Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଫଳତା ନୁହେଁ, ସଫଳ ପ୍ରୟାସ : ଚନ୍ଦ୍ରପୃଷ୍ଠରେ ମିଳିଲା ବିକ୍ରମ ଲ୍ୟାଣ୍ଡରର ସନ୍ଧାନ, ଫଟୋ ଫଠାଇଲା ଚନ୍ଦ୍ରଯାନ ଅର୍ବିଟର

8/09/2019 at 5:41 PM

ବେଙ୍ଗାଲୁରୁ ୮।୯: ଆଶା ହରାଇନାହିଁ ଇସ୍ରୋ ।ଚନ୍ଦ୍ରପୃଷ୍ଠରେ ବିକ୍ରମ ଲ୍ୟାଣ୍ଡରର ସନ୍ଧାନ ମିଳିଛି । ଆଉ ଏହା ସହିତ ଯୋଗାଯୋଗ ସ୍ଥାପନ ପାଇଁ ଚେଷ୍ଟା ଚଳାଇଛନ୍ତି ଇସ୍ରୋର ବୈଜ୍ଞାନିକ ।ଆଉ କେଉଁ କାରଣରୁ ବିକ୍ରମ ଲ୍ୟାଣ୍ଡର ଚନ୍ଦ୍ରପୃଷ୍ଠରେ ଅବତରଣ କରିବାର ଠିକ୍‌ ପୂର୍ବରୁ ଯୋଗଯୋଗ ବିଚ୍ଛିନ୍ନ ହେଲା ତାହାର କାରଣ ଖୋଜା ଚାଲିଛି।

ବିଫଳତା ନୁହେଁ, ସଫଳ  ପ୍ରୟାସ ।ସଂପୂର୍ଣ୍ଣ ହଜିଯାଇନାହିଁ ବିକ୍ରମ ଲ୍ୟାଣ୍ଡର ।ବରଂ ତାର ପତ୍ତା ମିଳିଛି ।ବିକ୍ରମ ଲ୍ୟାଣ୍ଡର ଚନ୍ଦ୍ରପୃଷ୍ଠରେ କେଉଁ ସ୍ଥାନରେ ରହିଛି ତାହାର ଫଟୋ ପଠାଇଛି ଅର୍ବିଟର ବିକ୍ରମ । ଆଉ ଇସ୍ରୋ ପାଇଥିବା ଏହି ଥର୍ମାଲ୍‌ ଫଟୋ ବିକ୍ରମ ଲ୍ୟାଣ୍ଡର ସହିତ ସଂପର୍କ ସ୍ଥାପନ ପାଇଁ ନୂଆ ଆଶା ସଞ୍ଚାର କରିଛି ।ବିକ୍ରମ ଲ୍ୟାଣ୍ଡରର ମିଳିଥିବା ଫଟୋକୁ ନେଇ ଆନାଲିସିସ୍ ଚାଲିଥିବା ଇସ୍ରୋ ମୁଖ୍ୟ କେ. ଶିବନ କହିଛନ୍ତି ।

ବିକ୍ରମ ଲ୍ୟାଣ୍ଡର ସେପ୍‌ଟେମ୍ବର ୭, ଗୋଟାଏ ୫୩ ମିନିଟରେ ଚନ୍ଦ୍ରପୃଷ୍ଠରେ ଲ୍ୟାଣ୍ଡ କରିଥାନ୍ତା ।କିନ୍ତୁ ଏହା ଲ୍ୟାଣ୍ଡ କରିବାର ଠିକ୍ ୩ ମିନିଟ୍‌ ପୂର୍ବରୁ ଏହା ସହିତ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା ।ଇସ୍ରୋ ପକ୍ଷରୁ ଫେଲ୍ୟୁୟର ଆନାଲିସିସ୍‌ କମିଟି ଏହି ବିଫଳତାର ଅନୁଧ୍ୟାନ କରୁଛି ।

