ଭୁବନେଶ୍ୱର: ଉପରାଷ୍ଟ୍ରପତି ଏମ.ଭେଙ୍କୟା ନାୟଡୁ ରବିବାର ଏକ ଦିବସୀୟ ଗସ୍ତରେ ଓଡିଶା ଆସୁଛନ୍ତି। ରବିବାର ପୂର୍ବାହ୍ନରେ ଉପରାଷ୍ଟ୍ରପତି ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଅବତରଣ କରିବା ପରେ କଟକ ଓ ଭୁବନେଶ୍ୱର ଟ୍ୱିନ୍ ସିଟିରେ ଆୟୋଜିତ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ। ଏଥିଲାଗି କାର୍ଯ୍ୟସୂଚୀ ଚୂଡାନ୍ତ ହୋଇଥିବା ବେଳେ ରାଜଧାନୀରେ ଟ୍ରାଫିକ୍ କଟକଣା ଜାରି ହୋଇଛି। ତେବେ ଆସନ୍ତୁ ଜାଣିବା ଉପରାଷ୍ଟ୍ରପତିଙ୍କ ଗସ୍ତ କାର୍ଯ୍ୟ ସୂଚୀ।

{"id":166758}

ଉପରାଷ୍ଟ୍ରପତି ଭେଙ୍କୟାନାୟଡୁ ରବିବାର ପୂର୍ବାହ୍ନ ୧୦ଟା ବେଳେ ବିମାନ ବନ୍ଦରରେ ପହଞ୍ଚିବେ। ସେଠାରୁ ସେ କିଟ୍ ଯିବାକୁ ଥିବା ବେଳେ ୧୦ଟାରୁ ୧୧ଟା ପର୍ଯ୍ୟନ୍ତ ବିମାନବନ୍ଦର ଓ କିଟ୍ ରାସ୍ତାରେ ସର୍ବସାଧାରଣଙ୍କ ଯାତାୟାତ ଉପରେ କଟକଣା ଲାଗୁ ହୋଇଛି। କିଟ୍ ରେ କାର୍ଯ୍ୟକ୍ରମ ମଧ୍ୟାହ୍ନରେ ସରିବ। ସେଠାରୁ ଉପରାଷ୍ଟ୍ରପତି ସିଧା ରାଜଭବନ ପହଞ୍ଚିବେ। ଏଣୁ କିଟ୍-ରାଜଭବନ ରାସ୍ତାରେ ମଧ୍ୟାହ୍ନ ୧୨ଟାରୁ ଗୋଟାଏ ପର୍ଯ୍ୟନ୍ତ ସର୍ବସାଧାରଣଙ୍କ ଆତଯାତ ଉପରେ କଟକଣା ରହିବ।

{"id":166759,"width":579,"height":396}

ଅପରାହ୍ନରେ ଉପରାଷ୍ଟ୍ରପତି କଟକ ଗସ୍ତରେ ଯିବେ। ଜାବାହାରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆୟୋଜିତ କାର୍ଯ୍ୟକ୍ରମରେ ଯୋଗଦେବାକୁ ଅପରାହ୍ନ ୩ଟାରେ ବାହାରିବେ। ଏଥିଲାଗି କଟକ ଇଣ୍ଡୋର ଷ୍ଟାଡିୟମ ଓ ରାଜଭବନ ରାସ୍ତାରେ ସର୍ବସାଧାରଣଙ୍କ ଯିବା ଆସିବା ଉପରେ କଟକଣା କଡାକଡି କରାଯାଇଛି। ସନ୍ଧ୍ୟା ୫ଟାରେ ଉପରାଷ୍ଟ୍ରପତି ଇଣ୍ଡୋର ଷ୍ଟାଡିୟମରୁ ବାହାରି ସିଧା ବିମାନ ବନ୍ଦରରେ ପହଞ୍ଚିବେ। ଏଣୁ ୫ଟାରୁ ୬ଟା ପର୍ଯ୍ୟନ୍ତ କଟକ ଇଣ୍ଡୋର ଷ୍ଟାଡିୟମ ଓ ବିମାନ ବନ୍ଦର ରାସ୍ତାରେ ସର୍ବସାଧାରଣଙ୍କ ଯାତାୟାତ ଉପରେ କଟକଣା ଲାଗୁ ହୋଇଥିବାରୁ ଏହି ରାସ୍ତାମାନଙ୍କରେ ଯାତାୟତ କରୁଥିବା ଲୋକେ ଏହି ସମୟରେ ନିଜ ଲାଗି ସୁବିଧାଜନକ ରାସ୍ତା ବାଛିବାକୁ ଟ୍ୱିନ୍ ସିଟି କମିଶନରେଟ୍ ପୋଲିସ ନିବେଦନ କରିଛି।