Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଣ୍ଡଳିରୁ ଭାସି ଯାଇଛି ହାତୀ, ଠାବ ହୋଇପାରିନି ଅବସ୍ଥିତି
  • ||
  • ଅରିନ୍ଦମ ଦାସଙ୍କୁ ଶ୍ରଦ୍ଧାଞ୍ଜଳି, ଗୁରୁତରଙ୍କ ଆସୁ ଆରୋଗ୍ୟ କାମନା କରି ଭଦ୍ରକ ଜିଲ୍ଲା ସାମ୍ବାଦିକଙ୍କ କ୍ୟାଣ୍ଡେଲ ଶୋଭାଯାତ୍ରା
  • ||
  • ଉଦଳା : ନିଜେ ବିଷ ପିଇ ଦୁଇ ଶିଶୁ କନ୍ୟାଙ୍କୁ ପିଆଇଦେଲା, ଚିକିତ୍ସାଧିନ ଅବସ୍ଥାରେ ଚାଲିଗଲା ମା’ର ଜୀବନ
  • ||
  • କଟକ : ମୁଣ୍ଡଳୀରେ ବୋଟ୍ ଦୁର୍ଘଟଣାରେ ସମ୍ବାଦଦାତା ଅରିନ୍ଦମ୍ ଦାସଙ୍କ ଅକାଳ ବିୟୋଗ, ଗଜ ଉଦ୍ଧାର ଖବର ଆଣିବାକୁ ଓଡ୍ରାଫ୍ ଟିମ୍ ସହ ଯାଇଥିଲେ
  • ||
  • କଟକ : ମୁଣ୍ଡଳୀ ବ୍ୟାରେଜରେ ଫସିଥିବା ହାତୀକୁ ଉଦ୍ଧାର ବେଳେ ଓଲଟିଲା ଓଡ୍ରାଫ୍ ବୋଟ୍
  • ||
  • ଭୁବନେଶ୍ବର କୋର୍ଟ ପରିସର ୩ଦିନ ସିଲ୍, ଜୁଡିସିଆଲ୍ କର୍ମଚାରୀ ଓ ଆଇନଜୀବୀ କରୋନା ପଜିଟିଭ୍ ପରେ ପଦକ୍ଷେପ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||

ପିଏସ୍‌ଙ୍କ ଘରୁ ବାହାରୁଛି ବିଡ଼ା ବିଡ଼ା ଟଙ୍କା ପୁଳା ପୁଳା ସୁନା, ତଥାପି ସରୁନି ଗଣତି, ଜାରି ରହିଛି ଚଢ଼ଉ

30/07/2021 at 9:51 PM

ଭୁବନେଶ୍ୱର, ୩୦/୦୭: ବିଡା ବିଡା ଟଙ୍କା ପୁଳା ପୁଳା ସୁନା ଗହଣା । ଏକାଧିକ ପ୍ଲଟ । ଏଭଳି କୋଟିପତି ବାବୁଙ୍କ ଆସିଛି ସଙ୍ଗିନ ମାମଲା । ଓଡ଼ିଶା ଷ୍ଟାଫ ସିଲେକ୍ସନ କମିଶନଙ୍କ ପିଏସ ବା ବ୍ୟକ୍ତିଗତ ସଚିବ ବିରଂଚି ନାରାୟଣ ସାହୁଙ୍କ ଘରୁ ମିଳିଛି କୁଢ଼ କୁଢ଼ ସମ୍ପତି । ବିରଞ୍ଚିଙ୍କ ଠାରୁ ଆହୁରି ସମ୍ପତ୍ତି ମିଳିବା ପାଇଁ ଖୋଳତାଡ଼ ଚଳାଇଛି ଭିଜିଲାନ୍ସ ।

ଚାକିରୀ କରାଇଦେବାକୁ ନେଉଥିଲେ କି ବିଡା ବିଡା ନଗଦ ଟଙ୍କା ? ଲାଞ୍ଚ ନେଇ କରୁଥିଲେ କି ଲୋକଙ୍କ ସହ ଖେଳ । ଓଡିଶା ଷ୍ଟାଫ ସିଲେକ୍ସନ ପିଏସ ବା ବ୍ୟକ୍ତିଗତ ସଚିବ ବିରଂଚି ନାରାୟଣ ସାହୁଙ୍କ ନାଁରେ ଆସିଥିଲା ସଙ୍ଗିନ ମାମଲା । ନିଳାଦ୍ରୀବିହାର ପ୍ଲଟ ନମ୍ବର ୩୦୨ ରେ  ପୁଳା ପୁଳା ସୁନା ଅଳଙ୍କାର, ବିଡା ବିଡା ବାହାରୁଛି ୫୦୦ ଓ ୨୦୦୦ ଟଙ୍କିଆ ଗଣି ଗଣି ହାଲିଆ ହେଲେଣି ଭିଜିଲାନ୍ସ ଟିମ । ଆୟ ବହିର୍ଭୁତ ସମ୍ପତି ଠୁଳ ମାମଲାରେ  ଓଡ଼ିଶା ଷ୍ଟାଫ ସିଲେକ୍ସନ କମିଶନଙ୍କ ପିଏସ ବା ବ୍ୟକ୍ତିଗତ ସଚିବ ବିରଂଚି ନାରାୟଣ ସାହୁଙ୍କ  ନିଳାଦ୍ରୀବିହାର ଘରେ ଭିଜିଲାନ୍ସ ଚଢାଉ କରିଛି ।

