Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଦିନରେ ପତ୍ନୀଙ୍କୁ ଫୋନ କରି କହିଲେ ସବୁ ଠିକ ଅଛି, ରାତିରେ ହୋଇଗଲେ ଶହୀଦ : ଆଜି ଜନ୍ମମାଟିରେ ପହଞ୍ଚିବ ଶହୀଦଙ୍କ ପାର୍ଥିବ ଶରୀର

13/06/2020 at 10:38 AM

ଡେରାଡୁନ ୧୩/୦୬ : ଉତ୍ତରାଖଣ୍ଡର ଆଉ ଜଣେ ବୀରପୁତ୍ର ଦେଶ ମାଟି ପାଇଁ ଶହୀଦ ହୋଇଛନ୍ତି | ନୈନିତାଲ ଜିଲ୍ଲାର ଓଖଲକାଣ୍ଡାର ଯମୁନା ପନେରୁ ୨୦୧୨ ମସିହାରେ ଭାରତୀୟ ସେନାରେ ସାମିଲ ହୋଇଥିଲେ | ଯମୁନା ପନେରୁ କାଶ୍ମୀର କୁପୱାଡାରେ ନିୟୋଜିତ ହୋଇଥିଲେ | ବୁଧବାର ରାତିରେ ଯମୁନା ଏକ ସର୍ଚ୍ଚ ଅପରେସନରେ ଯାଇଥିଲେ | ସର୍ଚ୍ଚ ଅପରେସନ ବେଳେ ସେ ଶହୀଦ ହୋଇଯାଇଛନ୍ତି | ଯମୁନାଙ୍କ ପରିବାର ହଲଦ୍ୱାନି ସ୍ଥିତ ଗୋରା ପାହାଡ଼ରେ ରୁହନ୍ତି |  ସେମାନେ ୩ ଭାଇ | ଯମୁନା ୩ ଭାଇ ମଧ୍ୟରେ ମଝିଆ | ଯମୁନା ଶହୀଦ ହେବା ଖବର ସେନାର ଯବାନମାନେ ଆସି ତାଙ୍କ ଘରେ ଦେଇଥିଲେ | ଶହୀଦଙ୍କ ପତ୍ନୀ ସ୍ୱାମୀଙ୍କ ଶହୀଦ ହେବା କଥା ଶୁଣି ଷ୍ଟାବ୍ଦ ହୋଇଯାଇଥିଲେ | ସେ କହିଥିଲେ ଯେ ତାଙ୍କ ସ୍ୱାମୀ ଦିନବେଳେ ତାଙ୍କୁ ଫୋନ କରିଥିଲେ, ତାଙ୍କ ସହ କଥାବାର୍ତ୍ତା କରିଥିଲେ ଏବଂ ରାତିରେ ଶହୀଦ ହୋଇଗଲେ |

ଶହୀଦ ଯମୁନାଙ୍କ ବଡ ଭାଇ ହରିଶ୍ଚନ୍ଦ୍ର ପନେରୁ କହିଛନ୍ତି ଯେ, ଗୁରୁବାର ଦିନ ସେନାର ୫ ଜଣ ଯବାନ ତାଙ୍କ ଘରକୁ ଆସିଥିଲେ | ସେମାନେ ଭାଇର ଶହୀଦ ହେବା ଖବର ଦେଇଥିଲେ | ତେବେ ତାଙ୍କ ଭାଇ କିଭଳି ଶହୀଦ ହୋଇଛନ୍ତି ତାହା ଯବାନମାନେ ସ୍ପଷ୍ଟ ଭାବେ କହିନଥିଲେ | ସେନାର ଯବାନମାନେ ଯମୁନାଙ୍କ ପରିବାରଲୋକଙ୍କୁ ଏତିକି କହିଥିଲେ ଯେ ସର୍ଚ୍ଚ ଅପରେସନ ବେଳେ ଯମୁନା ଶହୀଦ ହୋଇଛନ୍ତି |

