ଚାନ୍ଦବାଲି ୩୦।୯: କରୋନା କଟକଣାକୁ ମାନିଲେନି ବୀମାଧାରୀ ଚାଷୀ । ସମବାୟ ବ୍ୟାଙ୍କ ଆଗରେ ଶତାଧିକ ଚାଷୀଙ୍କ ଭିଡ । ଚାନ୍ଦବାଲି ସମବାୟ ବ୍ୟାଙ୍କ ଆଗରେ ଶତାଧିକ ଚାଷୀ ଗତକାଲି ରାତି ୯ଟାରୁ ଧାଡି ବାନ୍ଧି ଛିଡା ହୋଇଛନ୍ତି ଶତାଧିକ ଚାଷୀ । ଅଧିକାଂଶ ଲୋକଙ୍କ ମୁହଁରେ ମାସ୍କ ନାହିଁ । ସାମାଜିକ ଦୂରତା କଥା ପଚାରେ କିଏ ।
ରାଜ୍ୟରେ କରୋନା ସଂକ୍ରମଣ ବଢି ବଢି ଚାଲିଥିବା ବେଳେ ଲୋକେ କିନ୍ତୁ ବେଖାତିର । ଚାନ୍ଦବାଲିର ଏଭଳି ଦୃଶ୍ୟ ହିଁ ତାହା ବୟାନ କରୁଛି । ଟିକେ ଭଲଭାବେ ଦେଖନ୍ତୁ ଏହି ଭିଜୁଆଲକୁ…
wp:html /wp:htmlବ୍ୟାଙ୍କ ଆଗରେ କିଭଳି ଲମ୍ବା ଲାଇନ୍ ଲାଗିଛି । ବହୁ ବୟସ୍କ ବ୍ୟକ୍ତି ମଧ୍ୟ ଲାଇନ୍ରେ ବସିରହିଛନ୍ତି । ଚାନ୍ଦବାଲି ସମବାୟ ବ୍ୟାଙ୍କ ଅଧିନରେ ୧୯ଟି ସେବା ସମବାୟ ସମିତି ରହିଛି । ଜୟସଦପୁର, ଯଶୀପୁର, ଓରାସହି, ମାଧପୁର, ତେନ୍ତୁଳିଡିହି ଆଦି ସେବା ସମବାୟ ସମିତିର ବୀମା ରାଶି ଅର୍ଥ ଆସିଛି । ବୀମା ଅର୍ଥ ନେବାକୁ ବୀମାଧାରୀଙ୍କ ଏହି ଭିଡ ଜମିଛି । ଅନ୍ୟପଟେ ଏକାସହ ୫ଟି ସେବା ସମବାୟ ସମିତିର ଶତାଧିକ ଚାଷୀଙ୍କୁ ବୀମା ଟଙ୍କା ଦିଆଯାଉଥିବାରୁ ଭିଡ ଜମିଥିବା ଲୋକେ କହୁଛନ୍ତି ।