କଳାହାଣ୍ଡି ୦୯/୦୪ : ଭିଜିଲାନ୍ସ ପଞ୍ଝାରେ ଗ୍ରାମ ରୋଜଗାର ସେବକ । କେସିଙ୍ଗା ବ୍ଲକ କାନ୍ତେଶୀର ପଂଚାୟତ ଜିଆରଏସ ଜୟଚନ୍ଦ୍ର ଜାଲ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି । ଗାଈ ଗୁହାଳ ବିଲ୍ ପାସ୍ ପାଇଁ ଜିଆରଏସ ଜୟଚନ୍ଦ୍ର ଜାଲ ଲାଞ୍ଚ ନେଉଥିଲେ । ଲାଞ୍ଚୁଆ ଜିଆରଏସଙ୍କୁ ଗିରଫ କରାଯାଇଥିବା ସୂଚନା ଦେଇଛନ୍ତି ଭିଜିଲାନ୍ସ ଡିଏସପି ସତ୍ୟବାନ୍ ମହାନନ୍ଦ ।
ସୂଚନା ଅନୁସାରେ,ଗାଈ ଗୁହାଳ ପାଇଁ ବିଲ ପାସ୍ କରାଇଦେବାକୁ କହି କୁର୍ଲୁପଡାର ବିଜୟ କୁମାର ସାହୁଙ୍କୁ ୫ ହଜାର ଟଙ୍କା ଲାଞ୍ଚ ମାଗିଥିଲେ ଜିଆରଏସ ଜୟଚନ୍ଦ୍ର ଜାଲ । ଏ ନେଇ ବିଜୟ କୁମାର ଅଭିଯୋଗ କରିବା ପରେ ଜାଲ ବିଛାଇଥିଲା ଭିଜିଲାନ୍ସ ଏବଂ ଲାଞ୍ଚ ନେଉଥିବା ବେଳେ ସଂପୃକ୍ତ ଜିଆରଏସଙ୍କୁ କାବୁ କରିଥିଲା ।
