ମାଲକାନଗିରି ୧୯।୧୨: ବିଡ଼ିଓଙ୍କ ବଦଳି ଦାବିରେ ତାତିଲେ ଆଦିବାସୀ। ମାଲକାନଗିରି ଜିଲ୍ଲା ଖଇରପୁଟ ବ୍ଲକ ବିଡ଼ିଓ ବିଶ୍ବଜିତ ବରମନଙ୍କ ବଦଳି ଦାବିରେ ଆଜି ଦ୍ବିତୀୟ ଦିନରେ ଆନ୍ଦୋଳନ କରିଛନ୍ତି ଆଦିବାସୀ । ଗତକାଲି ବ୍ଲକ କାର୍ଯ୍ୟାଳୟରେ ଆନ୍ଦୋଳନକାରୀମାନେ ତାଲା ମାରିବା ସହ ରାସ୍ତାକୁ ଓହ୍ଲାଇଥିଲେ। ଏଥିରେ ସ୍ଥାନୀୟ ଅଞ୍ଚଳର ଶହ ଶହ ଆଦିବାସୀଙ୍କ ସହ ଲୋକ ପ୍ରତିନିଧି ବି ସାମିଲ ହୋଇଥିଲେ।
{"id":199729,"sizeSlug":"large"}ଆଉ ଆଜି ୨ୟ ଦିନରେ ବି ସେହି ଏକା ଦାବିରେ ଆନ୍ଦୋଳନକୁ ଓହ୍ଲାଇଛନ୍ତି ଏମାନେ। ବ୍ଲକ୍ ଓ ସମସ୍ତ ପଂଚାୟତ କାର୍ଯ୍ୟାଳୟରେ ତାଲା ମାରିବା ସହ ସମସ୍ତ ଦୋକାନ ବଜାର ଖଇରପୁଟରେ ବନ୍ଦ ରହିଛି। ଏପରିକି ସ୍ଥାନୀୟ ଅଞ୍ଚଳରେ ଥିବା ୪ଟି ସ୍କୁଲରେ ମଧ୍ୟ ତାଲା ପକାଇ ଦେଇଛନ୍ତି ଆନ୍ଦୋଳନକାରୀ । ଫଳରେ ସ୍କୁଲ ପିଲା ମାନେ ଘରକୁ ଫେରିଯାଇଛନ୍ତି ।
{"id":199731,"sizeSlug":"large"}ବିଡ଼ିଓ ବିଶ୍ବଜିତ ବରମନଙ୍କ ଖରାପ ବ୍ୟବହାର ଓ ଦୁର୍ନୀତିକୁ ପ୍ରସଙ୍ଗ କରି ଆଦିବାସୀଙ୍କ ସହ ସ୍ଥାନୀୟ ଲୋକ ପ୍ରତିନିଧି ରାସ୍ତାକୁ ଓହ୍ଲାଇଛନ୍ତି। ଫଳରେ ପୁରା ବ୍ଲକର କାମ ଠପ୍ ହୋଇ ଯାଇଛି।