Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ପାନ ପାଇଁ ଦୋକାନୀର କାନ କାମୁଡି ଦେଲା ଗ୍ରାହକ, ଓଠ ଖଣ୍ଡିଆ

26/12/2019 at 4:14 PM

ଲକ୍ଷ୍ନୌ ତା ୨୬.୧୨- ମାଗଣା ପାନ ଦେଲାନି ବୋଲି ଦୋକାନୀକୁ ରକ୍ତାକ୍ତ କରିଦେଲା ଗ୍ରାହକ । ବିଚରା ଦୋକାନୀ ମାତ୍ର କେଇ ପଇସା ଲାଗି କଷ୍ଟ ତ ଭୋଗିଲା, ଡାକ୍ତର ଖାନା ଯାଇ ଟଙ୍କା  ବି ଗଣିଲା ।  ଉତ୍ତରପ୍ରଦେଶର  ଲକ୍ଷ୍ନୌ ଅନ୍ତର୍ଗତ ଆଲମବାଗରେ ଏହି ଘଟଣା ଘଟିଛି । ଏବଂ ଏ ନେଇ ଦୋକାନୀଙ୍କ ଅଭିଯୋଗ ଭିତ୍ତିରେ ସାଲୁ ନାମକ ଜଣେ ୨୮ ବର୍ଷୀୟ ଭିଡିଓଗ୍ରାଫରକୁ ପୋଲିସ ଗିରଫ କରିଛି ।

 ମଙ୍ଗଳବାର ରାତିର ଘଟଣା । ସୁଜାନପୁରରେ ଏକ ପାନ ଦୋକାନ କରିଛନ୍ତି ସତ୍ୟେନ୍ଦ୍ର । ରାତି ପ୍ରାୟ ୧୦ ଟା ବେଳେ ସେ ସବୁଦିନ ଭଳି ଦୋକାନ ବନ୍ଦ କରୁଥିଲେ । ସେହି ସମୟରେ ସାଲୁ ସେଠାରେ  ପହଞ୍ଚି  ସତ୍ୟେନ୍ଦ୍ରକୁ ଏକ ପାନ ମାଗିଥିଲା .ଆଉ ମାଗଣାରେ ପାନ ନେବାକୁ ଏକ ପ୍ରକାର ଜିଦ୍ କରିଥିଲା । କିନ୍ତୁ ସତ୍ୟେନ୍ଦ୍ର ତାହା ଶୁଣି ନଥିଲେ, କିମ୍ବା ପାନ ଦେଇନଥିଲେ । ଏଥିରେ ଉତକ୍ଷିପ୍ତ ହୋଇପଡିଥିଲା ସାଲୁ । ସେ ଏକ ପଥରରେ  ସତ୍ୟେନ୍ଦ୍ରଙ୍କୁ ଆକ୍ରମଣ କରିଥିଲା । ତାପରେ ସେ ସତ୍ୟେନ୍ଦ୍ରର ବାମ କାନକୁ କାମୁଡି ଦେଇଥିଲା ।

ସତ୍ୟେନ୍ଦ୍ର ତଳେ ପଡି  ଯନ୍ତ୍ରଣାରେ  ଛଟପଟ ହେଉଥିବା ବେଳେ , ସାଲୁ ସେ ସ୍ଥାନରୁ ଫେରାର ହେବା ପୂର୍ବରୁ ସତ୍ୟେନ୍ଦ୍ରଙ୍କ ଓଠକୁ କାମୁଡି ଦେଇଥିଲା । ରକ୍ତ ଜୁଡୁବୁଡୁ ହୋଇ ଘଟଣାସ୍ଥଳରେ ପଡିଥିଲେ ସତ୍ୟେନ୍ଦ୍ର । ସେହି ବାଟ ଦେଇ ଯାଉଥିବା କିଛି ଲୋକ , ସତ୍ୟେନ୍ଦ୍ରଙ୍କୁ ଡାକ୍ତରଖାନା ନେଇଥିଲେ । ପୋଲିସରେ  ଖବର ମଧ୍ୟ ଦେଇଥିଲେ । ଅଭିଯୁକ୍ତ ସାଲୁର ଘର ସେହି ଆଲମବାଗର ଭିଲୱାନ କଲୋନୀରେ । ଭିଡିଓଗ୍ରାଫର ଭାବେ କାମ କରୁଥିବା ସାଲୁ ଜଣେ ନିଶାଗ୍ରସ୍ତ ବୋଲି ପୋଲିସ ସୂତ୍ରରୁ ପ୍ରକାଶ । ତେବେ ଚିକିତ୍ସା ପରେ ସତ୍ୟେନ୍ଦ୍ର ଘରକୁ ଫେରିଥିବା ବେଳେ ସାଲୁକୁ ଗିରଫ କରିଛି ପୋଲିସ ।

   Related Posts