ଢେଙ୍କାନାଳ ୨।୧୨: ନାବାଳିକାଙ୍କୁ ଅସଦାଚରଣ କରୁଥିବା ଯୁବକକୁ ବାନ୍ଧି ନିସ୍ତୁକ ପିଟିଲେ ଲୋକେ। ଢେଙ୍କାନାଳ ରାସୋଳ ଥାନା ବେଡ଼ାପଡ଼ା ଗାଁରେ ଏହି ଘଟଣା ଘଟିଛି । ଯୁବକ ଜଣକୁ ଗାଁ ଲୋକେ ଜୋତା ମାଳ ପିନ୍ଧାଇବା ସହିତ ନିସ୍ତୁକ ମାଡ଼ ମାରିଛନ୍ତି । ଘଟଣାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ସୂଚନାଯୋଗ୍ୟ ଯେ, ନବମ ଶ୍ରେଣୀରେ ପଢୁଥିବା ଜଣେ ନାବାଳିକାଙ୍କୁ ଯୁବକ ଜଣଙ୍କ ଲଗାତର ଦୁର୍ବ୍ୟବହାର କରିଆସୁଥିଲେ । ଏଥିରେ ନାବାଳିକାଙ୍କ ପରିବାର ଲୋକେ ଅତିଷ୍ଠ ହୋଇପଡ଼ିଥିଲେ । ଶେଷରେ ଗାଁ ଲୋକେ ଯୁବକକୁ ବାନ୍ଧି ନିସ୍ତୁକ ମାଡ ମାରିଛନ୍ତି । ଯୁବକକୁ ଖୁଣ୍ଟରେ ବାନ୍ଧି ଜୋତାମାଳ ପିନ୍ଧାଇ ଦେଇଥିଲେ ।
ପରେ ଯୁବକକୁ ଏକ ଅଟୋରେ ବସାଇ ଗାଁ ପରିକ୍ରମା କରିବା ସହ ରାସୋଳ ଥାନାକୁ ନେଇଥିଲେ। କିନ୍ତୁ ଏହି ସମ୍ବେଦନଶୀଳ ଘଟଣାରେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିବା ଅଭିଯୋଗ ହୋଇଛି ।
