Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଲାଞ୍ଜିଗଡରେ କୁହୁଳୁଛି ନିଆଁ : ଆତଙ୍କିତ ରାଜ୍ୟ ଶିଳ୍ପ ନିରାପତ୍ତା ସୁରକ୍ଷାକର୍ମୀ, ଅନ୍ୟତ୍ର ସ୍ଥାନାନ୍ତର ଦାବିରେ ବସିଛନ୍ତି ଧାରଣାରେ

24/03/2019 at 7:33 PM

ଭବାନୀପାଟଣା୨୪|୩ (ମହମ୍ମଦ ଅସଲମ) : ଲାଞ୍ଜିଗଡ଼ ରିଫାଇନାରୀ ମୁଖ୍ୟ ଫାଟକରେ ଖଣ୍ଡଯୁଦ୍ଧକୁ ନେଇ ୬ ଦିନ ହେଲା ଲାଗି ରହିଛି ଚାପା ଉତ୍ତେଜନା । ଜନ ଅସନ୍ତୋଷ କୁହୁଳୁଥିବାରୁ ଭୟରେ ରାଜ୍ୟ ଶିଳ୍ପ ନିରାପତ୍ତା ସୁରକ୍ଷାକର୍ମୀ । ଅନ୍ୟତ୍ର ସ୍ଥାନାନ୍ତର ଦାବିରେ ଓଆଇଏସ୍‌ଏଫ୍ ଯବାନ ଗତକାଲିଠୁ କାମ ବନ୍ଦ କରି କମ୍ପାନୀ ଆଗରେ ଧାରଣାରେ ବସିଛନ୍ତି ।

ସୁରକ୍ଷାକୁ ନେଇ ଚିନ୍ତାରେ ରାଜ୍ୟ ଶିଳ୍ପ ପିରାପତ୍ତା ସୁରକ୍ଷାକର୍ମୀ । ଲାଞ୍ଜିଗଡ଼ରେ ଗତ ୧୮ ତାରିଖରେ ଘଟିଥିବା ଘଟଣାକୁ ନେଇ ଘାରିଛି ଅଜଣା ଭୟ । ସ୍ଥାନୀୟ ଅଞ୍ଚଳରେ କୁହୁଳୁଥିବା ପୁଞ୍ଜିଭୂତ ଅସନ୍ତୋଷକୁ ଦେଖି ଆତଙ୍କିତ ୩ ଶହରୁ ଅଧିକ ସୁରକ୍ଷା କର୍ମୀ । ଦୁଇ ଦିନ ହେଲା କାମ ବନ୍ଦ କରି ବସିଛନ୍ତି ଧାରଣାରେ ।

ଅନ୍ୟତ୍ର ବଦଳି ଦାବିରେ କମ୍ପାନୀ ଫାଟକ ଆଗରେ ବସିଛନ୍ତି । ପୋଲିସ ଓ ଜିଲ୍ଲା ପ୍ରଶାସନ ଶାନ୍ତି କମିଟି ବୌଠକ ଡାକି ମାମଲା ନିୟନ୍ତ୍ରଣାଧିନ ରହିଥିବା କହିଛନ୍ତି । ଏଥିରେ କିନ୍ତୁ ଭାରସା କରିପାରୁନାହାନ୍ତି ସୁରକ୍ଷା କର୍ମୀ ।  ଜୀବନ ପ୍ରତି ବିପଦ ଥିବା ଦର୍ଶାଇ ଅନ୍ୟଦ୍ର ସ୍ଥାନାନ୍ତର ଦାବି କରିଛନ୍ତି ।

ଗତ ୧୮ ତାରିଖରେ ଲଞ୍ଜିଗଡ଼ରେ ସୁରକ୍ଷାକର୍ମୀ ଓ ଆନ୍ଦୋଳନକାରୀ ମୁହାଁମୁହିଁ ହୋଇଥିଲେ । ଏଥିରେ ଜଣେ ସୁରକ୍ଷା କର୍ମୀ ଓ ଜଣେ ସାଧାରଣ ବ୍ୟକ୍ତିଙ୍କ ଜୀବନ ଯାଇଥିଲା । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ କୁହୁଳୁଛି । ଓଆଇଏସଏଫ ଯବାନଙ୍କ ବିରୋଧରେ ହତ୍ୟା ମାମଲା ରୁଜୁ କରିବାକୁ ଦାବି କରୁଛନ୍ତି ସ୍ଥାନୀୟ ଲୋକ ।

କଳାହାଣ୍ଡି ଜିଲ୍ଲାପାଳ କିନ୍ତୁ କହିଛନ୍ତି ସ୍ଥିତି ନିୟନ୍ତ୍ରଣାଧିନ ରହିଛି । ଭୟଭୀତ ହେବାର କାରଣ ନାହିଁ । ପ୍ରଶ୍ନ ହେଉଛି ଯଦି ସ୍ଥିତି ନିୟନ୍ତ୍ରଣାଧିନ ରହିଛି ତେବେ ସୁରକ୍ଷାକର୍ମୀ ନିଜକୁ ଏତେ ଅସୁରକ୍ଷିତ ମଣୁଛନ୍ତି କାହିଁକି ?  

   Related Posts