Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ପ୍ରଧାନମନ୍ତ୍ରୀ ମୋଦିଙ୍କ ହତ୍ୟା ଷଡଯନ୍ତ୍ର କରିଥିବା ଅଭିଯୁକ୍ତ ବରବର ରାଓ ନକ୍ସଲଙ୍କ ସହ ସମ୍ପୃକ୍ତି ଥିବା ନେଇ ଗିରଫ

18/11/2018 at 3:28 PM

ହାଇଦ୍ରାବାଦ ୧୮/୧୧ : ଭିମା-କୋରେଗାଁଓ ମାମଲାରେ ଜଡିତ ତଥା ପ୍ରଧାନମନ୍ତ୍ରୀ ମୋଦିଙ୍କୁ ହତ୍ୟା ଷଡଯନ୍ତ୍ର କରିଥିବା ଅଭିଯୁକ୍ତ ବରବର ରାଓକୁ ମହାରାଷ୍ଟ୍ର ପୋଲିସ ଗିରଫ କରିଛି | ଗତ ଅଗଷ୍ଟ ୨୯ ତାରିଖରୁ ବରବର ରାଓର ହାଇଦ୍ରାବାଦ ସ୍ଥିତ ଘର ଉପରେ ପୋଲିସ ନଜର ରଖିଥିଲା | ଗତ ଶୁକ୍ରବାର ଦିନ ହାଇଦ୍ରାବାଦ ହାଇକୋର୍ଟ ବରବର ରାଓର ଜାମିନ ଆବେଦନ ଖାରଜ କରିଦେଇଥିଲେ | ବରବର ରାଓକୁ ପୋଲିସ ହାଇଦ୍ରାବାଦରୁ ତାଙ୍କ ବାସଭବନରୁ ଗିରଫ କରିବା ପରେ ପୁଣେ ନେଇଯାଇଛି |

ଭୀମା-କୋରେଗାଁଓ ହିଂସା ମାମଲା ଏବଂ ନକ୍ସଲଙ୍କ ସହିତ ସମ୍ପୃକ୍ତ ଥିବା ନେଇ ବରବର ରାଓ ଉପରେ ଅଭିଯୋଗ ହୋଇଛି | ଗତ ଅଗଷ୍ଟ ମାସରେ ଭୀମା-କୋରେଗାଁଓ ହିଂସା ମାମଲାରେ ପୁଣେ ପୋଲିସ ସାରା ଦେଶରେ ଚଢ଼ାଉ କରିଥିଲା | ବରବର ରାଓକୁ ମଧ୍ୟ ପୋଲିସ ଗିରଫ କରିଥିଲା | କିନ୍ତୁ ସୁପ୍ରିମକୋର୍ଟ ବରବର ରାଓର ଗିରଫ ଆଦେଶ ଉପରେ ରୋକ ଲଗେଇଥିଲେ | ଏହାପରେ ହାଇଦ୍ରାବାଦରେ ତା’ ଉପରେ ନଜର ରଖାଯାଉଥିଲା |

ଭୀମା-କୋରେଗାଁଓ ହିଂସା ମାମଲାରେ ବରବର ରାଓ ସମେତ ୫ଜଣ ନକ୍ସଲ ସମର୍ଥକଙ୍କୁ ପୋଲିସ ଗିରଫ କରିଥିଲା | ଅନ୍ୟ ୪ଜଣ ହେଲେ ସୁଧା ଭରଦ୍ୱାଜ, ଗୌତମ ନବଲଖା, ଅରୁଣ ଫରେରା ଏବଂ ଵର୍ଣ୍ଣନ ଗୋଂଜାଲବିଷ | ଏ ସମସ୍ତଙ୍କୁ ପୋଲିସ ଭିନ୍ନ ଭିନ୍ନ ସ୍ଥାନରୁ ଗିରଫ କରିଥିଲେ |
ଏହି ବର୍ଷ ଆରମ୍ଭରୁ ନକ୍ସଲ ନେତା ସ୍ୱର ଲେଖା ହୋଇଥିବା ଏକ ଚିଠି ପୁଣେ ପୋଲିସ ଜବତ କରିଥିଲା | ପ୍ରଧାନମନ୍ତ୍ରୀ ମୋଦିଙ୍କୁ ହତ୍ୟା କରାଯିବା ନେଇ ଏହାହିଁ ଚିଠିରେ ଲେଖାଥିଲା | ନକ୍ସଲ ଗତିବିଧି ଉପରେ ପ୍ରତିଷ୍ଠିତ ତେଲୁଗୁ କବି ବରବର ରାଓ ଦ୍ୱାରା ଲିଖିତ ମାର୍ଗ ଦର୍ଶନର ଏହି ଚିଠିରେ ବହୁତ ପ୍ରଶଂସା କରାଯାଇଥିଲା |

ବରବର ରାଓ ଜଣେ ତେଲୁଗୁ କବି ତଥା ଲେଖକ | ସେ କ୍ରାନ୍ତିକାରୀ ଲେଖକ ସଂଗଠନର ସଂସ୍ଥାପକ ସଦସ୍ୟ ଥିଲେ | ସେ ନକ୍ସଲମାନଙ୍କୁ ସମର୍ଥନ କରୁଥିବା ବିଶ୍ୱାସ କରାଯାଏ | ଭିନ୍ନ ଭିନ୍ନ ମାମଲାରେ ସେ ଅନେକ ଥର ଜେଲ ମଧ୍ୟ ଯାଇଛନ୍ତି |

   Related Posts