Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

କଂକ୍ରିଟ ରାସ୍ତା କାଟି ପାଇପ୍ ବିଛାଇବା କାମକୁ ଗ୍ରାମବାସୀଙ୍କ ବିରୋଧ

12/10/2020 at 5:06 PM

ଅନୁଗୋଳ ୧୨।୧୦: କଂକ୍ରିଟ ରାସ୍ତା କାଟି ପାଇପ ବିଛାଇବା କାମକୁ ବିରୋଧ କଲେ ଲକେଇପସି ଗ୍ରାମବାସୀ । ଆଖପାଖ ୧୦ଟି ଗାଁର ଲୋକ ଯାତାୟତରେ ନାହିଁ ନ ଥିବା ଅସୁବିଧା ଭୋଗୁଛନ୍ତି । ଯଦି କଂକ୍ରିଟ ରାସ୍ତା ତିଆରି କରି ପାରୁନାହଁ ତେବେ କାଟିବାର ଅଧିକାର ଦେଲା କିଏ ବୋଲି କଲେ ପ୍ରଶ୍ନ । ଗାଁରେ ଚାପା ଉତ୍ତେଜନା ଲାଗି ରହିଛି ।

କଂକ୍ରିଟ ରାସ୍ତା କାଟି ପାଇପ ବିଛାଇବା କାମକୁ ବିରୋଧ କଲେ ଲକେଇପସି ଗ୍ରାମବାସୀ । ଗାଁରେ ଥିବା ମଝି ରାସ୍ତାକୁ ପକଲିଂ ଲଗାଇ କାଟି ବଡ଼ ବଡ଼ ଗାଢ଼ କରି ବଡ଼ ବଡ଼ ପାଇପ ବିଛାଉଛନ୍ତି କଣ୍ଟ୍ରାକ୍ଟର । ଫଳରେ ଗ୍ରାମବାସୀ ଏବଂ ଆଖପାଖ ୧୦ଟି ଗ୍ରାମର ଲୋକ ସେହି ରାସ୍ତା ଦେଇ ଯାତାୟତ କରିପାରୁ ନଥିବା ଅଭିଯୋଗ ଆଣିଛନ୍ତି ।

ବହୁ ଆନ୍ଦୋଳନ ପରେ ଗାଁରେ ଲକ୍ଷାଧିକ ଟଙ୍କା ବ୍ୟୟରେ ଗାଁରେ କଂକ୍ରିଟ କାମ ହୋଇଥିଲା । କିନ୍ତୁ ଗାଁ ଲୋକମାନଙ୍କ ସହ ବିନା ଆଲୋଚନାରେ ଗାଁର କଂକ୍ରିଟ ରାସ୍ତାକୁ ଠିକାଦାର ଧମକ ଚମକ ଦେଇ କାଟି ପାଇପ ବିଛାଇବା କାମ କରୁଛି । ଯାହାକୁ ନେଇ ଏବେ ଗ୍ରାମବାସୀ ଅସନ୍ତୁଷ୍ଟ ହେବା ସହ ଯାତାୟତରେ ନାହିଁ ନ ଥିବା ଅସୁବିଧାର ଶିକାର ହୋଇଛନ୍ତି । ତେଣୁ ତୁରନ୍ତ ଯେଉଁ କଂକ୍ରିଟ ରାସ୍ତା କାଟିଛନ୍ତି ତାକୁ ପୁନଃ ମରାମତି କରି କଂକ୍ରିଟ ରାସ୍ତା ନିର୍ମାଣ କରନ୍ତୁ ନଚେତ୍ ପାଇପ ବିଛାଇବା କାମ ବନ୍ଦ ହେଉ ବୋଲି ଜିଦ ଧରିଛନ୍ତି ।

ସେପଟେ ଖବର ପାଇ ଠିକାଦାର ଗାଁରେ ପହଁଚି ଆନ୍ଦୋଳନକାରୀଙ୍କ ସହ ଆଲୋଚନା କରୁଛନ୍ତି । ଗ୍ରାମବାସୀ ଯାହା କହୁଛନ୍ତି ତାହା କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି । କିନ୍ତୁ ବର୍ତ୍ତମାନ ପାଇପ ବିଛାଇବା କାମ ଚାଲିଛି । ଏହାପରେ ପାଣି ଟେଷ୍ଟିଂ କରାଯିବ । ସେତେବେଳ ପର୍ଯ୍ୟନ୍ତ ରାସ୍ତା ମରାମତି କାମ କରାଯିବ । ପରେ ସ୍ଥାୟୀ ଭାବେ କଂକ୍ରିଟ କାମ ଚାଲିବ ବୋଲି କହିଛନ୍ତି । କିନ୍ତୁ କେବେ ଆରଡବ୍ଲୁଏସଏସର ପାଇପ ବିଛାଇବ କାମ ସରିବ ତାହା ଅନିଶ୍ଚିତ । କ’ଣ ସେତେଦିନ ପର୍ଯ୍ୟନ୍ତ ଏଭଳି ଅସୁବିଧାରେ ଲୋକମାନେ ଯାତାୟତ କରିବେ ? କାମ ହାସଲ ପରେ ଆଉ ଠିକାଦାର ଗାଁରେ ଦେଖା ଦେବେ ତ ?  ଏହା ହିଁ ସମସ୍ତଙ୍କ ମନରେ ପ୍ରଶ୍ନ ଉଠୁଥିବା ବେଳେ ତୁରନ୍ତ ରାସ୍ତା ନିର୍ମାଣର ବ୍ୟବସ୍ଥା କରନ୍ତୁ ବୋଲି ଦାବି ହେଉଛି ।

   Related Posts