Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

୨୨ ବର୍ଷ ପୂର୍ବେ ବିକାଶ ଦୁବେ-ଏସଡିପିଓ ଦେବେନ୍ଦ୍ର ମିଶ୍ରଙ୍କ ଶତ୍ରୁତାର ପରିଣାମ ଥିଲା କାନପୁର ଏନକାଉଣ୍ଟର, ଜାଣନ୍ତୁ ସେହି ଦିନର ଘଟଣା…

12/07/2020 at 7:19 PM

କାନପୁର ୧୨।୦୭: କାନପୁରରେ ଜୁଲାଇ ୨-୩ ରାତିରେ ହୋଇଥିବା ଏନକାଉଣ୍ଟର ଅଚାନକ ନଥିଲା ବରଂ ୨୨ ବର୍ଷର ପୁରୁଣା ଶତ୍ରୁତାର ମଧ୍ୟ ପ୍ରଭାବ ଥିଲା। କାନପୁର ଏନକାଉଣ୍ଟରରେ ସବୁଠୁ ବଡ କଥା ଏବେ ସାମ୍ନାକୁ ଆସିଛି ଯେ, ଅପରାଧୀ ବିକାଶ ଦୁବେ ଓ ସହିଦ ଏସଡିପିଓ ଦେବେନ୍ଦ୍ର ମିଶ୍ର ୨୨ ବର୍ଷ ପୂର୍ବେ ମୁହାଁମୁହିଁ ହୋଇଥିଲେ। ଉଭୟ ପକ୍ଷରେ ଗୁଳି ବିନିମୟ ମଧ୍ୟ ହୋଇଥିଲା, ମାତ୍ର ସେଥିରେ ବିକାଶ ଦୁବେ ଅଳ୍ପକେରୁ ବର୍ତ୍ତି ଯାଇଥିଲା। ଏନକାଉଣ୍ଟର ପୂର୍ବରୁ  ବିକାଶ ଦୁବେ ଏହି କଥା ସ୍ଵୀକାର କରିଥିଲା। ଏସଡିପିଓ ଦେବେନ୍ଦ୍ର ମିଶ୍ରଙ୍କ ସହିତ ତାର ଶତ୍ରୁତା ଥିବା ସ୍ଵୀକାର କରିଥିଲା।

କୁହାଯାଉଛି ଯେ, ୧୯୯୮ରେ ବିକାଶ ଦୁବେ ବିକରୁ ଗାଁର ପ୍ରଧାନ ଥିଲା। ସେହି ସମୟରେ ବିକାଶ ଦୁବେକୁ କଲ୍ୟାଣପୁର ଥାନାର ପୋଲିସ୍‌ ଅନ୍ୟ ମାମଲାରେ ଗିରଫ କରିଥିଲା। ବିକାଶକୁ ଯେବେ ଥାନା ଅଣାଗଲା, ସେ ତତ୍କାଳୀନ ଥାନା ଅଧିକାରୀ ହରିମୋହନ ଯାଦବଙ୍କ ସହ ଝଗଡା କରିଥିଲା। ପୋଲିସ୍‌ କର୍ମଚାରୀ ଚୁପ୍ ରହିବାକୁ କହିବାରୁ ଦୁବେ ଗାଳି ଗୁଲଜ କରିଥିଲା। ଦେବେନ୍ଦ୍ର ମିଶ୍ର ସେହି ସମୟରେ କଲ୍ୟାଣପୁର ଥାନାରେ ସିପାହୀ ଥିଲେ। ଦେବେନ୍ଦ୍ର ବିକାଶ ଦୁବେର ଏହି ପରି ଆଚରଣ ବରଦାସ୍ତ କରିପାରିନଥିଲେ।  ସେ ବେତରେ ବିକାଶକୁ ପ୍ରବଳ ପିଟିବା ସହ ହାଜତରେ ବନ୍ଦ କରି ଦେଇଥିଲେ। ସେହି ସମୟରେ ବିକାଶ ଦେବେନ୍ଦ୍ର ମିଶ୍ରକୁ ପରେ ଦେଖି ନେବି ବୋଲି ଧମକ ଦେଇଥିଲା।

କୁହାଯାଏ ଯେ, ସେହି ସମୟରେ ବିଏସପି ବିଧାୟକ ଏବଂ ବର୍ତ୍ତମାନ ବିଜେପିର ବିଧାୟକ ଥିବା ଏବଂ ପୂର୍ବର ସାଂସଦ ବିକାଶ ଦୁବେଙ୍କୁ ବଞ୍ଚାଇବା ପାଇଁ ଥାନାରେ ପହଞ୍ଚିଥିଲେ। କିନ୍ତୁ ପୋଲିସ୍‌ ଦୁହିଁଙ୍କ କଥା ନଶୁଣିବାରୁ ବିଏସପି ବିଧାୟକ ଥାନାରେ ଧାରଣାରେ  ବସି ପଡିଥିଲେ। ଏଥିରୁ ସ୍ପଷ୍ଟ ଯେ, ରାଜନେତାଙ୍କ ସହ ବିକାଶ ଦୁବେର କେମିତି ନିବିଡ ସଂପର୍କ ଥିଲା।

୨୨ ବର୍ଷର ଏହି ଶତ୍ରୁତାକୁ ବିକାଶ ନିଜର ସ୍ଵୀକାରୋକ୍ତି ସମୟରେ ସ୍ଵୀକାର କରିଛି। ଉଜ୍ଜୟିନୀ ପୋଲିସ୍‌କୁ ଦେଇଥିବା ସୂଚନାରେ ବିକାଶ ସ୍ଵୀକାର କରିଥିଲା ଯେ, ଦେବେନ୍ଦ୍ର ମିଶ୍ର ତାର ପଡୁନଥିଲା। ସେ ଏହା ମଧ୍ୟ କହିଛି, ଦେବେନ୍ଦ୍ର ମିଶ୍ରଙ୍କୁ ସେ ନୁହେଁ ତାର ସାଥୀ ଗୁଳି କରି ହତ୍ୟା କରିଛନ୍ତି।

   Related Posts