Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୬୫୨ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୫୧୧ ଡିସଚାର୍ଜ
  • ||
  • ବିଧାୟିକାଙ୍କ ଘର ଆଗରେ ବୋମାମାଡ଼, ଦୁଇ ସମର୍ଥକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଟୋକିଓ ଅଲିମ୍ପିକ୍ସ : ଭାରତକୁ ମିଳିଲା ଆଉ ଏକ ପଦକ, ୫୭ କେଜି କୁସ୍ତିରେ ରବି ଦାହିୟା ଜିତିଲେ ରୌପ୍ୟ ପଦକ
  • ||
  • ଜଗତସିଂହପୁର : ଶୁକ୍ରବାର ଖୋଲିବ ଝଙ୍କଡ ସ୍ଥିତ ମା’ ଶାରଳାଙ୍କ ମନ୍ଦିର, ଖୋଲିବ ଗୋରେଖନାଥଙ୍କ ପୀଠ
  • ||
  • କଟକ : ସ୍କୁଟି ମିଳିଥିଲା ମଧୁସୂଦନ ସେତୁରୁ, ମୃତଦେହ ମିଳିଲା ଯୋବ୍ରା ଆନିକଟରୁ : ମଙ୍ଗଳବାରଠୁ ଥିଲେ ନିଖୋଜ
  • ||
  • ବଡବିଲ : ରାସ୍ତା କଡକୁ ଓଲଟି ହୁତୁହୁତୁ ହୋଇ ଜଳିଗଲା ହାଇୱା
  • ||
  • ଭୁବନେଶ୍ବର : ରାଜ୍ୟ ମାନବାଧିକାର ଆୟୋଗରେ ଅଗ୍ନିକାଣ୍ଡ, ଏସି ସଟ୍ ସର୍କିଟ୍‌ରୁ ନିଆଁ ଲାଗିଥିବା ସୂଚନା
  • ||
  • ରାଉରକେଲା : ବଡଧରଣର ଜିଏସ୍‌ଟି ଠକେଇ, ବନ୍ଧାହେଲା ୮୦ କୋଟି ଟଙ୍କା ଠକିନେଇଥିବା ଠକ
  • ||
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • କଟକ : ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||

ଭାଇଚାରାର ଜୀବନ୍ତ ଦୃଷ୍ଟାନ୍ତ : ମନ୍ଦିରକୁ ହିଂସା ଘଟଣାରୁ ରକ୍ଷା କରିବା ପାଇଁ ହ୍ୟୁମନ ଚେନ୍ ତିଆରି କଲେ ମୁସଲମାନ ଯୁବକ

12/08/2020 at 11:12 AM

ବେଙ୍ଗାଲୁରୁ ୧୨/୦୮ : କର୍ଣ୍ଣାଟକ ରାଜଧାନୀ ବେଙ୍ଗାଲୁରୁର ପୁଲାକେଶୀ ନଗରରେ ମଙ୍ଗଳବାର ରାତିରେ ଲୋକେ ପୋଲିସ ଥାନା ଓ କଂଗ୍ରେସ ବିଧାୟକଙ୍କ ବାସଭବନକୁ ଭାଙ୍ଗଭଙ୍ଗୀ କରିଛନ୍ତି | ବିଧାୟକଙ୍କ ଜଣେ ସମ୍ପର୍କୀୟଙ୍କ ଦ୍ୱାରା ସୋସିଆଲ ମିଡ଼ିଆରେ ସାମ୍ପ୍ରଦାୟିକ ମୁଦ୍ଦା ସହ ଜଡିତ ଏକ ପୋଷ୍ଟ ସେୟାର କରିବା ପରେ ଏହି ଘଟଣା ଘଟିଥିଲା | ପୋଲିସ କହିବାନୁଯାୟୀ, ଅନେକ ସଂଖ୍ୟକ ଲୋକେ ବିଧାୟକ ଅଖଣ୍ଡ ଶ୍ରୀନିବାସ ମୂର୍ତ୍ତିଙ୍କ ବାସଭବନ ନିକଟରେ ଜମା ହୋଇ ଭଙ୍ଗାରୁଜା କରିଥିଲେ ଏବଂ ସେଠାରେ ଥିବା ଗାଡିଗୁଡିକୁ କ୍ଷତିଗ୍ରସ୍ତ କରିଦେଇଥିଲେ | ଏହାପରେ ପୋଲିସ ଥାନାକୁ ଟାର୍ଗେଟ କରିଥିଲେ |

