Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ମାନବିକତାର ଉଦାହରଣ ଓ କୂଟନୈତିକ ଶକ୍ତି ବୃଦ୍ଧି : ବିଶ୍ବର ବିଭିନ୍ନ ଦେଶକୁ କୋଭିଡ୍ ଟିକା ପଠାଇବ ଭାରତ

8/01/2021 at 4:36 PM

ନୂଆଦିଲ୍ଲୀ ୦୮/୦୧ : ଭାରତରେ ୨ଟି କୋଭିଡ୍-୧୯ ଭ୍ୟାକସିନକୁ ବ୍ୟବହାର ପାଇଁ ଅନୁମତି ମିଳିବା ପରେ ଡ୍ରାଏ ରନ୍‌ ଆରମ୍ଭ ହୋଇଯାଇଛି । ଯଦି ଦେଖାଯାଏ ତେବେ ସାରା ବିଶ୍ବରେ, ଭାରତ ହିଁ ଏକ ମାତ୍ର ଦେଶ ଯେଉଁଠାରେ ବ୍ୟାପକ ପରିମାଣର ଫାର୍ମା କମ୍ପାନୀ ଔଷଧ ପ୍ରସ୍ତୁତ କରନ୍ତି । ବିଭିନ୍ନ ସମୟରେ ଅନେକ ଦେଶ ଔଷଧ ପାଇଁ ଭାରତ ଉପରେ ନିର୍ଭର କରନ୍ତି । କେନ୍ଦ୍ର ସ୍ବାସ୍ଥ୍ୟ ସଚିବ ରାଜେଶ ଭୂଷଣ କହିଛନ୍ତି ଦେଶବାସୀଙ୍କୁ ଭ୍ୟାକସିନ୍‌ ପହଞ୍ଚାଇବା ଆମର ଗୁରୁଦାୟିତ୍ବ ।

ତେବେ ଆଉ ଏକ ପାଦ ଆଗକୁ ଯାଇ ଅନ୍ୟ ଦେଶମାନଙ୍କୁ ଭ୍ୟାକସିନ୍‌ ରପ୍ତାନୀ କରିବା ପାଇଁ ଯୋଜନା କରୁଛି ଭାରତ । ଦେଶରେ କୋଭିସିଲ୍ଡ ଏବଂ କୋଭାକ୍ସିନ୍‌କୁ ବ୍ୟବହାର ପାଇଁ ଅନୁମତି ମିଳିବା ପରେ ପଡୋଶୀ ଦେଶ ସମେତ ଅନେକ ଦେଶ ଭ୍ୟାକସିନ୍‌ ପାଇଁ ପ୍ରଥମ ପର୍ଯ୍ୟାୟ ଚୁକ୍ତି କରିବାକୁ ଯୋଜନା ପ୍ରସ୍ତୁତି କରିସାରିଲେଣି । ବିଭିନ୍ନ ସମୟରେ କୂଟନୀତି ରକ୍ଷା କରିବା ସହ ଅନ୍ୟ ଦେଶମାନଙ୍କୁ ସାହାଯ୍ୟ ସହଯୋଗ ଯୋଗାଇ ଆସିଛି ଭାରତ ।

ଏହାରି ମଧ୍ୟରେ ଦୁନିଆର ଔଷଧଖାନା କୁହାଯାଉଥିବା ଭାରତ, ନିଜ ମାଟିରେ ପ୍ରସ୍ତୁତ ଭ୍ୟାକସିନକୁ ଅନ୍ୟ ଦେଶମାନଙ୍କୁ ରପ୍ତାନୀ କରିବା ପାଇଁ ପ୍ରତିଶ୍ରୁତିବଦ୍ଧ ବୋଲି କହିଛି । ପୂର୍ବରୁ ଭ୍ୟାକସିନ୍ ଉତ୍ପାଦନକାରୀ କମ୍ପାନୀ ସେରମ୍ ଇନଷ୍ଟିଚ୍ୟୁଟ ଏବଂ ଭାରତ ବାୟୋଟେକ୍‌ ଭାରତ ସମେତ ଅନ୍ୟଦେଶମାନଙ୍କୁ ଭ୍ୟାକସିନ ଯୋଗାଇବାକୁ ଗୁରୁ ଦାୟିତ୍ବ ବୋଲି କହିଛନ୍ତି ।

ପୂର୍ବରୁ ମିଆଁମାର ଓ ଦକ୍ଷିଣ ଆଫ୍ରିକା ଭ୍ୟାକସିନ୍ ନେବା ପାଇଁ ପ୍ରାଥମିକ ଭିତ୍ତିରେ ଚୁକ୍ତି ସ୍ବାକ୍ଷର କରିସାରିଛନ୍ତି । ନେପାଳ, ଶ୍ରୀଲଙ୍କା, କାଜାକସ୍ତାନ ଭଳି ପଡୋଶୀ ଦେଶ ଭ୍ୟାକସିନ୍ ନେବା ପାଇଁ ନୂଆଦିଲ୍ଲୀ ସହ ଯୋଗାଯୋଗ ଜାରି ରଖିଛନ୍ତି । ହାଇଡ୍ରୋକ୍ସିକ୍ଲୋରୋକ୍ବିନ ପରେ ଭ୍ୟାକସିନ୍‌ ହେଉଛି ଆଉ ଏକ ଉପଲବ୍ଧି ଯାହାକି ସାରା ବିଶ୍ବରେ ଭାରତ ତାର ଗୁଡଓ୍ବିଲ୍ ବଢାଇବ । ଅନ୍ୟ ଦେଶମାନଙ୍କ ମଧ୍ୟରେ ବାଂଲାଦେଶ, ଭୁଟ୍ଟାନ, ମାଲଦୀପ, ଭିଏତନାମ, କମ୍ବାଡିଆ, କିର୍ଜିସ୍ତାନ, ଉଜବେକିସ୍ତାନ ସମେତ ମଧ୍ୟ-ଏସୀୟ ଦେଶମାନଙ୍କୁ ଭ୍ୟାକସିନ୍ ରପ୍ତାନୀ କରିବା ପାଇଁ ପ୍ରସ୍ତୁତି ଚଳାଇଛି ଭାରତ ।

ସାରା ବିଶ୍ବରେ କରୋନା ଯେତେବେଳେ କାୟା ମେଲାଇ ଚାଲିଥିଲା, ସେତେବେଳେ ପ୍ରାୟ ଆମେରିକା ସମେତ ପ୍ରାୟ ୧୫୦ଟି ଦେଶକୁ ହାଇଡ୍ରୋକ୍ସିକ୍ଲୋରୋକ୍ବିନ ଔଷଧ ପଠାଇ ବିଶ୍ବବାସୀଙ୍କ ମନ ଜିଣିଥିଲା ଭାରତ । ଏହା ବାଦ ଅନେକ ଦେଶକୁ ଭାରତ ଜେନେରିକ ମେଡସିନ୍‌ ମଧ୍ୟ ପଠାଉଛି ।

   Related Posts