ଭୁବନେଶ୍ଵର ୨୮।୦୨: କାଲିଠୁ ଆରମ୍ଭ ହେବ ବରିଷ୍ଠ ନାଗରିକ ଏବଂ ବିଭିନ୍ନ ରୋଗରେ ଆକ୍ରାନ୍ତ ୪୫ ବର୍ଷରୁ ଅଧିକ ବ୍ୟକ୍ତିଙ୍କୁ କରୋନା ଟିକାକରଣ । ଉଭୟ ସରକାରୀ ଓ ସରକାରୀ ଅନୁବନ୍ଧିତ ଘରୋଇ ଡାକ୍ତରଖାନାରେ ଏହି ଟିକାକରଣ କରାଯିବ । ଏଥିପାଇଁ ୬୦ ବର୍ଷରୁ ବୟସ୍କ ଏବଂ ବହୁରୋଗରେ ପୀଡିତ ଥିବା ୪୫ ବର୍ଷରୁ ଅଧିକ ବ୍ୟକ୍ତିଙ୍କୁ କୋଉଇନ ଆପରେ ପଞ୍ଜିକରଣ କରିବାକୁ ପଡିବ । ଘରୋଇ ଟିକାକରଣ କେନ୍ଦ୍ରରେ ସର୍ଭିସ ଚାର୍ଜକୁ ମିଶାଇ ୨୫୦ ଟଙ୍କା ଦେବାକୁ ପଡିବ ଓ ସରକାରୀ ଡାକ୍ତରଖାନରେ ମାଗଣାରେ ଟିକା ମିଳିବ । ତେବେ କିଏ କେଉଁଠି ଟିକା ନବେ ତାହା ଟିକା ନେବା ବ୍ୟକ୍ତି ହିଁ ସ୍ଥିର କରିବେ ।
କୋ ଉଇନ-ଟୁ ଆପ୍ ୬୦ ବର୍ଷରୁ ଉର୍ଦ୍ଧ ବ୍ୟକ୍ତିଙ୍କୁ ନିଜ ମୋବାଇଲ ନମ୍ବର ଓ ପରିଚୟପତ୍ର ଦେଇ ପଞ୍ଜୀକରଣ କରିବାକୁ ପଡିବ । ସେହିପରି ବହୁ ରୋଗରେ ପୀଡିତ ୪୫ ବର୍ଷରୁ ଉର୍ଦ୍ଧ୍ଵ ବ୍ୟକ୍ତିମାନେ ଟିକା ନେବାକୁ ହେଲେ ପଞ୍ଜିକରଣ ସମୟରେ ଡାକ୍ତରୀ ସାଟିଫିକେଟ ଦେଇ ରେଜିଷ୍ଟେସନ କରିବେ । କିଏ କେଉଁ ସ୍ଥାନରେ ଟିକା ନେବେ ତାହା ସେମାନେ ସ୍ଥିର କରିବେ। ଟିକାକରଣ କେନ୍ଦ୍ର ହୋଇଥିବା ଘରୋଇ ଡାକ୍ତର ଖାନାରେ ଟିକା ନେବାକୁ ହେଲେ ସର୍ଭିସ ଚାର୍ଜକୁ ମିଶାଇ ଡୋଜ୍ ପିଛା ୨୫୦ ଟଙ୍କା ଦେବାକୁ ପଡିବ । କିନ୍ତୁ ସରକାରୀ ଡାକ୍ତଖାନାରେ ଏହା ମାଗଣାରେ ମିଳିବ । ରାଜ୍ୟର ସବୁ ସରକାରୀ ଡାକ୍ତର ଖାନା ଓ ବିଜୁ ସ୍ବାସ୍ଥ୍ବ କଲ୍ୟାଣ ଯୋଜନାରେ ଅନୁବନ୍ଧିତ ୧୮୩ ଘରୋଇ ମେଡିକାଲ ରେ ଟିକାକରଣ ବ୍ୟବସ୍ଥା ହୋଇଛି ।
ଟିକା କରଣ ଲାଗି ଗୋଟିଏ ପରିବାରର ଥରକେ ୪ ଜଣ ବୟସ୍କ ବ୍ୟକ୍ତି ନାମ ପଞ୍ଜିକରଣ କରିପାରିବେ । ଯେଉଁମାନେ ଅଲାଇନ ପଞ୍ଜିକରଣ କରିପାରିବେ ନାହିଁ ସେମାନେ ଅନସ୍ପଟ ରେଜିଷ୍ଟ୍ରେସନ କରିପାରିବେ। ତେବେ ସାଥିରେ ପରିଚୟ ପତ୍ର ନେବାକୁ ପଡିବ । ଦିନ ୯ ଟାରୁ ଆରମ୍ଭ ହେବ ଟିକାକରଣ ହେଉଥିବା ବେଳେ ଗୋଟିଏ କେନ୍ଦ୍ରରେ ଦିନକୁ ୧୦୦ ଜଣଙ୍କୁ ଟିକା ଦିଆଯିବ । ତେବେ ଟିକା ନେବାର ଅଧ ଘଣ୍ଟା ଯାଏଁ ପ୍ରତ୍ୟେକ ଅବଜର୍ଭେସନରେ ରହିବେ ।
