Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଗ୍ରାମବାସୀ କାଟିଦେଲେ ସିମେଣ୍ଟ କାରଖାନାର କନଭେୟର ବେଲ୍ଟ, ଘଟଣାସ୍ଥଳରେ ଉତ୍ତେଜନା

23/12/2020 at 11:24 AM

ରାଉରକେଲା ୨୩।୧୨: ସିମେଣ୍ଟ କାରଖାନାରେ ଉତ୍ତେଜନା । ଦୁର୍ବୃତ୍ତ କାଟିଦେଲେ କନଭେୟର ବେଲ୍ଟ । ସୁନ୍ଦରଗଡ ରାଜଗାଙ୍ଗପୁର ଭାରତ ସିମେଣ୍ଟ କମ୍ପାନୀର ଲାଞ୍ଜିବେର୍ଣ୍ଣା ଚୂନ ମାଇନ୍ସରୁ ରାଜଗାଙ୍ଗପୁର ସିମେଣ୍ଟ କାରଖାନାକୁ ଯାଉଥିବା କନଭେୟର ବେଲ୍ଟକୁ ମଙ୍ଗଳବାର ଅପରାହ୍ନରେ କାଟିଦେବା ଫଳରେ କାରଖାନାକୁ ଯାଉଥିବା ଚୂନ ପଥର ପରିବହନ ବନ୍ଦ ହୋଇଯାଇଥିଲା ।

କମ୍ପାନୀ ପକ୍ଷରୁ ଟେକ୍ନିକାଲ ଟିମ୍ ମରାମତି କରିବା ପାଇଁ ଘଟଣାସ୍ଥଳରେ ପହଞ୍ଚିବାରୁ ସିଆରଟୋଲି ଗ୍ରାମବାସୀ ସେଠାରେ ପହଞ୍ଚି କାର୍ଯ୍ୟ ବନ୍ଦ କରିବାକୁ କହିବା ସହ ଗଣ୍ଡଗୋଳ କରିଥିଲେ । ପରେ ମାଇନ୍ସର ମୁଖ୍ୟ ସରୋଜ କୁମାର ରାଉତ ଓ ସୁରକ୍ଷା ବିଭାଗର ବରିଷ୍ଠ ଅଧିକାରୀ ଅଜିତ ପାଇରା ଘଟଣାସ୍ଥଳରେ ପହଞ୍ଚି ଆଲୋଚନା ପାଇଁ ଗ୍ରାମବାସୀଙ୍କୁ ଡକାଇଥିଲେ । ଆଲୋଚନା ପରିବର୍ତ୍ତେ ସିଆରଟୋଲିର କିଛି ଲୋକ ଏହି ଦୁଇ ଅଫିସରଙ୍କୁ ମାଡ଼ ମାରିଥିଲେ ।

ଖବର ପାଇ ଘଟଣାସ୍ଥଳରେ କମ୍ପାନୀର ସୁରକ୍ଷାକର୍ମୀ ପହଞ୍ଚି ଦୁଇ ଜଣଙ୍କୁ ଉଦ୍ଧାର କରି ରାଜଗାଙ୍ଗପୁର ଡାକ୍ତରଖାନାରେ ଭର୍ତ୍ତି କରିଛନ୍ତି । ଗୁରୁତର ହେବାରୁ ଉଭୟଙ୍କୁ ରାଉରକେଲା ସ୍ଥାନାନ୍ତର କରାଯାଇଛି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା ।

ରାଜଗାଙ୍ଗପୁର ଥାନାରେ ଏନେଇ କମ୍ପାନୀ ପକ୍ଷରୁ ଲିଖିତ ଅଭିଯୋଗ କରିବା ପରେ ପୋଲିସ ବିଭିନ୍ନ ମାମଲା ରୁଜୁ କରି ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ପରେ କମ୍ପାନୀର କନଭେୟର ବେଲ୍ଟ ମରାମତି ପରେ ଚୂନ ମାଇନ୍ସରୁ ଚୂନ କମ୍ପାନୀକୁ ଚୂନ ପରିବହନ ସ୍ବାଭାବିକ ହୋଇଥିଲା ।

   Related Posts