ନୟାଗଡ଼ ୧୩।୦୧: କଡା ସୂରକ୍ଷା ମଧ୍ୟରେ ନୟାଗଡରେ ପହଞ୍ଚିଲା ପ୍ରଥମ ପର୍ଯ୍ୟାୟ କରୋନା ଟିକା । ପ୍ରଥମ ପର୍ଯ୍ୟାୟରେ ୪ହଜାର ଟିକା ଆସି ପହଞ୍ଚିଛି । ୧୮୦୦ ସ୍ବାସ୍ଥ୍ୟକର୍ମୀଙ୍କୁ ପ୍ରଥମେ ଦିଆଯିବା ଭାକସିନ୍ ।
ଭୂବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ସେଠାରୁ ନୟାଗଡ ଜିଲ୍ଲାକୁ ଏକ ଜାତୀୟ ଟିକା ଯାନରେ କରୋନା ଟିକା ପଠାଯାଇଥିଲା । ରାତି ପ୍ରାୟ ୧୦ଟା ସମୟରେ କରୋନା ଟିକା ନୟାଗଡରେ ପହଞ୍ଚିବା ପରେ ଜିଲ୍ଲାପାଳ , ସି.ଡି.ଏମ୍.ଓ. ଏବଂ ବରିଷ୍ଠ ଅଧିକାରୀମାନେ ଏହାକୁ ସ୍ୱାଗତ କରିଥିଲେ । ଜିଲ୍ଲା ମୂଖ୍ୟ ଚିକିତ୍ସାଳୟ ପରିସରରେ ଥିବା ଭାକ୍ସିନ୍ କେନ୍ଦ୍ରର କୋଲ୍ଡ ଷ୍ଟୋରେଜ୍ ରୁମ୍ରେ ଏହାକୁ ସଂରକ୍ଷିତ ରଖାଯାଇଛି । ପ୍ରଥମ ପର୍ଯ୍ୟାୟ ନୟାଗଡ ଜିଲ୍ଲା ପାଇଁ ୫୨୦୬ ଟିକା ପାଇଁ ପ୍ରଶାସନ ଲିଷ୍ଟ ଦେଇଥିବାବଳେ ଜିଲ୍ଲାକୁ ୪୦୦୦ ଟିକା ଆସିଛି ।
ସରକାରଙ୍କ ନିଷ୍ପତ୍ତି ଅନୂଯାୟୀ ପ୍ରଥମେ ସ୍ବାସ୍ଥ୍ୟକର୍ମୀଙ୍କୁ ଏହି ଟିକା ଦିଆଯିବ । ଆସ’। ୧୬ତାରିଖରେ ଜିଲ୍ଲାର ୪ଟି ସେଣ୍ଟରରେ ଏହି ଟିକା ଦିଆଯିବ । ଜିଲ୍ଲା ମୂଖ୍ୟ ଚିକିତ୍ସାଲୟ ପରିସର , ମହିପୁର , ଶରଣକୁଳ ଏବଂ ବଡପଣ୍ଡୁସର ସ୍ବାସ୍ଥ୍ୟ କେନ୍ଦ୍ରରେ ଏହି ଟିକା ଦିଆଯିବ । ୪ହଜାର ଟିକା ମଧ୍ୟରୁ ୧୦ପ୍ରତିଶତ ଟିକାକୁ ଏମରଜେନ୍ସି ପାଇଁ ରଖାଯିବାକୁ ସ୍ଥିର କରାଯାଇଥିବାବଳେ ବାକି ୩୬୦୦ଟିକାକୁ ୧୮୦୦ ସ୍ବାସ୍ଥ୍ୟକର୍ମୀଙ୍କୁ ୨ଟି ପର୍ଯ୍ୟାୟରେ ଦିଆଯିବ ।
