Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରତିରକ୍ଷା ରପ୍ତାନୀ କ୍ଷେତ୍ରରେ ମାଇଲ ଖୁଣ୍ଟ : ଫିଲିପାଇନ୍ସକୁ ଧୃବ ହେଲିକପ୍ଟର ବିକ୍ରି କରିବ ଭାରତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୧୫୯ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୮କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୫ କରୋନା ସଂକ୍ରମିତ, ୧୦୫୦୯୫୫ରେ ପହଞ୍ଚିଲା ସଂଖ୍ୟା
  • ||
  • ବାୟୁସେନା ହେଲିକପ୍ଟର କ୍ରାସ୍‌ରେ ଓଡିଆ ଯବାନ ମୃତ, ତାଳଚେରରେ ରାଣା ପ୍ରତାପ ଦାସଙ୍କ ଘର
  • ||
  • ମାତିଲେ ମାଓବାଦୀ : ଜାଳିଲେ ଗାଡ଼ି, ସୁପରଭାଇଜରଙ୍କୁ କଲେ ଅପହରଣ
  • ||
  • ମୁହାଁମୁହିଁ ହେବେ ଶାସକ-ବିରୋଧି : ମମିତା ମେହେର ପ୍ରସଙ୍ଗରେ ବିଧାନସଭା ଘେରିବ ବିଜେପି
  • ||

ବିଦେଶ ଯିବାକୁ ଥିବା ଛାତ୍ର-ଛାତ୍ରୀଙ୍କୁ ଦିଆଯିବ ଟିକା, ରାଜଧାନୀବାସୀଙ୍କ ଘରେ ମାଗଣାରେ ଅକ୍ସିଜେନ୍ ପହଞ୍ଚାଇବ ବିଏମସି

5/06/2021 at 5:24 PM

ଭୁବନେଶ୍ଵର ୦୪।୦୬: ପାଠପଢା ପାଇଁ ବିଦେଶ ଯିବାକୁ ଥିବା ଛାତ୍ର-ଛାତ୍ରୀଙ୍କୁ ଦିଆଯିବ ଟିକା। ଭୁବନେଶ୍ଵର ମହାନଗର ଅଞ୍ଚଳର ଛାତ୍ର-ଛାତ୍ରୀଙ୍କୁ ଟିକା ଦିଆଯିବାର ବ୍ୟବସ୍ଥା କରାଯାଇଛି। ଏଥିସହ ମାଗଣାରେ ଅକ୍ସିଜେନ୍ କନସେନଟ୍ରେଟର ଯୋଗାଇବା ସହ ମୋବାଇଲ ଟେଷ୍ଟିଂ ବ୍ୟବସ୍ଥା କରାଯାଉଥିବା ସାମ୍ବାଦିକ ସମ୍ମିଳନୀରେ ବିଏମସି କମିଶନର ସଞ୍ଜୟ ସିଂହ ଶନିବାର ସୂଚନା ଦେଇଛନ୍ତି।

ସେ କହିଛନ୍ତି ପାଠପଢା ପାଇଁ ବିଦେଶ ଯିବାକୁ ଇଚ୍ଛୁକ ପିଲା ଅସୁବିଧା ଭୋଗୁଛନ୍ତି। ଟିକା ନେଇନଥିଲେ ବିଦେଶ ଯିବାକୁ ଅନୁମତି ନଥିବାରୁ ବିଏମସି ପକ୍ଷରୁ ଏହି ବ୍ୟବସ୍ଥା କରାଯାଉଛି। ଛାତ୍ର-ଛାତ୍ରୀଙ୍କୁ ଅଗ୍ରାଧିକାର ଭିତ୍ତିରେ ଟିକାକରଣ ପାଇଁ କାଲିଠୁ ବ୍ୟବସ୍ଥା କରାଯିବ। ଏଭଳି ଛାତ୍ର-ଛାତ୍ରୀ ୧୯୨୯କୁ ଫୋନ କରି ରେଜିଷ୍ଟ୍ରେସନ କରି ପାରିବେ। ରେଜିଷ୍ଟ୍ରେସନ ପରେ ସେମାନଙ୍କୁ ଟିକା ଦିଆଯିବାର ବ୍ୟବସ୍ଥା କରାଯିବ ବୋଲି କମିଶନର କହିଛନ୍ତି।

