଗୋଲମୋଟଲ ଅଣ୍ଡର ୧୯ କ୍ରିକେଟ ପଡିଆରୁ ଅନ୍ତର୍ଜାତୀୟ କ୍ରିକେଟ ପର୍ଯ୍ୟନ୍ତ ତାଙ୍କର ଯାତ୍ରା ବେଶ କଷ୍ଟକର। ହେଲେ ଆଜି ବି ୧୦ମ ଶ୍ରେଣୀ ଉତୀର୍ଣ୍ଣ ହେବା ଲାଗି ଗଣିତ ପାଇଁ କରିଥିବା କଷ୍ଟକୁ ସେ ଭୁଲି ପାରି ନାହାନ୍ତି। ଏକ ସାକ୍ଷାତକାରରେ ବିରାଟ କହିଥିଲେ ମୁଁ ମ୍ୟାଥ ପାଇଁ ଯେତିକି କଷ୍ଟ କରିଥିଲି ସେତିକି କ୍ରିକେଟ ଲାଗି କେବେ କରିନି। ତେବେ ଆସନ୍ତୁ ବୁଝିବା ବିରାଟ କୋହଲିଙ୍କ ମ୍ୟାଥକୁ।

କୋହଲି ସ୍ପୋର୍ଟସ ୱେବ୍ ସୋ ଇନ୍ ଡିପଥ୍ ୱିଥ ଗ୍ରାହାମ ବେନସିଙ୍ଗରରେ କହିଥିଲେ ସ୍କୁଲରେ ଆମର ଗଣିତ ପରୀକ୍ଷା ହୋଇଥଏ। ଏଥିରେ ଛାତ୍ରଛାତ୍ରୀଙ୍କୁ ୧୦୦ ମାର୍କ ପ୍ରଶ୍ନ ଦିଆଯାଏ, ତେବେ ଏଥିରୁ ମୋତେ ଅତି ବେଶିରେ ୩ ମିଳେ। ତେବେ ଆଜି ବ ମୁଁ ବୁଝିପାରୁନି କାହିଁକି ଗଣିତ ମୁଁ ପଢିବାକୁ ଚାହୁଁ ନଥିଲି। ତେବେ ସବୁଠୁ ବଡ କଥା ହେଲା ଗଣିତର ଜଟିଳତାରେ କେବେ ମୁଁ ପଡିବାକୁ ଚାହୁଁନଥିଲି। ଏପରିକି ଜୀବନରେ କେବେ ଗଣିତର ଫର୍ମୂଲା ବି ମୁଁ ଉପଯୋଗ କରିନାହିଁ। ଏଣୁ ଗଣିତରେ ଦୁର୍ବଳ ଥିବାରୁ ମୁଁ କେବଳ ମେଟ୍ରିକ୍ ପାସ୍ କରିବାକୁ ଚାହୁଁଥିଲି। କାରଣ ଥରେ ମେଟ୍ରିକ ପାସ୍ ହୋଇଗଲେ ପରବର୍ତ୍ତି ଶ୍ରେଣୀରେ ଗଣିତ ପଢିବି କି ନା ତା ମୋ ଇଛାଧିନ ଥିଲା।

ଏହି ଇଣ୍ଟରଭ୍ୟୁରେ ବିରାଟ କହିଥିଲେ ସ୍କୁଲରେ ଅନ୍ୟ ଚାଲାକ ଚତୁର ପିଲାଙ୍କ ଭଳି ସେ ନଥିଲେ। ତେବେ ସବୁ କଥା ବୁଝି ପାରୁଥିଲି। ଏଣୁ ଅନ୍ୟ ବିଷୟଗୁଡିକ ଜନେତେନ ପଢି ପାରୀକ୍ଷା ପାସ ହୋଇ ଯାଉଥିଲି। ତେବେ ଗଣିତରେ ଏତେ ଦୁର୍ବଳ ଥିବା ଏହି ଛାତ୍ରଜଣକ ଆଜି ଟିମ ଇଣ୍ଡିଆର ଅଧିନାୟକ ଦାୟିତ୍ୱ ବେଶ ସମ୍ଭାଳିଛନ୍ତି। ଅଙ୍କର ହିସାବ ଜାଣିପାରୁନଥିବା ଏହି ଛାତ୍ରର ବ୍ୟାଟରୁ ଏବେ ଅସଂଖ୍ୟ ଛକା, ଚୌକା ବାହାରୁଛି । ଯାହା ପ୍ରତିପକ୍ଷ ଦଳ ବିଜୟ ଲାଗି କଷିଥିବା ଗଣିତକୁ ବିଗାଡି ଦେଉଛି। ନିକଟରେ କୋହଲିଙ୍କ ନେତୃତ୍ୱରେ ଟିମ ଇଣ୍ଡିଆ ୱେଷ୍ଟଇଣ୍ଡିଜକୁ ତା ଘରେ ୨-୦ରେ ପରାସ୍ତ କରିଆସିବାର ବି ଗୌରବ ହାସଲ କରିଛି।

   Related Posts