Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ପୋଲିସ ବିନା ଅନୁମତିରେ କ୍ୟାମ୍ପସରେ ପ୍ରବେଶ କରିଛି- ଜାମିଆ ବିଶ୍ବବିଦ୍ୟାଳୟରେ କୁଳପତି ନଜମା ଅଖତର

16/12/2019 at 1:41 PM

ନୂଆଦିଲ୍ଲୀ ୧୬।୧୨:  ନୂଆଦିଲ୍ଲୀ ଜାମିଆ ବିଶ୍ବବିଦ୍ୟାଳୟରେ ହିଂସା ନେଇ କୁଳପତି ନଜମା ଅଖତର ସାମ୍ବାଦିକ ସମ୍ମିଳନୀ କରି ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ପୋଲିସ ବିନା ଅନୁମତିରେ କ୍ୟାମ୍ପସରେ ପ୍ରବେଶ କରିବା ସହ ଲାଇବ୍ରେରୀରେ ପଶି ଲାଠିଚାର୍ଜ କରିଛି ।  ଏନେଇ FIR କରାଯିବ ତେବେ କାହା ନାଁରେ ମାମଲା ରୁଜୁ କରାଯିବନି ।  ପୋଲିସ କାର୍ଯ୍ୟାନୁଷ୍ଠାନରେ ଛାତ୍ରଛାତ୍ରୀ ଭୟଭୀତ ହୋଇ ଯାଇଛନ୍ତି । ପୋଡାଜଳା ସହ ଆମର କୌଣସି ସଂପର୍କ ନାହିଁ, ଆମେ କୌଣସି ରାଜନୈତିକ ଦଳକୁ ଡାକିନଥିଲୁ ବୋଲି କୁଳପତି କହିଛନ୍ତି । ଜାମିଆକୁ ଟାର୍ଗେଟ କରାନଯାଉ । ଜାମିଆକୁ ବଦନାମ କରାନଯାଉ ବୋଲି କହିବା ସହ ପୁରା ମାମଲାରେ ଉଚ୍ଚସ୍ତରୀୟ ଯାଞ୍ଚ କରିବାକୁ କୁଳପତି ଦାବି କରିଛନ୍ତି ।

ସୂଚନାଯୋଗ୍ୟ ଯେ, ରବିବାର ଦିନ ଜାମିଆ ଅଞ୍ଚଳରେ ବିକ୍ଷୋଭରେ ସଂପୃକ୍ତି ଅଭିଯୋଗରେ ଅଟକ ଥିବା ୫୦ ଜଣ ଛାତ୍ରଙ୍କୁ ପୋଲିସ ଛାଡ଼ିଦେଇଥିଲା । ନାଗରିକତା ସଂଶୋଧନ ଆଇନ ବିରୋଧରେ ଦକ୍ଷିଣ ଦିଲ୍ଲୀରେ ଗତକାଲି ହିଂସା ଦେଖିବାକୁ ମିଳିଥିଲା ।  ପ୍ରଦର୍ଶନକାରୀମାନେ  ୩ଟି ବସରେ ନିଆଁ ଲଗାଇ ଦେଇଥିଲେ । ଅଗ୍ନିଶମ ବାହିନୀ ଗାଡି ଉପରକୁ ମଧ୍ୟ ପ୍ରଦର୍ଶନକାରୀମାନେ ଆକ୍ରମଣ କରିଥିଲେ । ପ୍ରଦର୍ଶନ ସମୟରେ ବସ ପୋଡି ଏବଂ  ଭଙ୍ଗାରୁଜା ପରେ ସ୍ଥିତି ନିୟନ୍ତ୍ରଣ କରିବାକୁ ଯାଇ ପୋଲିସ କିଛି ଛାତ୍ରଙ୍କୁ ଅଟକ ରଖିଥିଲା । ତେବେ ୩୫ ଜଣ ଛାତ୍ରଙ୍କୁ କାଲକାଜୀ ପୋଲିସ ଷ୍ଟେସନ ଏବଂ ୧୫ ଜଣ ଛାତ୍ରଙ୍କୁ ଫ୍ରେଣ୍ଡସ କଲୋନୀ ପୋଲିସ ଷ୍ଟେସନରୁ ଛାଡ଼ି ଦିଆଯାଇଛି । ତେବେ ପରିସ୍ଥିତିକୁ ଦେଖି ଜାମିଆ ୟୁନିଭର୍ସିଟି ଅଞ୍ଚଳରେ ପୋଲିସ ଛାଉଣୀ କରାଯାଇଛି। ଜାନୁଆରୀ ୫ତାରିଖ ଯାଏଁ ଜାମିଆ ବିଶ୍ବ ବିଦ୍ୟାଳୟ ଛୁଟି ଘୋଷଣା କରି ଦିଆଯାଇଛି । ଏହାପରେ ଛାତ୍ରଛାତ୍ରୀମାନେ କ୍ୟାମ୍ପସ ଛାଡୁଛନ୍ତି ।

   Related Posts