ଡେଲାଙ୍ଗ ୮।୧: ଡେଲାଙ୍ଗ ଥାନା ସମ୍ମୁଖରେ ଆମରଣ ଅନଶନ ଆଜି ପହଁଞ୍ଚିଛି ଦୁଇ ଦିନରେ। ଶୀତରେ ଥରୁଛି ସାରା ରାଜ୍ୟ କିନ୍ତୁ ପୁରୀ ଜିଲ୍ଲା ଡେଲାଙ୍ଗ ଥାନା ଆଗରେ ସ୍ଥାନୀୟ ମାଛପଡା ଗ୍ରାମର ଶତାଧିକ ମହିଳା ଓ ପୁରୁଷ ଆମରଣ ଅନଶନରେ ବସିଛନ୍ତି । ଏହା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ପୋଲିସ ଦୋଷୀଙ୍କୁ ଦଣ୍ଡ ଦେବା ବଦଳରେ ଘଣ୍ଟ ଘୋଡ଼ାଉଥିବା ଅଭିଯୋଗ କରିଛନ୍ତି ଗ୍ରାମବାସୀ ।
{"id":208532,"sizeSlug":"large"}ସୂଚନାଯୋଗ୍ୟ ଯେ, ପୂର୍ବ ଶତ୍ରୁତାକୁ କେନ୍ଦ୍ରକରି ଗତ ଅକ୍ଟୋବର ୧୧ ତାରିଖ ଦିନ ଦୁର୍ବୃତ୍ତମାନେ ଗାଁରେ ନିଆଁ ଲଗାଇ ଦେଇଥିଲେ। ଏଥିରେ ୧୪ ପରିବାର ୨୧ ବଖରା ଘର ଭସ୍ମୀଭୂତ ହୋଇଥିଲା । ଏହି ଘଟଣାରେ ସ୍ଥାନୀୟ ପୋଲିସ ଅଭିଯୁକ୍ତମାନଙ୍କୁ ଗିରଫ ନକରି ତାଙ୍କ ପରିବାରକୁ ସୁରକ୍ଷା ଯୋଗାଇଦେଉଛି।
{"id":208533,"sizeSlug":"large"}ଅନ୍ୟପଟେ ଏହି ଘଟଣାରେ ପୋଲିସ ଗ୍ରାମବାସୀମାନଙ୍କ ବିରେଧରେ ମିଥ୍ୟା ମୋକଦ୍ଦମା କରିଥିବା ଅଭିଯୋଗ ହୋଇଛି। ଅଭିଯୁକ୍ତଙ୍କୁ ଗିରଫ, ମିଥ୍ୟା ମୋକଦ୍ଦମା କରିଥିବା ଏଏସଆଇ ବ୍ରହ୍ମରବର ପାଇଟାଳଙ୍କୁ ଚାକିରୀରୁ ନିଲମ୍ବିତ ଦାବିରେ ଗ୍ରାମବାସୀମାନେ ଆମରଣ ଅନଶନ କରିଛନ୍ତି।