ଆଠମଲ୍ଲିକ ୨୦।୪: ଆଠମଲ୍ଲିକ ଉପଜିଲ୍ଲାପାଳ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ । ସୋମବାର ରାତି ୭ଟାରୁ ରାତି ୮ଟା ପର୍ଯ୍ୟନ୍ତ ଏକ ଘଣ୍ଟା ଆଠମଲ୍ଲିକ ଉପଜିଲ୍ଲାପାଳ ଅଫିସ ସମ୍ମୁଖରେ ଓଲଥ ଗ୍ରାମବାସୀ ବିକ୍ଷୋଭ ପ୍ରଦର୍ଶନ କରିଥିଲେ । ଗ୍ରାମବାସୀ ପର୍ବତୀଗିରି ମେଗା ଜଳ ପ୍ରକଳ୍ପକୁ ଓଲଥରୁ ପତାକା ଗ୍ରାମକୁ ସ୍ଥାନାନ୍ତରକୁ ବିରୋଧ କରିବା ପାଇଁ ରାସ୍ତାରୋକ କରିଥିଲେ । ଏହି ରାସ୍ତାରୋକ ସମୟରେ ଗ୍ରାମବାସୀ ପୋଲିସ ଉପରେ ଆକ୍ରମଣ କରିବାରୁ ପୋଲିସ ୫୯ ଜଣଙ୍କୁ ଆଠମଲ୍ଲିକ ଥାନାକୁ ନେଇ ଆସିଥିଲେ ।
ପରେ ସନ୍ଧ୍ୟାରେ ୬ ଜଣ ପୁରୁଷ ଓ ୪ ଜଣ ମହିଳାଙ୍କର ନାଁରେ କେଶ ରୁଜୁ କରାଇ ଜେଲକୁ ପଠାଇ ଦେଇଥିଲେ । ୧୧ ଜଣକୁ ବଣ୍ଡ୍ ପେପରରେ ସାଇନ କରାଇ ଛାଡି ଦେଇଥିଲେ । ଏହି ଘଟଣାକୁ ନେଇ ମହିଳାମାନେ ଉପଜିଲ୍ଲାପାଳ ଅଫିସ ସମ୍ମୁଖରେ ବିରୋଧ ପ୍ରଦର୍ଶନ କରିଥିଲେ ଓ ରାତି ୮ଟା ବେଳକୁ ମହିଳାମାନେ ଘରକୁ ଚାଲି ଯାଇଥିବାର ଦେଖିବାକୁ ମିଳିଥିଲା ।
