ମୁମ୍ବାଇ୧/୧୧: ବଲିଉଡ୍ର ପ୍ରସିଦ୍ଧ ପ୍ରଯୋଜକ ତଥା ଭେନସ୍ ମ୍ୟୁଜିକ୍ର ମାଲିକ ଚମ୍ପକ ଜୈନଙ୍କ ୫୨ ବର୍ଷ ବୟସରେ ମୃତ୍ୟୁ ହୋଇଛି। ବାଜିଗର, ଖିଲାଡ଼ି, ମେ ଖିଲାଡ଼ି ତୁ ଅନାଡ଼ି, ଏସ୍ ବସ୍ ଓ ମେ ହୁଁ ନା ଭଳି ସୁପର ହିଟ ଫିଲ୍ମ ସେ ଦର୍ଶକଙ୍କୁ ଭେଟି ଦେଇଥିଲେ। ତାଙ୍କ ପ୍ରଯୋଜନା ସଂସ୍ଥା ବହୁ ଦମଦାର ଚଳଚ୍ଚିତ୍ର ନିର୍ମାଣ କରିଛି। ତାଙ୍କ ବିୟୋଗରେ ପୂରା ବଲିଉଡ଼ ଇଣ୍ଡଷ୍ଟ୍ରିରେ ଏକ ଦୁଃଖର ଛାୟା ଖେଳି ଯାଇଛି। ଭେନସ୍ ରେକର୍ଡସ ଆଣ୍ଡ୍ ଟେପସ୍(Venus Records & Tapes )ର ମାଲିକ ହେଉଛନ୍ତି ଚମ୍ପକ ଜୈନ। ଜୁହୁରେ ଚାଲିଥିବା ଏକ ମିଟିଂ ସାରି ଫେରିବା ସମୟରେ ତାଙ୍କୁ ଅଚାନକ ହୃଦଘାତ ହୋଇଥିଲା। ହସ୍ପିଟାଲରେ ପହଞ୍ଚିବା ପୂର୍ବରୁ ଚମ୍ପକଙ୍କ ମୃତ୍ୟୁ ହୋଇ ଯାଇଥିଲା।
ଚମ୍ପକଙ୍କ ମୃତ୍ୟୁରେ ବଲିଉଡ଼ର ବହୁ ବରିଷ୍ଠ କଳାକାରମା ଦୁଃଖ ପ୍ରକାଶ କରିବା ସହ ତାଙ୍କ ପରିବାରକୁ ସମବେଦନା ଜଣାଇଇଛନ୍ତି। ସୋନୁ ସୁଦ୍ ଟ୍ବଇଟ୍ କରି ଲେଖିଛନ୍ତି ଚମ୍ପକ ଜୈନଙ୍କ ଅଚାନକ ମୃତ୍ୟୁ ତାଙ୍କୁ ବହୁତ ଦୁଃଖ ପହଞ୍ଚାଇଛି।
wp:core-embed/twitter {"url":"https://twitter.com/sanjaynirupam/status/1189943164699738113","type":"rich","providerNameSlug":"twitter","className":""}ସେହିପରି କଂଗ୍ରେସ ନେତା ସଞ୍ଜୟ ନିରୂପମ ଟ୍ବିଇଟ୍ କରିଛନ୍ତି ଚମ୍ପକ ଜୈନଙ୍କ ଅସ୍ବାଭାବିକ ମୃତ୍ୟୁ ଖବର ଶୁଣି ତାଙ୍କୁ ବହୁତ କଷ୍ଟ ଲାଗିଛି। ଏଥିସହ ତାଙ୍କ ପରିବାରଙ୍କୁ ସମବେଦନା ଜଣାଇଛନ୍ତି।
wp:core-embed/twitter {"url":"https://twitter.com/ashokepandit/status/1189918852278149121","type":"rich","providerNameSlug":"twitter","className":""}ସେହିପରି ଅଶୋକ ପଣ୍ଡିତ ଟ୍ବିଇଟ୍ କରି ଲେଖିଛନ୍ତି ତାଙ୍କ ବନ୍ଧୁ ଚମ୍ପକ ଜୈନଙ୍କ ମୃତ୍ୟୁରେ ସେ ଅତ୍ୟନ୍ତ ମର୍ମାହତ।
