ହିନ୍ଦୋଳ ୧୦|୧: ଢେଙ୍କାନାଳ ଜିଲ୍ଲା ହିନ୍ଦୋଳ ଉପଖଣ୍ଡ ହିନ୍ଦୋଳ ଏନଏସି ଅନ୍ତର୍ଗତ ରାଜମୋହନପୁର ଗ୍ରାମର ନାବାଳିକା ସୋନାଲି ବେହାରାକୁ ଗତ ୨୪ ତାରିଖରୁ ଅପହରଣ ଓ ପରେ ହତ୍ୟା କରି ନିକଟସ୍ଥ ଜଙ୍ଗଲରେ ପକାଇବା ଘଟଣାରେ ହିନ୍ଦୋଳ ପୋଲିସର ହାତ ଖାଲି । ପୋଲିସ ଆଜି ପର୍ଯ୍ୟନ୍ତ କୌଣସି ଦୋଷୀକୁ ନଧରିପାରିବା ଏବଂ ତଦନ୍ତରେ ବି କୌଣସି ଖିଅ ନପାଇବା ଆଦି ଘଟଣା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ପୋଲିସ ପ୍ରଶାସନ ଦୋଷୀଙ୍କୁ ଘଣ୍ଟ ଘୋଡାଉଥିବା ସ୍ଥାନୀୟ ଜନସାଧାରଣ ଅଭିଯୋଗ କରି ଆଜି ହିନ୍ଦୋଳ ଉପଜିଲ୍ଲାପାଳ ଅଫିସ ଘେରାଉ କରିଥିଲେ । ଶହ ଶହ ଜନସାଧାରଣ ବିକ୍ଷୋଭ ପ୍ରଦର୍ଶନ କରିଥିଲେ ।ସହକାରୀ ଜିଲ୍ଲାପାଳ ଗଜାନନ ପ୍ରଧାନ ଦାବି ପତ୍ର ଗ୍ରହଣ କରି ଆଗାମି ୭ ଦିନ ଭିତରେ ଦୋଷିଙ୍କୁ ଧରାଯିବା ନେଇ ପ୍ରତିଶୃତି ଦେବାପରେ ବିକ୍ଷୋଭ ବନ୍ଦ ହୋଇଥିଲା ।
କୋଲାବିରା ସମାବେଶରେ ବିଧାୟିକାଙ୍କ ଦୃଢୋକ୍ତି, କହିଲେ...