Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଅପୂର୍ବ ସଂଯୋଗ: କ୍ୟାମେରାରେ କଏଦ ହେଲା ବିରଳ ଦୃଶ୍ୟ, ଦେଖନ୍ତୁ ଭାଇରାଲ ଫଟୋରେ ପ୍ରକୃତିର ମାଧୁର୍ଯ୍ୟ

28/08/2020 at 5:40 PM

ନୂଆଦିଲ୍ଲୀ ୨୮।୦୮: ଅନେକ ଥର ଆମ ସାମ୍ନାରେ ଅପ୍ରତ୍ୟାଶିତ ଭାବେ ବହୁତ ସୁନ୍ଦର ଦୃଶ୍ୟ ବା ଚିତ୍ର ସାମ୍ମାକୁ ଚାଲି ଆସେ। ସେହି ଦୃଶ୍ୟ ଏତେ ମନୋରମ ଏବଂ ଚିତ୍ତାକର୍ଷକ ହୋଇଥାଏ ଯେ ତା ଉପରୁ ନଜର ହଟାଇ ହୁଏ ନାହିଁ। ସାମାଜିକ ଗଣମାଧ୍ୟମରେ ଭାଇରାଲ ହୋଇଥିବା ଏହି ଫଟୋ ଦେଖିଲେ ତା ଉପରୁ ନଜର ହଟାଇବାକୁ ମନ ହେଉନାହିଁ।

ସାମାଜିକ ଗଣମାଧ୍ୟମରେ ଫଟୋ ଓ ଭିଡିଓ ଭାଇରାଲ ହେବାରେ ଅଧିକ ସମୟ ଲାଗେ ନାହିଁ। ଯଦି କୌଣସି ଫଟୋ କିମ୍ବା ଭିଡିଓରେ କିଛି ଅଭିନବ ଘଟଣା ଦେଖିବାକୁ ମିଳେ ତେବେ ତାହା ଶୀଘ୍ର ଭାଇରାଲ ହୋଇଥାଏ। ସଂପ୍ରତି ସାମାଜିକ ଗଣମାଧ୍ୟମରେ ଏମିତି ଏକ ସୁନ୍ଦର ଫଟୋ ନଜର ଆସିଛି, ଯାହାକୁ ଦେଖିଲେ ଆପଣ ମଧ୍ୟ ଖୁସି ହୋଇଯିବେ। ଏହି ଫଟୋଟି କୌଣସି ଏକ ଘଞ୍ଚ ଜଙ୍ଗଲର। ଏହାକୁ ଦେଖିଲେ ପ୍ରକୃତିର କରିସ୍ମା ନଜର ଆସୁଛି।

ରାଷ୍ଟ୍ରୀୟ ପ୍ରତୀକର ଚିତ୍ର

ଫଟୋକୁ ଧ୍ୟାନରେ ଦେଖିଲେ ସେଥିରେ ଆପଣଙ୍କୁ ଦୁଇଟି ରାଷ୍ଟ୍ରୀୟ ପ୍ରତୀକ ନଜର ଆସୁଛି। ସବୁଜଭରା ଜଙ୍ଗଲରେ ଦେଶର ଜାତୀୟ ପଶୁ ବାଘ ବସିଥିବା ବେଳେ ଅନ୍ୟପଟେ ଜାତୀୟ ପକ୍ଷୀ ମୟୂର ରହିଛି। ଫଟୋକୁ ଦେଖିଲେ ଲାଗୁଛି ଉଭୟ ପରସ୍ପରକୁ ଅପଲକ ନୟନରେ ଚାହିଁଛନ୍ତି। ପ୍ରକୃତିର ଏହି ଦୃଶ୍ୟ କୌଣସି ଚିତ୍ରଠୁ କମ ନୁହେଁ।

ପ୍ରକୃତିର ଏହି ମନରୋମ ଦୃଶ୍ୟର ଫଟୋ ସୁଜାତ ମହମ୍ମଦ କ୍ଲିକ୍ କରିଛନ୍ତି। ଆଇଆଇଏସ ଅଧିକାରୀ ଅଙ୍କୁର ଲାହୋଟୀ ଏହି ଫଟୋକୁ ନିଜର ସାମାଜିକ ଗଣମାଧ୍ୟମ ଆକାଉଣ୍ଟରେ ସେୟାର କରିଛନ୍ତି। ଏହା ପରେ ଆଇଏଫଏସ ଅଧିକାରୀ ସୁଶାନ୍ତ ନନ୍ଦା ରିଟ୍ଵିଟ୍ କରିଛନ୍ତି।

   Related Posts