ଆସନ୍ତା କାଲିଠୁ ଆରମ୍ଭ ହେଉଛି ଭାଲେନଣ୍ଟାଇନ ସପ୍ତାହ । ଏହି ସପ୍ତାହ ବା ପକ୍ଷକୁ ପ୍ରେମର ସପ୍ତାହ ବୋଲି କୁହାଯାଏ ।  ପ୍ରେମ ନିବେଦନରୁ ଆରମ୍ଭ କରି ପ୍ରେମ ପର୍ଯ୍ୟନ୍ତ ଏ ସପ୍ତାହର ବିଶେଷତ୍ବ ।  ଫେବୃଆରୀ ମାସର ଦ୍ବିତୀୟ ସପ୍ତାହକୁ ପ୍ରେମ ସପ୍ତାହ ଭାବେ ପାଲନ କରାଯାଏ ।

 ଭାଲେନଣ୍ଟାଇନ ଡେ ପ୍ରତି ବର୍ଷ ଫେବୃଆରୀ ମାସ ୧୪ ତାରିଖରେ ସେଲିବ୍ରେଟ କରାଯାଏ । ଫେବୃଆରୀ ମାସ ୧୪ ତାରିଖ ପୂର୍ବରୁ ଗୋଟେ ସପ୍ତାହ ଭାଲେନଣ୍ଟାଇନ ୱିକ୍‌ ସେଲିବ୍ରେଟ କରାଯାଏ। ସାଧାରଣତଃ ଏହି ସପ୍ତାହରେ ଅନେକ କପଲ ପରସ୍ପରଙ୍କୁ ପ୍ରେମ ନିବେଦନ କରନ୍ତି। ରୋଜ୍‌ ଡେରୁ ଆରମ୍ଭ ହୁଏ ଏହି ସପ୍ତାହ । ତାପରେ ପ୍ରପୋଜ୍‌ ଡେ, ଚକୋଲେଟ ଡେ, ପ୍ରମିଜ ଡେ, ଟେଡି ଡେ, ହଗ ଡେ ଓ କିସ୍‌ ଡେ ପରେ୧୪ ତାରିଖ ହୁଏ ଭାଲେଣ୍ଟାଇନ ଡେ । ସବୁ କପଲ ପରସ୍ପରଙ୍କୁ ବିଭିନ୍ନ ପ୍ରକାରର ଉପହାର ଦେଇ ପ୍ରତି ଟି ଡେ ସେଲିବ୍ରେଟ କରନ୍ତି ।

 ଭାଲେନଣ୍ଟାଇନ ନାମକ ଜଣେ ବ୍ୟକ୍ତିଙ୍କ ପାଇଁ ଭାଲେନଣ୍ଟାଇନ ଡେ ପାଳନ କରାଯାଏ। ତେବେ ପ୍ରେମ ପାଇଁ ଏହି ଦିନ ଆରମ୍ଭ ହୋଇନଥିଲା। ଏହି ଦିନ ଜଣେ ଦୁଷ୍ଟ ରାଜା ଓ କୃପାଳୁ ଭାଲେନଣ୍ଟାଇନଙ୍କ ମଧ୍ୟରେ ଯୁଦ୍ଧ ହୋଇଥିଲା। ଯୁଦ୍ଧର କାରଣ ରୋମର ରାଜା ଥିଲେ। ରାଜାଙ୍କ ଅନୁସାରେ ପୁରୁଷଙ୍କର ବିବାହ ପରେ ସବୁ ଶକ୍ତି ଓ ବୁଦ୍ଧି ନଷ୍ଟ ହୋଇଯାଏ। ଏହି କାରଣରୁ ସେ ତାଙ୍କ ରାଜ୍ୟରେ ଘୋଷଣା କରିଥିଲେ ଯେ କୌଣସି ସୈନିକ ଓ ସେନାଅଧିକାରୀ ବିବାହ କରିବେ ନାହିଁ।

 କିନ୍ତୁ ଭାଲେନଣ୍ଟାଇନ ରାଜାଙ୍କ ବିରୁଦ୍ଧରେ ଯାଇ ରାଜ୍ୟରେ ସମସ୍ତଙ୍କୁ ବିବାହ କରିବା ପାଇଁ ଉପଦେଶ ଦେଉଥିଲେ। ରାଜ୍ୟରେ ଅନେକ ସୈନିକ ଓ ଅଧିକାରୀଙ୍କର ବିବାହ ମଧ୍ୟ କରାଇଥିଲେ ଭାଲେନଣ୍ଟାଇନ। ତେବେ ରାଜା ଭାଲେନଣ୍ଟାଇନଙ୍କ ଉପରେ ରାଗି ତାଙ୍କୁ ୨୬୯ ମସିହା, ଫେବୃଆରୀ ୧୪ ତାରିଖରେ ଫାଶି ଦଣ୍ଡ ଦେଇଥିଲେ। ଏହି କାରଣରୁ ଫେବୃଆରୀ ୧୪ ତାରିଖରେ ଭାଲେନଣ୍ଟାଇନଙ୍କ ସ୍ମରଣରେ ଭାଲେନଣ୍ଟାଇନ ଡେ ପାଳନ କରାଯାଏ