Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ବଲିଉଡରେ ଡେବ୍ୟୁ କରିବାକୁ ଯାଉଥିବା ଅଭିନେତା ବିଜୟ ଦେବରାକୋଣ୍ଡା ପଛରେ ପକାଇଲେ ଅଲ୍ଲୁ ଅର୍ଜୁନ ଓ ମହେଶ ବାବୁଙ୍କୁ!

17/12/2019 at 12:59 PM

ମୁମ୍ବାଇ୧୭|୧୨: ସାଉଥ୍ ଇଣ୍ଡଷ୍ଟ୍ରି ସହ ବଲିଉଡରେ ମଧ୍ୟ ଛାଇଛନ୍ତି ବିଜୟ ଦେବରାକୋଣ୍ଡା। ଏବେ ବିଜୟଙ୍କୁ ନେଇ ଅନେକ ଚର୍ଚ୍ଚା। ତାଙ୍କ ଷ୍ଟାଇଲ ଓ ଅଭିନୟର ଅନ୍ଦାଜ ଦର୍ଶକ ଖୁବ ପସନ୍ଦ କରନ୍ତି। ସମଗ୍ର ଦେଶର ଝିଅ ବିଜୟଙ୍କ ପ୍ରେମରେ ପାଗଳ। ଫିଲ୍ମ ଅର୍ଜୁନ ରେଡିରେ ଅଭିନୟ କରିବା ପରେ ତାଙ୍କର ଫ୍ୟାନ ଫଲିୋଂ ବଢିଯାଇଛି।  

ଅନେକ ବଡ଼ ବଡ଼ ସୁପରଷ୍ଟାରଙ୍କୁ ପଛରେ ପକାଇବାରେ ସଫଳ ହୋଇଛନ୍ତି ବିଜୟ।୨୦୧୯ ମସିହାରେ ବିଜୟଙ୍କର ରିଲିଜ ହୋଇଥିବା ଫିଲ୍ମ ମଧ୍ୟ ହିଟ୍‌ ହୋଇଛି। ବିଜୟ ଦେବରାକୋଣ୍ଡା ଓ ରଶ୍ମିକା ମନ୍ଦନା ଅଭିନୀତ ଫିଲ୍ମ ‘ଡିୟର କମ୍ରେଡ୍‌’କୁ ଦର୍ଶକ ବହୁତ ପସନ୍ଦ କରିଛନ୍ତି। ଏହା ସହ ଫିଲ୍ମଟି ସୁପରହିଟ୍ ହୋଇଛି। ଫିଲ୍ମକୁ ନେଇ ଅନେକ ଚର୍ଚ୍ଚା ହୋଇଥିବା ବେଳେ ବିଜୟଙ୍କୁ ନେଇ ମଧ୍ୟ ଅନେକ ଆଲୋଚନା ହୋଇଛି।

ଚଳିତ ବର୍ଷ ଗୁଗଲ ସର୍ଚ୍ଚରେ ପ୍ରଥମ ସ୍ଥାନରେ ରହିଛନ୍ତି ବିଜୟ। ଏଥିରେ ସେ ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନ ଓ ମହେଶ ବାବୁଙ୍କୁ ପଛରେ ପକାଇବାରେ ସଫଳ ହୋଇଛନ୍ତି। କ୍ୟାରିଅର ଆରମ୍ଭ କରିବାର ଖୁବ୍ କମ ଦିନ ମଧ୍ୟରେ ବିଜୟ ସଫଳତା ହାସଲ କରିଛନ୍ତି। ବଲିଉଡରୁ ମଧ୍ୟ ବିଜଙ୍କୁ ଫିଲ୍ମର ଅଫର ମିଳିଛି।

ଗୁଗଲ ସର୍ଚ୍ଚ ସହ ଇନଷ୍ଟାଗ୍ରାମରେ ମଧ୍ୟ ବିଜୟ ଅଲ୍ଲୁ ଅର୍ଜୁନ ଓ ମହେଶ ବାବୁଙ୍କୁ ପଛରେ ପକାଇଛନ୍ତି। ଉଭୟ ସୁପରଷ୍ଟାରଙ୍କଠାରୁ ଇନଷ୍ଟାରେ ବିଜୟଙ୍କର ଅଧିକ ଫଲୋଓର୍ସ ଅଛନ୍ତି।ସୂଚନାଯୋଗ୍ୟ ଯେ, ଇନ୍‌ଷ୍ଟାରେ ବିଜୟଙ୍କର ୫ମିଲିୟନ ଫଲୋଓର୍ସ ଥିବା ବେଳେ ଅଲ୍ଲୁ ଅର୍ଜୁନଙ୍କର ୪.୬ ଓ ମହେଶ ବାବୁଙ୍କର ୩.୮ଫଲୋଓର୍ସ ଅଛନ୍ତି।

   Related Posts