Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆସନ୍ତା ମେ’ ମାସ ଗୋଆରେ ବିବାହ କରିବେ ବରୁଣ-ନତାଶା…

ମୁମ୍ବାଇ୧୭|୧: ବଲିଉଡ ଅଭିନେତା ବରୁଣ ଧବନ ଏବେ ଫିଲ୍ମ ବ୍ୟତୀତ ନିଜ ବ୍ୟକ୍ତିଗତ ଜୀବନ ପାଇଁ ଅଧିକ ଚର୍ଚ୍ଚାରେ ରହୁଛନ୍ତି। ବରୁଣ ଓ ତାଙ୍କ ଗାର୍ଲଫ୍ରେଣ୍ଡ ନତାଶା ଦଲାଲ ପରସ୍ପରକୁ ଲମ୍ୱା ସମୟ ଧରି ଡେଟ୍‌ କରୁଛନ୍ତି। ପୂର୍ବରୁ ବରୁଣ ଓ ନତାଶାଙ୍କୁ ଏକା ସହ ଖୁବ୍ କମ୍ ଦେଖିବାକୁ ମିଳୁଥିଲେ। ହେଲେ ଏବେ ସେମାନଙ୍କୁ ଅଧିକାଂଶ ସମୟରେ ଏକାଠି ସ୍ପଟ୍‌ କରାଯାଉଛି। ସୋସିଆଲ ମିଡିଆରେ ମଧ୍ୟ ଉଭୟ ବୋଶ ଚର୍ଚ୍ଚାରେ ରୁହନ୍ତି।

କଫି ଓ୍ବିଥ କରଣ ଶୋ ରେ ବରୁଣ ନିଜ ସହ ନତାଶାଙ୍କ ସମ୍ପର୍କ ବିଷୟରେ ଖୋଲି କହିଥିଲେ। ବି-ଟାଉନ୍‌ରେ ଦୁହିଁଙ୍କର ବିବାହକୁ ନେଇ ଚର୍ଚ୍ଚା ମଧ୍ୟ ହେଉଛି। ଅନେକ ଇଣ୍ଟରଭ୍ୟୁରେ ମଧ୍ୟ ବରୁଣ ତାଙ୍କ ଗାର୍ଲଫ୍ରେଣ୍ଡକୁ ବିବାହ କରିବାକୁ ଚାହୁଁଛନ୍ତି ବୋଲି କହିଛନ୍ତି।

ସୂଚନାଯୋଗ୍ୟ ଯେ, ଚଳିତ ବର୍ଷ ମେ’ ମାସରେ ଉଭୟେ ବିବାହ କରିବାକୁ ଯୋଜନା କରୁଛନ୍ତି। ଦୁହେଁ ଏକ ଗ୍ରାଣ୍ଡ ୱେଡିଙ୍ଗର ପ୍ଲାନ୍‌ କରୁଛନ୍ତି। ତାଙ୍କ ୱେଡିଂ ଗୋଟେ ସପ୍ତାହ ଯାଏଁ ଚାଲିବ ବୋଲି ସେ କହିଛନ୍ତି। ଏଥିରେ ମେହେନ୍ଦୀ, ସଙ୍ଗୀତ ଓ ରିସେପସନ୍‌ ରହିବ।

ରିପୋର୍ଟ ଅନୁସାରେ, ଗୋଆର କୌଣସି ବିଚ୍‌ କିମ୍ୱା ବଡ଼ ହୋଟେଲ୍‌ରେ ବିବାହ ହେବ। ବଡ଼ ବଡ଼ ଅଭିନେତା ବିବାହରେ ସାମିଲ ହେବେ। ମେ’୧ରେ ବରୁଣଙ୍କ ଅପକମିଂ ଫିଲ୍ମ ‘କୁଲି ନମ୍ୱର ୧’ ରିଲିଜ୍‌ ହେବ। ଏହା ପରେ ସେ ବିବାହ କରିବେ ବୋଲି କହିଛନ୍ତି। ଏପ୍ରିଲ ମାସ ୨୪ ତାରିଖରେ ବରୁଣଙ୍କ ଜନ୍ମଦିନ। ସେହିଦିନ ହିଁ ତାଙ୍କ ପରିବାର ଲୋକେ ବିବାହର ତାରିଖ ଘୋଷଣା କରିବେ।

   Related Posts