ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘କାଶ୍ମୀର ପଣ୍ଡିତଙ୍କ ହତ୍ୟାକାରୀକୁ କ୍ଷମା ନାହିଁ’ – ଉପ ରାଜ୍ୟପାଳ
  • ||
  • ଦେଶରେ ବଢୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୨୦୨ କରୋନା ପଜିଟିଭ୍
  • ||
  • ସନ୍ଧ୍ୟାରେ ପଞ୍ଜାବ ବନାମ ଦିଲ୍ଲୀ, ‘କର ବା ମର’ ସ୍ଥିତିରେ ଉଭୟ ଟିମ୍
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୭ ପଜିଟିଭ୍
  • ||
  • ଚଣ୍ଡୀଖୋଲ: ଟ୍ରକକୁ ଧକ୍କା ଦେଲା ଟ୍ରକ୍: ଗାଡି ଆଗକୁ ଛିଟିକି ପଡିଲେ ଡ୍ରାଇଭର, ଚାଲିଗଲା ଜୀବନ
  • ||
  • କମିବ ଖରା, ବଢିବ ଗୁଳୁଗୁଳି : ଭିଜାଇବ କାଳବୈଶାଖି ବର୍ଷା
  • ||

ନୂଆ ସଦସ୍ୟ ତାଲିକା ନେଇ ଓସିଏରେ ବିଦ୍ରୋହର ସ୍ବର

21/09/2018 at 7:34 PM

କଟକ୨୧|୯: ଓଡ଼ିଶା କ୍ରିକେଟ୍ ଆସୋସିଏସନ୍ ବା ଓସିଏରେ ବିଦ୍ରୋହ । ସାଧାରଣ ପରିଷଦର ବିନା ଅନୁମୋଦନରେ କେମିତି ତିଆରି ହେଲା ସଂଶୋଧିତ ଭୋଟର ତାଲିକା । ଏହାକୁ ନେଇ ଓଡ଼ିଶା କ୍ରିକେଟ୍ ଆସୋସିଏସନ ବା ଓସିଏରେ ଆରମ୍ଭ ହୋଇଛି ଘମାସାନ । କିଏ କେଉଁ ଅଧିକାରରେ ଏଭଳି କରିଛି ବୋଲି ପୁରୁଣା ସଦସ୍ୟମାନେ ପ୍ରଶ୍ନ କରୁଥିବା ବେଳେ ମୁହଁ ଖୋଲୁନାହାନ୍ତି ଓସିଏର କାର୍ଯ୍ୟ ନିର୍ବାହୀ ଅଧିକାରୀ । …. ଓସିଏର ପୁରୁଣା ସଦସ୍ୟ ପ୍ରଦୀପ ଚୌହାନ୍, ସଂଜୀବ ଦତ୍ତ ଆଜି ଗଣମାଧ୍ୟମରେ ଅସଂତୋଷ ପ୍ରକାଶ କରିଛନ୍ତି। ଲୋଧା କମିଟି ସୁପାରିଶ ଅନୁସାରେ କ୍ରିକେଟ ସଂଗଠନ ଗୁଡ଼ିକରେ ସଂସ୍କାର ଅଣାଯାଇଛି । କମିଟିର ସୁପାରିଶ ଏବଂ ସୁପ୍ରିମକୋର୍ଟଙ୍କ ନିର୍ଦେଶ ଅନୁଯାୟୀ ପୁରୁଣା କମିଟିକୁ ଭାଙ୍ଗି, ଏକ କାମଚଳା କମିଟି ଗଠନ କରାଯାଇଛି । ଲକ୍ଷ୍ୟ ଥିଲା ନୂଆ ସଦସ୍ୟଙ୍କ ସାନି ତାଲିକା ପ୍ରସ୍ତୁତ କରାଯିବ ଆଉ ସିସିଆଇର ନିର୍ଦେଶ ଆସିବା ପରେ ନିର୍ବାଚନ କରାଯିବ । ହେଲେ ଏବେ ଓସିଏ ଦ୍ବାରା ଅନୁବନ୍ଧିତ ସମସ୍ତ ଜିଲ୍ଲା ସଂଗଠନ ଗୁଡ଼ିକୁ ନେଇ ସଂଶୋଧିତ ଭୋଟର ତାଲିକା ପ୍ରକାଶ କରାଯାଇଥିବା ଏବଂ ଏଥିରେ ବିଭିନ୍ନ କ୍ଲବ, ସ୍କୁଲ ଆଦିକୁ ସଦସ୍ୟତାରୁ ବଂଚିତ କରାଯାଇଥିବା ଜଣାପଡ଼ିବା ପରେ ତାତିଛନ୍ତି ପୁରୁଣା ସଦସ୍ୟ । ନିର୍ବାଚନକୁ ଆଖି ଆଗରେ ରଖି ଏମିତି କରାଯାଇଥିବା ସେମାନେ ଅଭିଯୋଗ କରିଛନ୍ତି । ଯାହାକୁ ନେଇ ଏବେ ଓସିଏରେ ଗୋଟେ ପ୍ରକାର ଅଚଳାବସ୍ଥା ସୃଷ୍ଟି ହୋଇଛି । କିନ୍ତୁ ଏ ସମ୍ପର୍କରେ ଓସିଏ ସଭାପତି ଧୀରେନ୍ ପଲେଇ କହୁଛନ୍ତି ସବୁ କିଛି ସୁପ୍ରିମକୋର୍ଟଙ୍କ ଗାଇଡଲାଇନ୍ ଅନୁସାରେ ହୋଇଛି । ଓସିଏରେ ଏଭଳି ଅବସ୍ଥା ଓ ବ୍ୟବସ୍ଥା ସମ୍ପର୍କରେ ଏକଜୁଟ୍ ହେବାକୁ ଯୋଜନା କରିଛନ୍ତି ଅସନ୍ତୁଷ୍ଟ ସଦସ୍ୟ । ଲାଗୁଛି ଆଗକୁ ଓସିଏରେ ଏକ ବିସ୍ଫୋରକ ପରିସ୍ଥିତି ସୃଷ୍ଟି ହେବାକୁ ଯାଉଛି ।

   Related Posts