ବିକ୍ରମ ସହିତ ଯେତେବେଳେ ଯୋଗାଯୋଗ ବିଚ୍ଛିନ୍ନ ହୋଇଥିଲା ସେତେବେଳେ ଇସ୍ରୋ, ଆମେରିକାର ନାସାର ସହାୟତା ନେଇଥିଲା । କିନ୍ତୁ ସେଠାକୁ ମଧ୍ୟ କୌଣସି ଯୋଗାଯୋଗ ମିଳିନଥିଲା । ବିକ୍ରମ ଲ୍ୟାଣ୍ଡରର ସଫ୍‌ଟ ଲ୍ୟାଣ୍ଡିଂ ଆଶା କରାଯାଉଥିବା ବେଳେ ଏହା ହାର୍ଡ ଲ୍ୟାଣ୍ଡିଂ କରିଥିବା ଅନୁମାନ କରାଯାଉଛି । ବିକ୍ରମ ଲ୍ୟାଣ୍ଡରର ଏହାଦ୍ବାରା କୌଣସି କ୍ଷତି ହୋଇଛି କି ନାହିଁ ତାହା ସ୍ପଷ୍ଟ ହୋଇନାହିଁ ।

୧୦୦୦ କୋଟି ଟଙ୍କା ବ୍ୟୟରେ ହୋଇଥିବା ଚନ୍ଦ୍ରୟାନ-୨ ମିଶନ ସଫଳ ହୋଇଥିଲେ ଆମେରିକା, ରୁଷିଆ ଓ ଚୀନ୍‌ ପରେ ଭାରତ ଚତୁର୍ଥ ରାଷ୍ଟ୍ରଭାବେ ଚନ୍ଦ୍ରପୃଷ୍ଠରେ ଇତିହାସ ଲେଖିଥାନ୍ତା । ଚନ୍ଦ୍ରପୃଷ୍ଠର ମାତ୍ର ୨.୧ କିଲୋମିଟର ପୂର୍ବରୁ ବିକ୍ରମ ଲ୍ୟାଣ୍ଡର ସହିତ ଇସ୍ରୋ ମୁଖ୍ୟାଳୟର ସଂପର୍କ ଛିନ୍ନ ହୋଇଥିଲା । ତେବେ ଏହି ସଫଳତା କିଛି କମ୍ ନୁହେଁ ବୋଲି ଆମେରିକା ସମେତ ବିଭିନ୍ନ ଦେଶର ଗଣମାଧ୍ୟମ ପକ୍ଷରୁ ପ୍ରଶଂସା କରାଯାଇଛି । ମିଶନର ଶେଷ ପର୍ଯ୍ୟାୟ ଠିକ୍‌ ଭାବେ କରାଯାଇ ପାରିନଥିବା ଇସ୍ରୋ ପକ୍ଷରୁ କୁହାଯାଇଛି ।

ବିକ୍ରମ ଲ୍ୟାଣ୍ଡର ଏବଂ ଏହା ଭିତରେ ଥିବା ରୋଭର ପ୍ରଜ୍ଞା ଗୋଟିଏ ଲୁନାର ଡେ ବା ପୃଥିବୀରେ ୧୪ ଦିନ ପାଇଁ କାମ କରିବେ । ଏହା ଚନ୍ଦ୍ରପୃଷ୍ଠରୁ ବିଭିନ୍ନ ତଥ୍ୟ ପଠାଇବାର ଆଶା କରାଯାଉଥିଲା ।ତେବେ ବିକ୍ରମ ଓ ପ୍ରଜ୍ଞା ସହିତ ଯୋଗାଯୋଗ ବିଚ୍ଛିନ୍ନ ହୋଇଥିଲେ ବି ଅର୍ବିଟର ଆସନ୍ତା ୭ ବର୍ଷ ଯାଏଁ ଚନ୍ଦ୍ର ଚାରିପଟେ ବୁଲିବ ଏବଂ ଏହା ସଂପର୍କିତ ଗୁରୁତ୍ବପୂର୍ଣ୍ଣ ତଥ୍ୟ ଇସ୍ରୋକୁ ଦେବ ।

   Related Posts