Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

ଗ୍ୟାଙ୍ଗଷ୍ଟର ବିକାଶ ଦୁବେର ଭାଇକୁ ଖୋଜୁଛି ପୋଲିସ, ମା’ କହିଲେ- ‘ଆତ୍ମସମର୍ପଣ କରିଦେ, ନଚେତ୍ ପୋଲିସ ଗୁଳିରେ ମରିଯିବୁ’

22/07/2020 at 5:07 PM

ଲକ୍ଷ୍ନୌ ୨୨।୭: ଗ୍ୟାଙ୍ଗଷ୍ଟର ବିକାଶ ଦୁବେଙ୍କ ମା’ ସରଲା ଦେବୀ ବୁଧବାର ତାଙ୍କ ସାନପୁଅ ଦୀପ ପ୍ରକାଶ ଦୁବେଙ୍କୁ ପୋଲିସ ନିକଟରେ ଆତ୍ମସମର୍ପଣ କରିବାକୁ ନିବେଦନ କରିଛନ୍ତି । ସେ କହିଛନ୍ତି ଯେ, ସେ ଯଦି ଏହା ନ କରନ୍ତି ତେବେ ତାଙ୍କୁ ଏବଂ ତାଙ୍କ ପରିବାରକୁ ମାରିଦିଆଯିବ । ANI ସହ କଥାବାର୍ତ୍ତା ବେଳେ ସରଲା ଦେବୀ କହିଛନ୍ତି, ‘ଦୀପ ପ୍ରକାଶ, ତୁମେ ସାମ୍ନାକୁ ଆସି ଆତ୍ମସମର୍ପଣ କର । ନଚେତ୍ ପୋଲିସ ତୁମକୁ ଏବଂ ତୁମ ପରିବାରକୁ ମାରିଦେବ । ତୁମେ ସାମ୍ନାକୁ ଆସ, ପୋଲିସ ତୁମକୁ ସୁରକ୍ଷା ଦେବ । ସେମାନେ କେବଳ କିଛି ପ୍ରଶ୍ନ ପଚାରିବେ । ଯେତେବେଳେ ତୁମେ କିଛି ଭୁଲ କରିନାହଁ, କାହିଁକି ଲୁଚିଛ । ତୁମ ଭାଇ ଯୋଗୁଁ ତୁମେ ଲୁଚନାହିଁ । ଅନ୍ତତଃ ମୋତେ ଫୋନ୍ କର ।’

ଉତ୍ତରପ୍ରଦେଶର ଅତିରିକ୍ତ ମହାନିର୍ଦ୍ଦେଶକ ପୋଲିସ (ଏଡିଜି) ଆଇନ ଏବଂ ବ୍ୟବସ୍ଥା ପ୍ରଶାନ୍ତ କୁମାରଙ୍କ ଅନୁସାରେ ଜୁଲାଇ ୩ରେ କାନପୁର ଏନକାଉଣ୍ଟର ପରେ ଦୀପ ପ୍ରକାଶ ଫେରାର ହୋଇଯାଇଛନ୍ତି । ଲକ୍ଷ୍ନୌ ପୋଲିସ ହିଷ୍ଟ୍ରିସିଟର ଦୀପ ପ୍ରକାଶଙ୍କ ଠିକଣା ସମ୍ପର୍କିତ ସୂଚନା ପ୍ରଦାନ କରି ୨୦ହଜାର ଟଙ୍କା ପୁରସ୍କାର ଘୋଷଣା କରିଛି ।

ଏନକାଉଣ୍ଟରରେ ନିହତ ହୋଇଥିବା ବିକାଶ ଦୁବେଙ୍କୁ ଜୁଲାଇ ୯ ତାରିଖରେ ମଧ୍ୟପ୍ରଦେଶ ପୋଲିସ ଉଜୈନର ମହାକାଳ ମନ୍ଦିର ପରିସରରୁ ଗିରଫ କରିଥିଲା । କାନପୁରରେ ଏନକାଉଣ୍ଟର ପରେ ଫେରାର ହୋଇଯାଇଥିଲା । ଏନକାଉଣ୍ଟରରେ ୮ଜଣ ପୋଲିସ କର୍ମଚାରୀ ନିହତ ହୋଇଥିଲେ । ଉତ୍ତରପ୍ରଦେଶ ପୋଲିସ ୧୦ ଜୁଲାଇରେ ଉଜୈନରୁ କାନପୁରକୁ ନେଇଯିବାବେଳେ ଖସିଯିବାକୁ ଚେଷ୍ଟା କରିବା ବେଳେ ପୋଲିସ ଏନକାଉଣ୍ଟରରେ ବିକାଶ ଦୁବେଙ୍କୁ ନିହତ କରିଥିଲା ।

   Related Posts