ଖଲ୍ଲିକୋଟ, ୫/୧୧: ରମ୍ଭା ଥାନା ପାଲୁରଗଡ଼ ଗ୍ରାମରେ କମେଣ୍ଟ ମରାକୁ କେନ୍ଦ୍ରକରି ଉତ୍ତେଜନା ଦେଖିବାକୁ ମିଳିଛି । ରମ୍ଭା ପୋଲିସ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ବେଳେ ସେମାନଙ୍କ ଉପରକୁ ପଥର ମାଡ଼ ହୋଇଛି । ଏଥିସହ ପୋଲିସ ଗାଡି କାଚ ଭାଙ୍ଗିବା ସହ ପଥର ମାଡ଼ରେ ରମ୍ଭା ଥାନା ଏସଆଇଙ୍କ ମୁଣ୍ଡ ଫାଟିଥିବା ବେଳେ ୩ ପୋଲିସ କର୍ମଚାରୀ ଆହତ ହୋଇଛନ୍ତି ।
ଏହି ଘଟଣାରେ ଥାନାରେ ୫ ଜଣଙ୍କୁ ଅଟକ ରଖି ତଦନ୍ତ ଜାରି ରଖିଛି ପୋଲିସ୍ । ଦୁଇ ଗୋଷ୍ଠୀର ୩ ରୁ ୪ ଗାଡି ଭାଙ୍ଗିଥିବା ବେଳେ ପ୍ରେମ ବେପାରକୁ ନେଇ ଏହି ଘଟଣା ଘଟିଥିବା ପୋଲିସ ପକ୍ଷରୁ କୁହାଯାଇଛି | ଏନେଇ ଗୋଟିଏ ଗୋଷ୍ଠୀ ପକ୍ଷରୁ ଥାନାରେ ଏତଲା ଦେଇଥିବା ରମ୍ଭା ଥାନା ଅଧିକାରୀ ସୂଚନା ଦେଇଛନ୍ତି |