Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ବିଗ୍ ବସ୍ -୧୨: ଜାଣନ୍ତୁ ଏଥରର ପ୍ରତିଯୋଗୀଙ୍କ ମଧ୍ୟରୁ କାହାକୁ ମିଳିବ କେତେ ଟଙ୍କା : ଶ୍ରୀସନ୍ଥ ପାଇବେ ସବୁଠୁ କମ୍

31/12/2018 at 5:24 PM

ମୁମ୍ବାଇ ୩୧/୧୨: ବିଗ୍ ବସ୍-୧୨ ଘର ଭିତରର ଖେଳ ସରିଯାଇଛି। ଦୀପିକା କକ୍କର ବାଜି ମାରି ନେଇଛନ୍ତି। ଶ୍ରୀସନ୍ଥ ଦ୍ବିତୀୟ ସ୍ଥାନରେ ଏବଂ ଦୀପକ ଠାକୁର ତୃତୀୟ ସ୍ଥାନରେ ରହିଥିଲେ। ଏଥର ପୁରସ୍କାର ରାଶିକୁ ନେଇ ବଡ଼ ଖେଳ ଖେଳାଯାଇଛି। ବିଗ୍ ବସ୍ ବିଜେତାଙ୍କ ପୁରସ୍କାର ରାଶି ପୂର୍ବରୁ ୫୦ଲକ୍ଷ ଟଙ୍କା ଧାର୍ଯ୍ୟ ହୋଇଥିଲା ; କିନ୍ତୁ ଫିନାଲେରେ ପହଂଚିଥିବା ୩ଜଣ ପ୍ରତିଯୋଗୀଙ୍କୁ ବିଗ୍ ବସ୍  ଏକ ପ୍ରସ୍ତାବ ଦେଇଥିଲେ। ପ୍ରସ୍ତାବଟି ହେଲା ଯିଏ ପ୍ରତିଯୋଗୀତାରୁ ଓହରିଯିବ ତାକୁ ବିଜେତାଙ୍କ ପୁରସ୍କାର ରାଶିରୁ ଗୋଟିଏ ବଡ ଅଂଶ ପ୍ରଦାନ କରାଯିବ । ଦୀପକ ଏହି ପ୍ରସ୍ତାବକୁ ଗ୍ରହଣ କରି ଏକ ବ୍ୟାଗ୍ ନେଇ ବିଗ୍ ବସ୍ ଛାଡ଼ି ଦେଇଥିଲେ। ସେହି ବ୍ୟାଗରେ ୨୦ଲକ୍ଷ ଟଙ୍କା ଥିଲା, ଏହା ବିଜେତାଙ୍କ ୫୦ଲକ୍ଷ ଟଙ୍କାର ପୁରସ୍କାର ରାଶିର ୪୦ପ୍ରତିଶତ ଥିଲା। ଅର୍ଥାତ୍ ବିଜେତା ଦୀପିକାଙ୍କୁ ୫୦ ଲକ୍ଷ ମିଳିବା ବଦଳରେ ଟ୍ରଫି ସହ ୩୦ଲକ୍ଷ ଟଙ୍କା ମିଳିଥିଲା।

ପ୍ରତି ଥର ଭିତରକୁ ଯାଉଥିବା ଲୋକ ନେମ୍ –ଫେମ୍ ସହ ଟଙ୍କା ପାଇଁ ମଧ୍ୟ ସବୁ କିଛି କରିବାକୁ ପ୍ରସ୍ତୁତ ଥାଆନ୍ତି। ସଲମାନ ଖାନଙ୍କୁ ପ୍ରତି ଏପିସୋଡ ପାଇଁ ୧କୋଟି ଟଙ୍କା ମିଳିଥାଏ ଏବଂ ପ୍ରତିଯୋଗୀଙ୍କୁ ମଧ୍ୟ ମୋଟା ଅଙ୍କ ମିଳିଥାଏ।