ପୁଅ ଶହୀଦ ହେବା ଖବର ଶୁଣି ପୁରା ପରିବାରରେ ଶୋକର ଛାୟା ଖେଳିଗଲା | ପୁରା ପରିବାର ଦୁଃଖରେ ଭାଙ୍ଗିପଡିଥିଲା | ପାଖ ପଡୋଶୀ ସାନ୍ତ୍ୱନା ଦେବାକୁ ଆସିଥିଲେ | ଶହୀଦ ଯମୁନାଙ୍କ ଛୋଟ ଛୋଟ ଶିଶୁ ଅଛନ୍ତି | ସ୍ୱାମୀଙ୍କ ଶହୀଦ ହେବା କଥା ଶୁଣି ସ୍ତ୍ରୀ କାନ୍ଦି କାନ୍ଦି ତାଙ୍କ ଅବସ୍ଥା ମଧ୍ୟ ଖରାପ ହୋଇଯାଇଥିଲା | ଶହୀଦଙ୍କ ପତ୍ନୀ କହିଥିଲେ ଯେ, ବୁଢାର ଦିନ ଯମୁନା ଫୋନ କରିଥିଲେ, ସବୁ ଠିକ ଅଛି ବୋଲି କହିଥିଲେ ଏବଂ ଗୁରୁବାର ଦିନ ତାଙ୍କ ଶହୀଦ ହେବା ଖବର ଆସିଥିଲା | ସେନାର ଯବାନ ଫୋନ କରି କହିଥିଲେ ଯେ, ଯମୁନାଙ୍କ ଘରକୁ କିଛି ଜିନିଷ ପଠାଇବାର ଅଛି | ଫୋନ କରିକି ସେ ତାଙ୍କ ଘରର ଠିକଣା ମାଗିଥିଲେ | ଘରକୁ ଆସି ଯବାନ କିଛି ଜିନିଷ ଆଣିନଥିଲେ ବରଂ ପୁଅ ଶହୀଦ ହେବା ଖବର ନେଇ ଆସିଥିଲେ | ପୁଅର ଶହୀଦ ହେବା ଖବର ପୁରା ପରିବାରକୁ ଦୋହଲାଇ ଦେଇଥିଲା |

ସେନାର ୬ କୁମାଉଁ ରେଜିମେଣ୍ଟର ଯମୁନା ପନେରୁ ବହୁତ ସାହସୀ ଥିଲେ | ୨୦୧୨ ମସିହାରେ ଏଭେରେଷ୍ଟ ଚଢ଼ିଥିଲେ | ତାଙ୍କୁ ପାହାଡ ଚଢିବା ବହୁତ ପସନ୍ଦ ଥିଲା | ବିପଦ ସହ ଲଢ଼ିବା ଯେଭଳି ତାଙ୍କର ଏକ ଅଭ୍ୟାସ ଥିଲା | ସେ ପିଲାଦିନୁ ହିଁ ବହୁତ ପ୍ରତିଭାବାନ ଥିଲେ |

ଶହୀଦଙ୍କ ପାର୍ଥିବ ଶରୀର ଶନିବାର ଦିନ ଉତ୍ତରାଖଣ୍ଡରେ ପହଞ୍ଚିବ | ଶୁକ୍ରବାର ଦିନ ଶହୀଦଙ୍କ ପାର୍ଥିବ ଶରୀର ଶ୍ରୀନଗରରେ ପହଞ୍ଚିଥିଲା ଏବଂ ଶନିବାର ସନ୍ଧ୍ୟା ସୁଦ୍ଧା ଶହୀଦଙ୍କ ଗାଁକୁ ପହଞ୍ଚିବାକୁ ଅନୁମାନ କରାଯାଇଛି | ଜନ୍ମମାଟିରେ ଶହୀଦଙ୍କ ପାର୍ଥିବ ଶରୀର ପହଞ୍ଚିବା ପରେ ପୁରା ସେନା ସମ୍ମାନ ସହ ଶହୀଦଙ୍କୁ ଅନ୍ତିମ ବିଦାୟ ଦିଆଯିବ |

   Related Posts