Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

କୋଇଲା ଖଣିକୁ ନେଇ ପୋଲିସ-ଗ୍ରାମବାସୀ ମୁହାଁମୁହିଁ : ବିଧାୟକଙ୍କ ସହ ୪୦୦ରୁ ଅଧିକ ଗ୍ରାମବାସୀ ରହିଲେ ଅଟକ

29/10/2019 at 8:47 PM

ଅନୁଗୁଳ୨୯|୧୦: କୋଇଲା ଖଣିକୁ ନେଇ ପୋଲିସ-ଗ୍ରାମବାସୀ ମୁହାଁମୁହିଁ ।ତାଳଚେର ବିଧାୟକଙ୍କ ସହ ୪୦୦ରୁ ଅଧିକ ଗ୍ରାମବାସୀ ଅଟକ ।ଏମିତି ସ୍ଥିତିରେ ତାଳଚେର ହିଙ୍ଗୁଳା କୋଇଲା ଖଣି ଅଚଳ ହୋଇପଡ଼ିଥିବା ବେଳେ ଗ୍ରାମବାସୀ ଖନନ ସଂପୂର୍ଣ୍ଣ ବନ୍ଦ କରିବାକୁ ଦାବି କରିଛନ୍ତି ।…

ମୁହାଁମୁହିଁ ହୋଇଛନ୍ତି ପୋଲିସ ଓ ଗ୍ରାମବାସୀ ।ଗୋଟିଏ ପଟେ ଶହ ଶହ ଗ୍ରାମବାସୀ । ଯେଉଁମାନଙ୍କ ନେତୃତ୍ବ ନେଉଥିଲେ ତାଳଚେର ବିଧାୟକ ବ୍ରଜ ପ୍ରଧାନ ।ଅନ୍ୟପଟେ ସଶସ୍ତ୍ର ପୋଲିସ। କାଳେ ଲୋକଙ୍କ ପକ୍ଷରୁ ପଥର ମାଡ଼ ହେବ ସେଥିପାଇଁ ସୁରକ୍ଷା ବନ୍ଦୋବସ୍ତ କରି ଆଥିଲା ପୋଲିସ ।

ଲୋକଙ୍କୁ ଶାନ୍ତ ରହିବା ପାଇଁ ଡାକବାଜି ଯନ୍ତ୍ରରେ ପ୍ରଶାସନ ପକ୍ଷରୁ ଡାକରା ଦିଆଯାଇଥିଲା ।ଏମିତି ସ୍ଥିତି ଉପଜିଥିଲା ତାଳଚେର ହିଙ୍ଗୁଳା କୋଇଲା ଖଣିରେ। ହିଙ୍ଗୁଳା କୋଇଲା ଖଣି ସଂପ୍ରସାରଣକୁ ବିରୋଧ କରିବା ସହିତ ନିଯୁକ୍ତି ଓ ଥଇଥାନ ଦାବି କରି ଏହି ଗ୍ରାମବାସୀ ଆନ୍ଦୋଳନକୁ ଓହ୍ଲାଇଥିଲେ ।…

ତାଳଚେରବିଧାୟକ ବ୍ରଜ ପ୍ରଧାନଙ୍କ ସହ ପ୍ରାୟ ୪୦୦ ଲୋକଙ୍କୁ ପୋଲିସ ଅଟକ ରଖିଥିଲା। ପ୍ରତିବାଦରେ ବିଧାୟକଙ୍କ ସମର୍ଥକ MCLର ଅନ୍ୟାନ୍ୟ ଖଣି ବନ୍ଦ କରିଛନ୍ତି ।

ଲୋକଙ୍କ ଦାବି ପ୍ରଥମେ ଥଇଥାନ କର, ପରେ ଭିଟାମାଟି ଛାଡ଼ିବୁ ।ପ୍ରଶାସନ ଯେତେଥର RPDAC ବୈଠକ ଡକାଇଛି ଆମ କଥା କେହି ଶୁଣିନାହାନ୍ତି ।ତେଣୁ ଖନନ ବନ୍ଦ କର ବୋଲି ଭାଲୁଗାଡ଼ିଆ ଗ୍ରାମବାସୀ ଦାବି କରିଥିଲେ । ତାଳଚେର ଅଞ୍ଚଳରେ ଖଣି କାର୍ଯ୍ୟ ବନ୍ଦ ରହିଥିବା ବେଳେ ପୋଲିସ କିଛି କହିବାକୁ ରାଜି ନୁହେଁ।…

ହିଙ୍ଗୁଳା କୋଇଲା ଖଣି ଅଞ୍ଚଳରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଥିବା ବେଳେ ୧୦ ପ୍ଲାଟୁନ୍‌ ପୋଲିସ ଫୋର୍ସ ମୁତୟନ କରାଯାଇଛି ।…

   Related Posts