ବାଲେଶ୍ବର ୨୨|୧୦: ଗୁଣିଗାରେଡି ସନ୍ଦେହରେ ବୃଦ୍ଧାଙ୍କୁ ମାଡ ମାରିଲେ ଗାଁ ଲୋକ । ବାଲେଶ୍ବର ଜିଲ୍ଲା ନୀଳଗିରି କଲ୍ୟାଣୀ ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ଏହି ଗାଁର ଶ୍ରୀମତୀ ସିଂ ନାମକ ଜଣେ ବୃଦ୍ଧାଙ୍କ ନାଁରେ ଗୁଣିଗାରେଡି କରୁଥିବାର ଅଭିଯୋଗ ଆସିଛି । ଏହାକୁ ନେଇ ଶ୍ରୀମତୀଙ୍କୁ ମାରଧର କରିଥିଲେ ଗ୍ରାମବାସୀ । ଲୋକଙ୍କ ଆକ୍ରମଣରେ ବୃଦ୍ଧା ଜଣଙ୍କ ଗୁରୁତ ହୋଇଛନ୍ତି । ଗୁରୁତର ବୃଦ୍ଧାଙ୍କୁ ନୀଳଗିରି ଡାକ୍ତରଖାନାରେ ଭର୍ତ୍ତି କରିଛନ୍ତି ପରିବାରଲୋକ । ଏ ନେଇ ବୃଦ୍ଧାଙ୍କ ପରିବାର ଲୋକ ଥାନାରେ ଲିଖିତ ଅଭିଯୋଗ କରିଛନ୍ତି । ଅନ୍ୟପଟେ ଗାଁ ଲୋକ ମଧ୍ୟ ବୃଦ୍ଧାଙ୍କ ନାଁରେ ଅଭିଯୋଗ କରିଛନ୍ତି ।