ଆୟବର୍ହିଭୂତ ସମ୍ପତି ଠୁଳ ଅଭିଯୋଗରେ ଭିଜିଲାନ୍ସ ଭୁବନେଶ୍ୱର, କଟକ ସମେତ ୬ଟି ଜାଗାରେ ଏକକାଳୀନ ଚଢାଉ କରିଛି । ଚଢାଉ ବେଳେ ବିରଞ୍ଚି ସାହୁଙ୍କ ଘରୁ ବିଡା ବିଡା ଟଙ୍କା ଓ ବିପୁଳ ପରିମାଣର ସୁନା ଅଳଙ୍କାର ଠାବ କରିଛି ଭିଜିଲାନ୍ସ ଟିମ ।  ଓଡ଼ିଶା ଷ୍ଟାଫ ସିଲେକ୍ସନ କମିଶନଙ୍କ ପିଏସ ବା ବ୍ୟକ୍ତିଗତ ସଚିବ ବିରଂଚି ନାରାୟଣ ସାହୁଙ୍କ ବିରୋଧରେ ଆୟବର୍ହିଭୂତ ସମ୍ପତି ଠୁଳ ନେଇ ଅଭିଯୋଗ ଆସିଥିଲା ।

ସେହିପରି ପି ଏସ ବିରଞ୍ଚି ଦୁଇଥର ବିଦେଶ ବୁଲିବାକୁ ଯାଇଥିବା ଜଣାପଡିଛି । ବିଦେଶୀ ମୁଦ୍ରା ସହିତ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଛି ।  ଭିଜିଲାନ୍ସ କୋର୍ଟଙ୍କ ସର୍ଚ୍ଚ ୱାରେଂଟ ବଳରେ ଶୁକ୍ରବାର ୬ଟି ଜାଗାରେ ଚଢାଉ କରିଥିଲା । ଚଢାଉ ବେଳେ ନିଳାଦ୍ରୀ ବିହାରରେ ୨ଟି ଦୁଇମହଲା କୋଠା, ୫୬ ଲକ୍ଷ ଟଙ୍କାର ବୀମା, ୧୪ଟି ପ୍ଲଟ ନଗଦ ୧୨ ଲକ୍ଷ ଟଙ୍କା, ସଂପର୍କୀୟଙ୍କ ଘରୁ ୧୩ ଲକ୍ଷଟଙ୍କା ଓ ପାଖାପାଖି ଦେଢ଼ କେଜି ସୁନା-ରୂପା ଅଳଙ୍କାର ଠାବ କରାଯାଇଛି । ଏଥି ସହିତ ବିିଭିନ୍ନ ଗୁରୁତ୍ୱପୂର୍ଣ୍ଣ କାଗଜ ପତ୍ର ମଧ୍ୟ ଜବତ କରାଯାଇଛି ।

ଏଥିସହିତ ତାଙ୍କ ପୈତୃକ ଘର ଓ ଶଶୂର ଘରେ ମଧ୍ୟ ଚଢାଉ ଜାରି ରହିଛି । ଆଗକୁ ଆହୁରି ଅଧିକ ସମ୍ପତି ମିଳିବା ସମ୍ଭାବନା ରହିଛି । ଏହି ଚଢାଉରେ ଏସପିଙ୍କ ସମେତ ୪ଜଣ ଡିଏସପି, ୧୩ଜଣ ଇନ୍ସପେକ୍ଟର ଓ ଅନ୍ୟ କର୍ମଚାରୀମାନେ ସାମିଲ ଅଛନ୍ତି । ତେଣୁ ଏହି ଘଟଣା ସାମ୍ନାକୁ ଆସିବା ପରେ ଓଡିଶା ଷ୍ଟାଫ ସିଲେକ୍ସନ କମିଶନ ଏହାକୁ ଦୃଢ ନିନ୍ଦା କରିଛନ୍ତି । ଦୁର୍ନୀତି ଯଦି କରିଥିବେ ତେବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ । ଲାଞ୍ଚ ନେବାରେ ଯଦି ଉପରିସ୍ତ ଅଧିକାରୀମାନେ ଏଥିରେ ସଂପୃକ୍ତ ରହିଛନ୍ତି ତେବେ ସେମାନଙ୍କୁ ମଧ୍ୟ ଧରାଯିବ ବୋଲି କହିଛନ୍ତି ଷ୍ଟାଫ ସିଲେକ୍ସନ କମସିନ ଅଧକ୍ଷ ।

   Related Posts