ଏହି ହିଂସା ଘଟଣାରେ ଲୋକେ ଏକ ମନ୍ଦିରକୁ ଟାର୍ଗେଟ କରିବାକୁ ଉଦ୍ୟମ କରିଥିଲେ | କିନ୍ତୁ କିଛି ଲୋକେ ମନ୍ଦିର ସମ୍ମୁଖରେ ଦୃଢ ଭାବେ ଛିଡା ହୋଇ ରହିଲେ ଏବଂ ମନ୍ଦିରର କୌଣସି ପ୍ରକାର କ୍ଷତି ହେବାକୁ ଦେଇନଥିଲେ | ଏହାର ଅନେକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି | ଏହିଭଳି ଏକ ୧୯ ସେକେଣ୍ଡର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି ଯାହାକୁ ନେଇ ଲୋକେ ପ୍ରଶଂସା କରିଛନ୍ତି |

ହିଂସା ଘଟଣାରେ ସାମିଲ ହୋଇଥିବା ଲୋକେ ମନ୍ଦିରକୁ ଭଙ୍ଗାରୁଜା କରିବାକୁ ଆଗକୁ ବଢୁଥିବା ଭିଡିଓରେ ଦେଖିବାକୁ ମିଳିଛି | କିନ୍ତୁ କିଛି ମୁସଲମାନ ଯୁବକ ହ୍ୟୁମନ ଚେନ ତିଆରି କରି ସେମାନଙ୍କୁ ଅଟକାଇଥିଲେ, ମନ୍ଦିରକୁ କ୍ଷତିଗ୍ରସ୍ତ ହେବାରେ ରୋକିଥିଲେ | ଏପରିକି ଏହି ମୁସଲମାନ ଯୁବକମାନେ କହୁଛନ୍ତି ‘ଆଲ୍ଲା କେ ବାସ୍ତେ ଐସା ନା କରେଁ’ ଯାହା ଭିଡିଓରେ ସ୍ପଷ୍ଟ ଶୁଣିବାକୁ ମିଳିଛି |

ଜଣେ ବ୍ୟକ୍ତି ନିଜକୁ ବିଧାୟକଙ୍କ ସମ୍ପର୍କୀୟ କହି ସୋସିଆଲ ମିଡ଼ିଆରେ ଏକ ପୋଷ୍ଟ ସେୟାର କରିଥିଲେ ଯାହାକୁ ନେଇ ଏକ ସମ୍ପ୍ରଦାୟର ଲୋକେ କ୍ରୋଧିତ ହୋଇଯାଇଥିଲେ | ଏହାପରେ ଏହି ହିଂସା ଘଟଣା ଘଟିଥିଲା | ବିଧାୟକ ସେହି ସମ୍ପ୍ରଦାୟର ଲୋକଙ୍କୁ ହିଂସା ନ କରିବାକୁ ଅପିଲ କରିଥିଲେ | ସେ ଭିଡିଓ ସନ୍ଦେଶ ମାଧ୍ୟମରେ କହିଛନ୍ତି ଯେ, ମୁଁ ମୁସଲମାନ ଭାଇମାନଙ୍କୁ ଅପିଲ କରୁଛି ଯେ କିଛି ଉପଦ୍ରବଙ୍କ ଭୁଲକୁ ନେଇ ଆମକୁ ହିଂସାରେ ସାମିଲ ହେବା ଊଛୀନେ ନୁହେଁ | ଲଢେଇ ଝଗଡାର କୌଣସି ଆବଶ୍ୟକତା ନାହିଁ | ଆଇନ ଅନୁଯାୟୀ ଦୋଷୀଙ୍କୁ ଦଣ୍ଡ ମିଳିବ | ଆମେ ଆପଣମାନଙ୍କ ସହିତ ଅଛୁ | ମୁଁ ମୋର ମୁସଲମାନ ବନ୍ଧୁମାନଙ୍କୁ ଶାନ୍ତି ବଜାୟ ରଖିବାକୁ ଅପିଲ କରୁଛି |’

   Related Posts