ନୟାଗଡ ୧୮।୧୨: ରାସ୍ତାରେ ଷଷ୍ଠ ଶ୍ରେଣୀ ଛାତ୍ରୀଙ୍କୁ ଅସଦାଚରଣ କରିବା ଜଣେ ଗ୍ରାମରକ୍ଷୀଙ୍କୁ ମହଙ୍ଗା ପଡ଼ିଛି । ଛାତ୍ରୀଙ୍କ ମା’ ଗ୍ରାମରକ୍ଷୀଙ୍କୁ ନିର୍ଧୁମ ପିଟିବା ସହ ରାସ୍ତାରେ ଘୋଷାଡି ଘୋଷାଡି ନେଇ ଗ୍ରାମରକ୍ଷୀକୁ ପୋଲିସ ଜିମା ଦେଇଛନ୍ତି । ସ୍ଥାନୀୟଲୋକ ବି ସେମାନଙ୍କ ସହ ମିଶି ଗ୍ରାମରକ୍ଷୀଙ୍କୁ ଥାନାକୁ ନେଇଥିଲେ । ଏଭଳି ଘଟଣା ଘଟିଛି ନୟାଗଡ ଜିଲ୍ଲା ରଣପୁର ସହରରେ । ତେବେ ଆଜି ଭିଡିଓ ଭାଇରାଲ୍ ହେବାପରେ ଏହାକୁ ନେଇ ଚର୍ଚ୍ଚା ଯୋର ଧରିଛି ।
ନୟାଗଡ ଜିଲ୍ଲା ରଣପୁର ଥାନା ଅଞ୍ଚଳର ଜଣେ ଗ୍ରାମରକ୍ଷୀ ଷଷ୍ଠ ଶ୍ରେଣୀରେ ପଢୁଥିବା ଛାତ୍ରୀଙ୍କୁ ବିଭିନ୍ନ ସମୟରେ ଅସଦାଚରଣ କରିଆସୁଥିଲେ । ଗତକାଲି ଛାତ୍ରୀଜଣଙ୍କ ସ୍କୁଲ ଯାଉଥିବା ବେଳେ ରମେଶ ଛାତ୍ରୀଙ୍କୁ ଚକୋଲେଟ୍ ଦେଇ ଅସଦାଚରଣ କରିଥିଲା ।
ଖବର ପାଇ ଛାତ୍ରୀଙ୍କ ବାପା ଏବଂ ମା’ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଥିଲେ । ହେଲେ ପୋଲିସ ଆସିବାକୁ ବିଳମ୍ବ ହେବାରୁ ଛାତ୍ରୀଙ୍କ ମା’ ବାପା ସଂପୃକ୍ତ ଗ୍ରାମରକ୍ଷୀଙ୍କୁ ମାଡ ମାରି ବିଚ୍ ରାସ୍ତାରେ ଘୋଷାଡି ଘୋଷାଡି ଥାନା ପର୍ଯ୍ୟନ୍ତ ନେଇଥିଲେ । ରଣପୁର ପୋଲିସ ୨୭୭/୧୯ରେ ମାମଲା ରୁଜୁ କରି ଗ୍ରାମରକ୍ଷୀକୁ ଅଟକ ରଖିଛି । ସଂପୃକ୍ତ ଗ୍ରାମରକ୍ଷୀ ପୂର୍ବରୁ ଗ୍ରାମରକ୍ଷୀ ଥିଲା ଏବେ ନାହାନ୍ତି ବୋଲି ରଣପୁର ଥାନା ଅଧିକାରୀ କହିଛନ୍ତି ।
wp:html /wp:html