Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ପୂର୍ବତନ ଆଇଏଏସ, ବିଜେପି ନେତ୍ରୀ ଅପରାଜିତା ଷଡଙ୍ଗୀଙ୍କ ଭିଡିଓ ଭାଇରାଲ, ଦେଖନ୍ତୁ କ’ଣ ଅଛି ଏଥିରେ

19/12/2018 at 3:42 PM

ଭୁବନେଶ୍ବର ୧୯|୧୨: ବିଜେପିରେ ଯୋଗଦେଇଥିବା ପୂର୍ବତନ ଆଇଏଏସ ଅଫିସର ଅପରାଜିତା ଷଡଙ୍ଗୀଙ୍କ ଏକ ଭିଡିଓକୁ ନେଇ ପଲିଟିକାଲ କରିଡରରେ ଜୋରଦାର ଚର୍ଚ୍ଚା ଚାଲିଛି । ଭିଡିଓରେ କିଛି ଦଳୀୟ କର୍ମୀଙ୍କୁ ସମ୍ବୋଧନ କରୁଛନ୍ତି ଅପରାଜିତା । ଏଥିରେ ଅପରାଜିତା ଦଳ କାହିଁକି ବାରମ୍ବାର ହାରୁଛି ଏବଂ ଦଳରେ ଗୋଷ୍ଠୀ କନ୍ଦଳ କର୍ମୀଙ୍କ ଉପରେ ପ୍ରଭାବ ପକାଉଥିବା ମଧ୍ୟ କହୁଛନ୍ତି । ଯେଉଁମାନେ କହୁଛନ୍ତି ଯେ ସେମାନେ ଦଳରେ ୟା ଲୋକ ତା ଲୋକ ସେମାନେ ଦଳ ଛାଡିଦେବା ଉଚିତ୍ ବୋଲି ସିଧା ଶୁଣାଇଛନ୍ତି ଅପରାଜିତା । ଦଳରେ ନୂଆ କରି ଯୋଗଦେଇଥିବା ଅପରାଜିତା ଦଳର ପୁରୁଣା କର୍ମୀଙ୍କୁ ଏତେ କଡା ଭାଷା କହିବାକୁ ନେଇ ଉଠିଛି ଚର୍ଚ୍ଚା । ଦଳର ଏହା ମନୋବଳ ବଢାଇବ ନାଁ ଦଳୀୟକର୍ମୀଙ୍କୁ ଉତ୍ସାହ ଦେବ ସେ ନେଇ ଚାଲିଛି ଚର୍ଚ୍ଚା । 

ଅନ୍ୟପଟେ ବିଜେପି ରାଜ୍ୟ ଉପ ସଭାପତି ସମୀର ମହାନ୍ତି କହିଛନ୍ତି ଆମେ ଭିଡିଓ ଦେଖିନୁ ଦେଖିଲା ପରେ ଯାହା ପ୍ରତିକ୍ରିୟା ଦେଇପାରିବୁ ।

ନଭେମ୍ବର ୨୭ତାରିଖରେ ଦିଲ୍ଲୀରେ ବିଜେପି ଅଧ୍ୟକ୍ଷ ଅମିତ ଶାହାଙ୍କ ବାସଭବନରେ ସ୍ବତନ୍ତ୍ର ଉତ୍ସବରେ ବିଜେପିରେ ଯୋଗ ଦେଇଥିଲେ ପୂର୍ବତନ ଆଇଏଏସ ଅଫିସର ଅପରାଜିତା ଷଡ଼ଙ୍ଗୀ । ବିଜେପିରେ ଯୋଗଦେବା ପରଠୁ ଧର୍ମେନ୍ଦ୍ରଙ୍କ ସହ ତାଙ୍କର ଠିକ୍ ତାଳମେଳ ରହୁନଥିବା ନେଇ ମଧ୍ୟ ବେଶ୍ ଚର୍ଚ୍ଚା ହୋଇଥିଲା । ମୁଖ୍ୟତଃ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ପ୍ରସଙ୍ଗକୁ ନେଇ ଦୁହିଁଙ୍କ ମଧ୍ୟରେ ଟଣାଓଟରା ରହିଥିବା କୁହାଯାଉଛି । ଏପରିକି ଓଡିଶା ଲୋକ କାହାକୁ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହାଁନ୍ତି ବୋଲି ଅପରାଜିତା ନିଜ ଫେସବୁକ୍ ପେଜ୍ ରେ ଏକ ଓପିନିୟନ ପୋଲ୍ ମଧ୍ୟ କରିଥିଲେ । ଏହାକୁ ନେଇ ବିବାଦ ଉଠିବା ପରେ ଅପରାଜିତା ତାକୁ ଡିଲିଟ କରିଥିଲେ ।

ସୂଚନାଯୋଗ୍ୟ ଯେ, ନଭେମ୍ବର ୨୭ତାରିଖରେ ବିଜେପିରେ ଯୋଗଦେଇଥିଲେ ଅପରାଜିତା ଷଡଙ୍ଗୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶ ଆଭିମୁଖ୍ୟ ପ୍ରତି ଆକର୍ଷିତ ହୋଇ ରାଜନୀତିକୁ ଆସିଥିବା ସେ କହିଥିଲେ । ପ୍ରଶାସନ ଏକ ସୀମିତ କ୍ଷେତ୍ର, ରାଜନୀତି ବଡ ପ୍ଲାଟଫର୍ମ । ଏକ ସାଧାରଣ କର୍ମୀ ହିସାବରେ ଯୋଗ ଦେଇଛନ୍ତି ବୋଲି ସେକହିଥିଲେ । ତାଙ୍କ ଭିତରେ ବହୁ ସକାରାତ୍ମକ ଆତ୍ମବିଶ୍ବାସ ରହିଛି । ଏକ ଟିମ୍ ଭାବେ କାମ କରି ସଫଳତା ପାଇବୁ ବୋଲି ଅପରାଜିତା କହିଥିଲେ। ମହିଳାମାନଙ୍କ ପାଖରେ ଅନେକ ଲୁକ୍କାୟିତ ଶକ୍ତି ରହିଛିତାହାକୁ ଲୋକଲୋଚନକୁ ଆଣିବାକୁ ଚେଷ୍ଟା କରିବେ।

୧୯୯୪ ବ୍ୟାଚ୍ ର ଆଇଏଏସ ଅଧିକାରୀ ହେଉଛନ୍ତି ଅପରାଜିତା ଷଡଙ୍ଗୀ । ସେ ଚଳିତ ବର୍ଷ ସେପ୍ଟେମ୍ବର ମାସରେ ସ୍ବେଚ୍ଛାକୃତ ଅବସର ନେଇ ରାଜନୀତି ଆସିଛନ୍ତି । ରାଜଧାନୀର ସୌନ୍ଦର୍ଯ୍ୟକରଣ କରିବା, ଶିକ୍ଷୟିତ୍ରୀମାନଙ୍କ ପାଇଁ ଡ୍ରେସକୋଡ ସହ ଯେଉଁ ବିଭାଗକୁ ସିଏ ଯାଇଛନ୍ତି ସେଠାରେ ସାଧାରଣ ଲୋକଙ୍କ ଆଶା ମୁତାବକ ନିଷ୍ପତ୍ତି ନେଇ ବେଶ୍ ଚର୍ଚ୍ଚାରେ ଥିଲେ ଅପରାଜିତା ।

   Related Posts