ଭଣ୍ଡାରିପୋଖରୀ ୫।୧୧: କଲେଜ ଛାତ୍ରୀ ଙ୍କୁ ବାଇକରେ ଫଲୋ କଲେ, ମୋବାଇଲ ନମ୍ବର ମାଗିଲେ ପୁଣି କମେଣ୍ଟ ମାରିଲେ । ଶେଷରେ ଗାଁ ଲୋକଙ୍କ ହାବୁଡାରେ ପଡି କାନ ଧରି ଆଣ୍ଠେଇ ଆଣ୍ଠେଇ ଗାଁ ଦାଣ୍ଡରେ ବୁଲାଇଲେ ଗ୍ରାମବାସୀ । ଏମିତି ଘଟଣା ଘଟିଛି ଭଦ୍ରକ ଜିଲ୍ଲା ତିହିଡି ଥାନା ବାଲିଚତୁରୀ ଅଞ୍ଚଳରେ ।
ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ତିହିଡି ଅଞ୍ଚଳର ଦୁଇ ଜଣ ଯୁବକ ତିହିଡି ମହାବିଦ୍ୟାଳୟର କେତେକ ଛାତ୍ରୀଙ୍କୁ ବାରମ୍ବାର ହଇରାଣ କରୁଥିଲେ । ଶେଷରେ ଦୁଇ ଯୁବକ, ଯୁବତୀଙ୍କ ପଛେ ପଛେ ଯାଇ ସେମାନଙ୍କୁ କାମେଣ୍ଟ କରିଥିଲେ । ସେମାନଙ୍କ ମୋବାଇଲ ନମ୍ବର ମଧ୍ୟ ମାଗିଥିଲେ। ଗାଁଲୋକେ ଘଟଣା ଜାଣିବା ପରେ ସଙ୍ଗେ ସଙ୍ଗେ ଦୁଇ ଯୁବକଙ୍କୁ କାବୁ କରିନେଇଥିଲେ । ପରେ ଛାତ୍ରୀଙ୍କ ସାମ୍ନାରେ ଯୁବକଙ୍କୁ ପଚରାଉଚରା କରିଥିଲେ । ଉଭୟଙ୍କୁ ମାଡ ମଧ୍ୟ ମାରିଥିଲେ । ମାଡ ଖାଇବା ପରେ ଯୁବକ ଜଣଙ୍କ ସବୁ ସତ କଥା କହିଥିଲେ । ପରେ ଗାଁ ଲୋକେ ଯୁବକ ଓ ତାଙ୍କ ସାଙ୍ଗଙ୍କୁ ଗାଁ ଦାଣ୍ଡରେ ଆଣ୍ଠେଇ ଆଣ୍ଠେଇ ଚଳାଇଥିଲେ । ତିହିଡି ପୋଲିସ ଖବର ପାଇ ଦୁଇ ଯୁବକଙ୍କୁ ଉଦ୍ଧାର କରିଛି ।
