Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ଅଟୋକୁ ଧକ୍କା ଦେଲା ହାଇଓ୍ବା : ଚାଲିଗଲା ମା’, ପୁଅ ଓ ଝିଅଙ୍କ ଜୀବନ
  • ||
  • ବ୍ରହ୍ମପୁର : ପଛରୁ ଆସି ଝାମ୍ପି ନେଲେ ୨ଲକ୍ଷ ଟଙ୍କା, ଲୁଟେରାଙ୍କ ଆକ୍ରମଣରେ ବାଇକ ଆରୋହୀ ଗୁରୁତର
  • ||
  • ବ୍ରହ୍ମପୁର : ୪୫ଗ୍ରାମର ବ୍ରାଉନସୁଗାର ଜବତ, ଜଣେ ଗିରଫ
  • ||
  • ନବରଙ୍ଗପୁର : ଭିଜିଲାନ୍ସ ଜାଲରେ ଜିଆର୍‌ଏସ୍‌, ଘରୁ ଜବତ ହେଲା ନଗଦ ୧୭ଲକ୍ଷରୁ ଅଧିକ ଟଙ୍କା
  • ||
  • ବ୍ରହ୍ମପୁରରେ ନକଲି ଲଙ୍କାଗୁଣ୍ଡ କାରଖାନା ଠାବ, ବିପୁଳ ପରିମାଣର ସାମଗ୍ରୀ ଜବତ
  • ||
  • ମୋହନା : ଅପରେସନ୍ ଗ୍ରୀନ କ୍ଲିନ୍, ପୁଣି ୧୨ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ
  • ||
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||

ବରିଷ୍ଠ ଅଭିନେତା ଶ୍ରୀରାମ ଲାଗୁଙ୍କ ପରଲୋକ, ବଲିଉଡ଼ରେ ଶୋକର ଛାୟା

18/12/2019 at 7:09 AM

ମୁମ୍ବାଇ ୧୮।୧୨: ବଲିଉଡର କିମ୍ବଦନ୍ତୀ କଳାକାର ଶ୍ରୀରାମ ଲାଗୁଙ୍କ ଦେହାନ୍ତ । ୯୨ବର୍ଷ ବୟସରେ ଶ୍ରୀରାମଙ୍କ ପରଲୋକ ହୋଇଛି । ପୁନେ ସ୍ଥିତ ବାସଭବନରେ ପରଲୋକ ହୋଇଛି ।

ଶ୍ରୀରାମ ତାଙ୍କ ଜୀବନକାଳରେ ୧୦୦ରୁ ଅଧିକ ହିନ୍ଦୀ ଓ ୪୦ରୁ ଅଧିକ ମରାଠୀ ଚଳଚ୍ଚିତ୍ରରେ ଅଭିନୟ କରି ଲୋକପ୍ରିୟତା ହାସଲ କରିଥିଲେ । ଏତଦ୍ ବ୍ୟତୀତ ସେ ୪୦ରୁ ଅଧିକ ଗୁଜରାତୀ ଓ ମରାଠୀ ନାଟକର ନିର୍ଦେଶନା ଦେଇଛନ୍ତି । ସେ ଫିଲ୍ମଫେୟାର ପୁରସ୍କାର ସହ ଏକାଧିକ ଜାତୀୟ ପୁରସ୍କାର ବିଜୟୀ ହୋଇଛନ୍ତି । କଳାକାର ବ୍ୟତୀତ ତାଙ୍କର ଅନ୍ୟ ଏକ ପରିଚୟ ଥିଲା ।

ସେ ଜଣେ ସଫଳ କର୍ଣ୍ଣ-ନାସା-ଗଳା ଚିକିତ୍ସକ ଥିଲେ । ଜଣେ ସାମାଜିକ କର୍ମୀ ଭାବେ ମଧ୍ୟ ତାଙ୍କର ସ୍ବତନ୍ତ୍ର ପରିଚୟ ରହିଛି । ତାଙ୍କ ଆତ୍ମଜୀବନୀ ପୁସ୍ତକ ‘ଲାମାନ୍’ ବେଶ୍ ପାଠକୀୟ ଆଦୃତି ଲାଭ କରିଛି । ଶ୍ରୀରାମ ପତ୍ନୀ ଦୀପା ଓ ପୁଅ ତନବୀର ଲାଗୁଙ୍କୁ ଛାଡ଼ି ଯାଇଛନ୍ତି । ଘରୌଣ୍ଡା, ‘ଥୋଡ଼ିସି ବେୱାଫାଇ, ମକ୍ ସଦ୍, ଦେଶ ପରଦେଶ, ଲାୱାରିସ୍, ମୁକଦ୍ଦର କା ସିକନ୍ଦର, ଇନ୍ କାର, କିନାରା, ଜ୍ୟୋତି ବନେ ଜ୍ବାଲା, ‘ହେରାଫେରୀ’ ଆଦି ତାଙ୍କ ଅଭିନୀତ ଶ୍ରେଷ୍ଠ ଚଳଚ୍ଚିତ୍ର ।

ଶ୍ରୀରାମ ଲାଗୁଙ୍କ ଦେହାନ୍ତ ପରେ କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଝାବେଡକର ଟ୍ବିଟ କରି ଦୁଖଃ ପ୍ରକାଶ କରିବା ସହ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି । ଝାବେଡକର ତାଙ୍କ ଟ୍ବିଟରେ ଲେଖିଛନ୍ତି‘ ମହାନ କଳାକାର ଶ୍ରୀ ରାମ ଲାଗୁଙ୍କୁ ମୋର ଶ୍ରଦ୍ଧାଞ୍ଜଳୀ । ଦେଶ ଏକ ବହୁମୂଖୀ ପ୍ରତିଭାଙ୍କୁ ହରେଇଲା ।

   Related Posts