ବିଏସମି କର୍ତ୍ତୃପକ୍ଷ ଏବେ ରାଜଧାନୀବାସୀଙ୍କୁ ମାଗଣାରେ ଅକ୍ସିଜେନ୍ କନସେନଟ୍ରେଟର ଯୋଗାଇବ। ଯେଉଁମାନେ ହୋମ ଆଇସୋଲେସନରେ ଥିବେ ସେମାନଙ୍କୁ ମାଗଣାରେ ଅକ୍ସିଜେନ କନସେନଟ୍ରେଟର ଯୋଗାଇ ଦିଆଯିବ। ଏଥିପାଇଁ ଏକ ଆପ୍ ବିକଶିତ କରାଯାଇଛି। ଏହି ଆପ୍‌ରେ ହୋମ ଆଇସୋଲେସନ ରହିଥିବା  ଲୋକେ ଚାହିଁଲେ ବୁକିଂ କରି ପାରିବେ। ବିଏମସି ଆବେଦନ କରିଥିବା ଲୋକଙ୍କ ଘରେ ଅକ୍ସିଜେନ ପହଞ୍ଚାଇବ। ଏହି ସେବା ସୋମବାରଠୁ ଆରମ୍ଭ ହେବ।

ଟିକା ଦିଆଯିବା ଉପରେ କମିଶନର କହିଛନ୍ତି ଯେ, ଜୁନ ୪ ସୁଦ୍ଧା ବିଏମସି ଅଞ୍ଚଳରେ ୮ ଲକ୍ଷ ୫୭ ହଜାର ଡୋଜ୍ ଟିକା ଦିଆଗଲାଣି। ଏଥିରେ ୩୫, ୪୨୯ ସ୍ଵାସ୍ଥ୍ୟ କର୍ମୀ, ୪୮,୪୧୦ ଡୋଜ୍ ଆଗ ଧାଡିର ଯୋଦ୍ଧାଙ୍କୁ ଦିଆଯାଇଛି।୪୫   ବର୍ଷରୁ ଉର୍ଦ୍ଧ୍ଵ ବର୍ଗରେ ୩.୩୮ ଲକ୍ଷ ପ୍ରଥମ ଡୋଜ୍ ନେଇ ସାରିଥିବା ବେଳେ ୨ୟ ଡୋଜ୍ ୨.୧୧ ଲକ୍ଷ ଲୋକ ନେଇ ସାରିଲେଣି। ୧୮ରୁ ୪୪ ବର୍ଷ ବର୍ଗରେ ୧ ଲକ୍ଷ ୭୦ ହଜାର ଜଣକୁ ପ୍ରଥମ ଡୋଜ୍ ମିଳି ସାରିଛି। ପ୍ରଥମ ଡୋଜ୍ ନେଇଥିବା ବ୍ୟକ୍ତିଙ୍କୁ ୪ ରୁ ୬ ସପ୍ତାହ ମଧ୍ୟରେ ଦ୍ଵିତୀୟ ଡୋଜ୍ ଦିଆଯିବ।

ଏପରିକି ଆସନ୍ତାକାଲିଠୁ ରାଜଧାନୀର ଗହଳିପୂର୍ଣ୍ଣ ମାର୍କେଟ୍ ଅଞ୍ଚଳରେ ମୋବାଇଲ ଟେଷ୍ଟିଂ ଆରମ୍ଭ ହେବ। ବିଭିନ୍ନ ମାଛ, ମାଂସ ଏବଂ ପରିବା ମାର୍କେଟ୍‌ରେ ଭ୍ୟାନ  ପହଞ୍ଚି ଟେଷ୍ଟିଂ କରିବ  ବୋଲି ସଞ୍ଜୟ ସିଂହ କହିଛନ୍ତି। ଏନେଇ ସ୍ଵତନ୍ତ୍ର ଅଭିଯାନ ଆରମ୍ଭ କରାଯିବ।

   Related Posts