ସୂଚନା ଅନୁସାରେ ସଲମାନଙ୍କୁ ଏଥର ପ୍ରତି ଏପିସୋଡ ପିଛା ରବିବାର ଏବଂ ଶନିବାର ମିଶାଇ ୧୪କୋଟି ଟଙ୍କା ମିଳିଛି। ଶୋ ର ବିଜେତା ପାଇଁ ୫୦ଲକ୍ଷ ଟଙ୍କା ପୁରସ୍କାର ରାଶି ରଖାଯାଇଥିଲା କିନ୍ତୁ ଏହା ବ୍ୟତୀତ ସେଲେବ୍ ଘରକୁ ଆସିବା ଆଗରୁ ଯେଉଁ ଚୁକ୍ତି କରିଥିଲେ ସେହି ହିସାବରେ ତାଙ୍କୁ ମୋଟା ଅଙ୍କର ଅର୍ଥ ମିଳିଛି। ବିଗ୍ ବସ୍ ୧୨ରେ ଶ୍ରୀ ସନ୍ଥ ବହୁତ ବଡ଼ ହଙ୍ଗାମା କରିଥିଲେ ଏବଂ ସେ କେତେ ଥର ଶୋ ଛାଡ଼ି ଯିବାକୁ କହିଥିଲେ କିନ୍ତୁ ଯାଇ ନଥିଲେ। ଆଗରୁ ସ୍ପଟ୍ ଫିକ୍ସିଂ ବିବାଦରେ ଆସିଥିବା ଏହି କ୍ରିକେଟରଙ୍କୁ ବିଗ୍ ବସ୍ ଘରେ ସବୁଠୁ କମ୍ ଟଙ୍କା ମିଳିଛି।

ସିଙ୍ଗଲ୍ ପ୍ରତିଯୋଗୀ ଭାବରେ ଶ୍ରୀସନ୍ଥଙ୍କୁ ସପ୍ତାହକୁ ୫ଲକ୍ଷ ଟଙ୍କା ମିଳିଛି। ସେ ଦ୍ବିତୀୟ ସ୍ଥାନରେ ରହିଥିଲେ ବି ଖାଲି ହାତରେ ରହିବାକୁ ପଡ଼ିଥିଲା। ବିଗ୍ ବସ୍ ନିୟମ ହିସାବରେ ଯଦି କିଏ ବିନା ଏଭିକ୍ସନରେ ଘର ଛାଡ଼ି ଯାଏ ତେବେ ତାକୁ ୧କୋଟି ଟଙ୍କା ଦେବାକୁ ପଡ଼ିଥାଏ। ଆଗରୁ ରିମି ସେନ ଆସିଥିବାବେଳେ ସେ ମଧ୍ୟ ବାରମ୍ବାର ଯିବା କଥା କହୁଥିଲେ କିନ୍ତୁ ତାଙ୍କୁ ସବୁଠୁ ବେଶୀ ଫିସ୍ ମିଳୁଥିଲା। ଶଶୁରାଲ ସିମର କା ର ଫେମ୍ ଦୀପିକା କକ୍କରଙ୍କୁ ପ୍ରତି ସପ୍ତାହରେ ୧୫ଲକ୍ଷ ଟଙ୍କା ମିଳୁଥିଲା। କିନ୍ତୁ ଗତ ବର୍ଷ ହିନା ଖାନଙ୍କୁ ୭ଲକ୍ଷ ଟଙ୍କା ମିଳୁଥିଲା। ନେହା ପେଣ୍ଡସେଙ୍କୁ ସର୍ବାଧିକ ୨୦ଲକ୍ଷ ଟଙ୍କା ମିଳୁଥିଲା। ଟିଭି ଷ୍ଟାର୍ କରଣବୀର ବୋହରାଙ୍କୁ ମଧ୍ୟ ପ୍ରତି ସପ୍ତାହରେ ୨୦ଲକ୍ଷ ଟଙ୍କା ମିଳୁଥିଲା।

ଅନୁପ ଜଲୋଟା ଯୋଡ଼ିରେ ଆସିଥିଲେ ଏବଂ ତାଙ୍କ ପ୍ୟାକେଜ ପ୍ରତି ସପ୍ତାହରେ ପାଖାପାଖି ୪୦ଲକ୍ଷ ଟଙ୍କା ଥିଲା। ଶୋ ରେ ଚୁକ୍ତି ହିସାବରେ ଯେଉଁ ସେଲେବ୍ ଯେତେ ସପ୍ତାହ ଶୋ ରେ ରହିବେ ତାଙ୍କ ବ୍ୟାଙ୍କ ବାଲାନ୍ସ ସେତେ ବଢ଼ୁଥିବ।    

   Related Posts