Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ସରକାରୀ କାମରେ ଘୋଟାଲା ଏବଂ କାର୍ଯ୍ୟରେ ଅବହେଳା ପ୍ରତିବାଦରେ ପିଇଓଙ୍କୁ ପଂଚାୟତ ଅଫିସରେ ତାଲା ପକାଇଲେ ଗ୍ରାମବାସୀ

12/09/2019 at 9:26 AM

ଉମରକୋଟ ୧୨।୯: ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ୍ ବଡ ଟେମେରା ପଞ୍ଚାୟତ ପିଇଓ କାଳିପଦ କୀର୍ତ୍ତନିଆଙ୍କୁ ଗ୍ରାମବାସୀ ବିଭିନ୍ନ ସରକାରୀ କାମର ଘୋଟଲା ଏବଂ କାର୍ଯ୍ୟରେ ଅବହେଳା କରୁଥିବା  ପ୍ରତିବାଦରେ  ପଂଚାୟତ ଭିତରେ ରଖି  ତାଲା ପକେଇ ଦେଇଥିଲେ ।

ସୂଚନାଯୋଗ୍ୟ ଯେ, ବୁଧବାର ଦିନ ଟେମେରା ଠାରେ ପଲ୍ଲିସଭା ଅନୁଷ୍ଠିତ ହେବାକୁ ଥିବା ବେଳେ ଦିନ ତମାମ ଗ୍ରାମବାସୀ ଆସି ପଂଚାୟତଠାରେ ଅପେକ୍ଷା କରିଥିଲେ ମଧ୍ୟ, ପିଇଓଙ୍କ ଦେଖା ମିଳିନଥିଲା । ଏଭଳି ପୂର୍ବରୁ ମଧ୍ୟ ପିଇଓ ଅବହେଳା କରୁଥିବାକୁ ନେଇ ଲୋକଙ୍କ ରାଗ ଉଗ୍ର ରୂପ ନେଇଥିଲା l ଶେଷରେ ଏହାର ଫଇସଲା ଦାବି କରି ପିଇଓଙ୍କୁ ପଂଚାୟତ ଭିତରେ ରଖି ତାଲା ପକେଇ ଦେଇଥିଲେ l ଲୋକଙ୍କ ଅଭିଯୋଗ ଅନୁସାରେ ଉକ୍ତ ଅଂଚଳରେ ପିଇବା ପାଣିଠାରୁ ଆରମ୍ଭ କରି କୌଣସି ବିକାଶମୂଳକ କାମ ହେଉନଥିବା, ଗ୍ରାମବାସୀଙ୍କୁ ପଲ୍ଲିସଭା ରିପୋର୍ଟ ମାଗିଲେ ଏହାକୁ ଗୁପ୍ତ ରଖୁଥିବା, ନିଜ ମନ ମୁତାବକ କାର୍ଯ୍ୟ କରୁଥିବା ଭଳି ସଂଗୀନ ଅଭିଯୋଗ ଆଣିଥିଲେ ଏଭଲିକି ୩୫ଜଣଙ୍କ ରାସନ କାର୍ଡ ନଦେଇ ପାଖରେ ରଖିଥିବା ନେଇ ମଧ୍ୟ ଅଭିଯୋଗ କରିଥିଲେ l

ଏହା ପୂର୍ବରୁ ଅନେକଥର ପଞ୍ଚାୟତରେ ପିଇଓଙ୍କ ଅବହେଳା କୁ ନେଇ  ଗ୍ରାମବାସୀ ଗୋଷ୍ଠୀ ଉନ୍ନୟନ ଅଧିକାରୀଙ୍କଠାରୁ ଆରମ୍ଭ କରି ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକରେ ମଧ୍ୟ ଅଭିଯୋଗ  କରିଥିବା ପ୍ରକାଶ କରିଛନ୍ତି l ତେବେ କୌଣସି ସୁଫଳ ମିଳି ନଥିବା ବେଳେ ବାରମ୍ବାର ଅଂଚଳବାସୀଙ୍କ ପ୍ରତି ଅବହେଳା କରୁଥିବା ହେତୁ  ବାଧ୍ୟ ହୋଇ ଏଭଳି ନିଷ୍ପତ୍ତି ନେଇଥିବା ପ୍ରକାଶ କରିଛନ୍ତି l

ତେବେ ପଞ୍ଚାୟତ ଅଫିସରେ ପିଇଓଙ୍କୁ ତାଲା ପକେଇ ରଖାଯାଇଥିବା ବେଳେ ଝରିଗାଁ ଥାନା ଭାରପ୍ରାପ୍ତ ଅଧିକାରୀ ପ୍ରମୋଦ ନାୟକ ଘଟଣାସ୍ଥଳରେ ପହଂଚି ଲୋକଙ୍କୁ ଆଶ୍ବସନା ଦେବା ପରେ  ଲୋକେ ପିଇଓ ଙ୍କୁ ମୁକୁଳାଇ ଥିଲେ l ତେବେ ପ୍ରଶାସନ ଯଦି ଅଂଚଳର ସମସ୍ୟା ପ୍ରତି ଗୁରୁତ୍ବ ନଦିଅନ୍ତି ତେବେ ବାରମ୍ବାର ଏଭଳି ଆନ୍ଦୋଳନ କରାଯିବ ବୋଲି କହିଥିଲେ l

   Related Posts