Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ମରକଜରୁ ଫେରିବା ସମୟରେ ଟ୍ରେନ୍ ଓ ବସରେ ମିଠା ବାଣ୍ଟିଥିଲେ ଜମାତି, ଏବେ ଖାଇବା ଲୋକଙ୍କ ହେବ ସନ୍ଧାନ

10/04/2020 at 7:17 PM

ଆଗ୍ରା ୧୦।୦୪: ତବଲିଗି ଜମାତିଙ୍କ ବିଷୟରେ ଚକିତ କରିବା ଭଳି ଆଉ ଏକ ସୂଚନା ସାମ୍ନାକୁ ଆସିଛି। ଖବର ଏହା ଯେ, ଗତ ମାସରେ ଦିଲ୍ଲୀରେ ଜମାତ କାର୍ଯ୍ୟକ୍ରମରୁ ଫେରିବା ସମୟରେ ଏହାର ଅନେକ ସଦସ୍ୟ ଆଗ୍ରାର ପ୍ରସିଦ୍ଧ ମିଠା ପେଠା କିଣିଥିଲେ ଏବଂ ନିଜ ଯାତ୍ରା ସମୟରେ ସାଥୀ ଓ ସହଯାତ୍ରୀଙ୍କୁ ଖାଇବାକୁ ଦେଇଥିଲେ। ଆଗ୍ରାରେ ଜଣେ ପୋଲିସ ଅଧିକାରୀଙ୍କ ଅନୁଯାୟୀ, ସହରରେ କିଛି ମିଠା ବିକ୍ରେତା ପୋଲିସଙ୍କୁ କହିଛନ୍ତି ଯେ,  କିଛି ମୁସଲିମ ହୋଲି ଉତ୍ସବ ପରେ ବଡ ପରିମାଣରେ ମିଠା କିଣିଥିଲେ। ସେହି ସମୟରେ ଦିଲ୍ଲୀରେ ମଧ୍ୟ ଜମାତର ବୈଠକ ସମାପ୍ତ ହୋଇଥିଲା।

ଜଣେ ବରିଷ୍ଠ ପୋଲିସ୍ ଅଧିକାରୀ କହିଛନ୍ତି ଯେ, ଆମକୁ ସୂଚନା ମିଳିଛି ଜମାତର ଲୋକ ମିଠା ବାଣ୍ଟିଥିଲେ। ମୁସଲିମଙ୍କ ଲାଗି ବସ୍ ଓ ଟ୍ରେନରେ ସହ ଯାତ୍ରୀଙ୍କୁ ମିଠା ବାଣ୍ଟିବା ସ୍ଵାଭାବିକ କଥା ନୁହଁ। ଆମେ ଅନେକ ବସ୍  କଣ୍ଡକ୍ଟରଙ୍କ ସହ କଥା ହେଉଛୁ ଏବଂ ଯେଉଁ ଯାତ୍ରୀଙ୍କର ମାସିକ ପାସ୍ ରହିଛି ସେମାନଙ୍କୁ ମଧ୍ୟ ପଚରା ଉଚୁରା କରୁଛୁ।

ଅଧିକାରୀ କହିଛନ୍ତି ଯେ, ଅତି କମରେ ଦୁଇ ପେଠା ଦୋକାନ ମାଲିକ ପୋଲିସଙ୍କୁ କହିଛନ୍ତି ଯେ, ସେମାନେ ମାର୍ଚ୍ଚର ଦ୍ଵିତୀୟ ସପ୍ତାହରେ ଗ୍ରାହକଙ୍କୁ ପାଞ୍ଚରୁ ୧୦ କିଲୋଗ୍ରାମର ପେଠା ବିକ୍ରି କରିଥିଲେ। ଯଦି ମିଠା ବଣ୍ଟାଯାଇଥିବା ଖବର ପ୍ରମାଣିତ ହୁଏ ତେବେ ଜମାତିଙ୍କ ସହଯାତ୍ରୀଙ୍କୁ ଟ୍ରାକ୍ କରିବା ଏକ ବଡ ସମସ୍ୟା ହୋଇପାରେ। କୁହାଯାଉଛି, ସେମାନେ ବ୍ୟବସାୟୀ  ଓ ଓକିଲ ହୋଇ ପାରନ୍ତି, ଯେଉଁମାନେ ଦିଲ୍ଲୀ, ବରେଲୀ, ବନ୍ଦାୟୁ, ପିଲିଭିଟ ଓ ଶାହାଜହାନପୁର ମଧ୍ୟରେ ନିୟମିତ ଭାବେ ଯାତ୍ରା କରନ୍ତି। ଏହା ମଧ୍ୟ  ହୋଇପାରେ ଯେଉଁମାନେ ନିୟମିତ ବରେଲି, ଆଲିଗଡ, ବୁଲନ୍ଦସହର, ହାପୁଡ, ମେରଠ, ମୁଜଫରନଗର, ଗାଜିଆବାଦ ଆଦି ସ୍ଥାନରେ ପରିବାର ଓ ସଂପର୍କୀୟଙ୍କୁ ଭେଟିବାକୁ ଯାଇଥିଲେ।

ତବଲିଗି ଜମାତ କାର୍ଯ୍ୟକ୍ରମରୁ ଫେରିଥିବା ଲୋକ ଉତ୍ତର ପ୍ରଦେଶର ପ୍ରାୟ ସମସ୍ତ ଅଞ୍ଚଳରୁ ଦେଖିବାକୁ ମିଳିଛି। ସେମାନଙ୍କ ମଧ୍ୟରୁ ଅଧିକାଂଶ ସଦସ୍ୟ କରୋନା ଭାଇରସ୍ ଚିହ୍ନଟ ହୋଇଛନ୍ତି। ସେହି ଲୋକଙ୍କୁ ମଧ୍ୟ ସନ୍ଧାନ କରାଯାଉଛି, ଯେଉଁମାନେ ଜମାତିଙ୍କ ସହିତ ଯାତ୍ରା କରିଥିଲେ ଏବଂ ସେମାନଙ୍କ ଦ୍ଵାରା ବଣ୍ଟା ଯାଇଥିବା ମିଠା ନେଇଥିଲେ, କାରଣ ଅଧିକାରୀଙ୍କୁ ଭୟ ଯେ ଏଥିରେ ସଂକ୍ରମଣ ବ୍ୟାପିପାରେ।

   Related Posts