Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଶୁଣିଲାଣି ପ୍ରଶାସନ, ପକେଟ୍ ଖର୍ଚ୍ଚରୁ ରାସ୍ତା ମରାମତି କଲେ ଗାଁ ଯୁବକ

23/09/2021 at 5:37 PM

ଭଦ୍ରକ ୨୩।୯: ଭଦ୍ରକ ବ୍ଲକ୍ କୋଡ଼ବରୁଆଁ ପଞ୍ଚାୟତ ଦେଇ ଯାଇଥିବା ଆସୁରା-ସାବରଙ୍ଗ ଆରଡି ରାସ୍ତା । ଗୋଟେ ପଟେ ଭଦ୍ରକ ରେଳ ଷ୍ଟେସନକୁ ସଂଯୋଗ କରୁଥିବା ବେଳେ ଗୋଟେ ପଟେ ବସୁଦେବପୁରକୁ ସଂଯୋଗ କରୁଛି । ଏହି ରାସ୍ତା ଦେଇ ପ୍ରତିଦିନ କୋଡ଼ବରୁଆଁ, ସାବରଙ୍ଗ, ଚଣ୍ଡିଗାଁ ପଞ୍ଚାୟତର ଲୋକେ ଯାତାୟତ କରନ୍ତି । କୋଡ଼ଗମ୍ଭୀର, ପଲ୍ଲୀ, ପଗଡ, କ୍ଷୀରସାହି, ଆଟୋଗାଁ  ଏବଂ ଦୁଇଟି ସ୍କୁଲ ଯଥା ପଲ୍ଲୀଶ୍ରୀ ଉଚ୍ଚ ବିଦ୍ୟାଳୟ, ସଂସ୍କୃତ ବିଦ୍ୟାଳୟ  ସହ ଚରମ୍ପା ମହାବିଦ୍ୟାଳୟ, ସଂସ୍କୃତ ଆଞ୍ଚଳିକ ମହାବିଦ୍ୟାଳୟର  ଛାତ୍ରଛାତ୍ରୀ ଓ ଶିକ୍ଷକ-ଶିକ୍ଷୟିତ୍ରୀ ଏବଂ ଜନସାଧାରଣ ଯିବା ଆସିବା କରନ୍ତି  ।

ଏହି ରାସ୍ତାର ନିର୍ମାଣ ପରଠାରୁ ମରାମତି ହୋଇନାହିଁ । କଂକ୍ରିଟ ଫାଟି ଲୁହା ରଡ୍ ବାହାରି ପଡିଛି । ଏମିତି କି ଏହି ରଡ୍ ପାଇଁ ପଥଚାରୀ ଓ ଯାତାୟାତ କରୁଥିବା ଲୋକେ ବହୁ ଦୁର୍ଘଟଣାର ସମ୍ମୁଖୀନ ହେଉଥିଲେ । ତେଣୁ ସ୍ଥାନୀୟ ଯୁବକମାନେ ଜିଲ୍ଲା ପ୍ରଶାସନକୁ ରାସ୍ତା ମରାମତି ପାଇଁ ବହୁ ଅନୁରୋଧ କରିଥିଲେ । ମିଳିଥିଲା ମରାମତିର ପ୍ରତିଶ୍ରୁତି । କିନ୍ତୁ ମରାମତି ନହେବାରୁ କୋଡଗମ୍ଭୀର ଗାଁର ଯୁବକମାନେ ନିଜେ ରାସ୍ତା ମରାମତି କରିଛନ୍ତି ।

ବହୁ ଥର ବ୍ଲକ୍, ପଞ୍ଚାୟତରୁ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । ସବୁବେଳେ ରାସ୍ତା ମରାମତି ପାଇଁ ସମୟ ଦିଆଯାଇଛି । କିନ୍ତୁ ଗାଁର ଯୁବକମାନେ ନିଜ ପ୍ରଚେଷ୍ଟାରେ ରାସ୍ତା ମରାମତି କରିଛନ୍ତି । ନିଜ ପକେଟ ଖର୍ଚ୍ଚରୁ ଟଙ୍କା ଦେଇ ଆବଶ୍ୟକୀୟ ସାମଗ୍ରୀ କିଣିଛନ୍ତି ଓ ନିଜେ ଶ୍ରମଦାନ କରି ରାସ୍ତାକୁ ମରାମତି କରିଛନ୍ତି । କିଛି ସ୍ଥାନରେ ବାହାରିଥିବା ଲୁହା ରଡକୁ କାଟି ସିମେଣ୍ଟ ଓ ଚିପ୍ସ ଦେଇ ଖାଲକୁ ଭର୍ତ୍ତି କରି ପ୍ଲାଷ୍ଟର କରିଛନ୍ତି । ପୁଣି ପରେ ସମୟ ମିଳିଲେ ଅନ୍ୟ ସ୍ଥାନଗୁଡିକୁ ମରାମତି କରିବେ ବୋଲି କହିଛନ୍ତି । ଯୁବକମାନଙ୍କର ଏହି ଉଦ୍ୟମକୁ ସମସ୍ତେ ପ୍ରଶଂସା କରିଛନ୍ତି ।

   Related Posts