Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ଭେଣ୍ଡି, କାକୁଡି, କଲରା ଆଦି ପରିବା ଚାଷରେ କିଏ ଛିଞ୍ଚିଦେଲା ବିଷାକ୍ତ ଔଷଧ : ମରିଗଲା ସବୁ ଫଳନ୍ତି ଗଛ, ପୋଲିସ କରୁଛି ତଦନ୍ତ

24/07/2019 at 4:14 PM

ପାରାଦୀପ ୨୪|୭: ମୁଣ୍ଡ ଝାଳ ତୁଣ୍ଡେ ମାରି ବର୍ଷସାରା ପରିଶ୍ରମ କରି ଫସଲ ଅମଳ କରେ ଚାଷୀ । ହେଲେ ଚାଷୀର ଦୁଃଖ କହିଲେ ନସରେ । କେତେବେଳେ ଭଲ ବର୍ଷା ନହେବାରୁ ଫସଲ ନଷ୍ଟ ହୁଏ ତ କେତେବେଳେ ବନ୍ୟାଜଳ ମାଡି ଉଜୁଡିଯାଏ ସବୁ ଫସଲ । ପୁଣି କେତେବେଳେ ରୋଗପୋକ । କିନ୍ତୁ ଏବେ ଔଷଧ ପ୍ରୟୋଗ କରି ଫସଲ ନଷ୍ଟ କରାଯାଉଥିବା ଅଭିଯୋଗ ହୋଇଛି ।    

ଝାଉଁଳି ପଡିଛି ସବୁଜିମା ଭରା କ୍ଷେତ । ଶୁଖି ଯାଇଛି ଭେଣ୍ଡି, କଲରା, କାକୁଡି ଆଦି ଫଳ ସବୁ । ଆଖିରେ ଦେଖି ମଧ୍ୟ ବିଶ୍ବାସ କରିପାରୁ ନାହାନ୍ତି କେହି । ଏ ହେଉଛି କୁଜଙ୍ଗ ସାହାଡିଆ ଗାଁର ରମେଶ ଚନ୍ଦ୍ର ବେହେରାଙ୍କ ଚାଷଜମି । ପ୍ରତିବର୍ଷ ବିଭିନ୍ନ ପ୍ରକାରର ପନିପରିବା ଚାଷ କରି ନିଜ ପରିବାର ପ୍ରତିପୋଷଣ କରନ୍ତି । ଚଳିତ ଥର ମଧ୍ୟ ଏଇ ସବୁ ପନିପରିବା ଚାଷ କରି ବେଶ୍ ଦିପଇସା  ପାଇବେ ବୋଲି ଆଶା ରଖିଥିଲେ । ହେଲେ କେହି ଜଣେ ଦୁର୍ବୃତ୍ତ ତାଙ୍କ ଜମିରେ ବିଷାକ୍ତ ଔଷଧ ସିଞ୍ଚନ କରି ଫସଲ ନଷ୍ଟ କରିଦେଇଥିବା ଅଭିଯୋଗ କରିଛନ୍ତି । 

ଚଳିତ ବର୍ଷ ରମେଶ ଏକ ଏକର ଜମିରେ ଭେଣ୍ଡି, କଲରା, କାକୁଡି ଆଦି ଫସଲ କରିଥିଲେ । ହେଲେ ଏସବୁ ଏବେ ନଷ୍ଟ ହୋଇଯାଇଛି । ପନିପରିବା ଚାଷ କରି ପରିବାର ଚଳାଉଥିବା ବେଳେ ଏବେ କେମିତି କରିବେ ପରିବାରର ଭରଣ ପୋଷଣ । ସେଇ ଚିନ୍ତାରେ ପଡିଛନ୍ତି । ତେବେ କେବଳ ରମେଶ ନୁହନ୍ତି, ସ୍ଥାନୀୟଲୋକେ ମଧ୍ୟ ଦୋଷୀକୁ ଉଚିତ୍ ଦଣ୍ଡ ଦେବାକୁ ଦାବି କରିଛନ୍ତି ।  ଏପଟେ ଘଟଣାରେ କୁଜଙ୍ଗ ଥାନାରେ ଏତଲା ଦେବା ପରେ ତଦନ୍ତ କରି ଦୋଷୀକୁ ଦଣ୍ଡ ଦିଆଯିବ ବୋଲି କହିଛନ୍ତି ଥାନା ଅଧିକାରୀ ।

ବିଷାକ୍ତ ଔଷଧ ପ୍ରୟୋଗ କରି ଏଭଳି ଫସଲ ନଷ୍ଟ କରିଥିବା ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ସାଧାରଣରେ । 

   Related Posts