Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

ଉତ୍ତରପ୍ରଦେଶରେ ଏପଲ କମ୍ପାନୀ ମ୍ୟାନେଜରଙ୍କୁ ହତ୍ୟା ଘଟଣା : ଅଧରାତିରେ ବିବେକ ତିଓ୍ବାରୀ ମହିଳା ସହକର୍ମୀଙ୍କ ସହ କଣ କରୁଥିଲେ ? ପୋଲିସ ଉଠାଇଛି ପ୍ରଶ୍ନ

30/09/2018 at 11:29 AM

ଲକ୍ଷ୍ନୌ ୩୦|୯: ଉତ୍ତରପ୍ରଦେଶରେ ଏପଲ କମ୍ପାନୀ ମ୍ୟାନେଜରଙ୍କୁ ବିନା କାରଣରେ ପୋଲିସ ଗୁଳିମାରି ହତ୍ୟା କରିବା ଘଟଣାର ସିବିଆଇ ତଦନ୍ତ ଦାବି କରିଛନ୍ତି ପରିବାରଲୋକେ । ଏଥିସହ ତଦନ୍ତ ୧କୋଟି ଟଙ୍କାର କ୍ଷତିପୂରଣ ଏବଂ ପରିବାରର ଜଣଙ୍କୁ ସରକାରୀ ଚାକିରୀ ଦାବି କରିଛନ୍ତି ମୃତ ବିବେକ ତିଓ୍ବାରୀଙ୍କ ବିଧବା ପତ୍ନୀ କଳ୍ପନା ତିଓ୍ବାରୀ ।
ସୂଚନା ଯୋଗ୍ୟ ଯେ, ଏପଲ କମ୍ପାନୀର ସେଲ୍ସ ମ୍ୟାନେଜର ଶୁକ୍ରବାର ବିଳମ୍ବିତ ରାତିରେ ନିଜର ଜଣେ ମହିଳା ସହକର୍ମୀଙ୍କ ସହ ଫେରୁଥିବାବେଳେ ମୁଜାଫରପୁର ଗୋମତିନଗର ଅଞ୍ଚଳରେ ଯାଞ୍ଚ ପାଇଁ ପୋଲିସ ତାଙ୍କ ଗାଡିକୁ ଅଟକାଇଥିଲା । କିନ୍ତୁ ବିବେକ ଗାଡି ନଅଟକାଇବାରୁ ଦୁଇଜଣ ପୋଲିସ କନେଷ୍ଟବଳ ତାଙ୍କ ଉପରକୁ ଗୁଳି ଚଳାଇଥିଲେ । ପୋଲିସ ଗୁଳି ସିଧାସଳଖ ବିବେକଙ୍କ ମୁଣ୍ଡରେ ବାଜି ସେ ପ୍ରାଣ ହରାଇଥିଲେ ।
ଏହି ଘଟଣାକୁ ନେଇ ଏବେ ଉତ୍ତରପ୍ରଦେଶର ଯୋଗୀ ଆଦିତ୍ୟନାଥ ସରକାରଙ୍କ କାର୍ଯ୍ୟକଳାପ, ରାଜ୍ୟର ଆଇନ ଶୃଙ୍ଖଳା ନେଇ ପ୍ରଶ୍ନ ଉଠିଛି । ବିରୋଧୀ ଦଳ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଇସ୍ତଫା ଦାବି କରିଛନ୍ତି । ଗାଡି ନଅଟକାଇଥିବାରୁ ଜଣେ ସାଧାରଣ ଲୋକ ଉପରକୁ ଗୁଳି ଚଳାଇବାର ଅଧିକାର ପୋଲିସକୁ କିଏ ଦେଲା ବୋଲି ପ୍ରଶ୍ନ ଉଠିଛି ।
ଅନ୍ୟ ପକ୍ଷରେ ଏତେ ରାତିରେ ଜଣେ ମହିଳା ସହକର୍ମୀଙ୍କ ସହ ବିବେକ କଣ କରୁଥିଲେ ବୋଲି ପ୍ରଶ୍ନ ଉଠାଇବାକୁ ପୋଲିସ ଉଦ୍ୟମ କରୁଛି । ମୃତ ବିବେକଙ୍କ ପତ୍ନୀ ପୋଲିସର ଏଭଳି ପ୍ରଶ୍ନକୁ ନେଇ ଅସନ୍ତୋଷ ପ୍ରକାଶ କରିଛନ୍ତି । ନିଜ ଭୁଲକୁ ଲୁଚାଇବାକୁ ଯାଇ ପୋଲିସ ତାଙ୍କ ସ୍ବାମୀଙ୍କୁ ଚରିତ୍ରହୀନ ବୋଲି ସାବ୍ୟସ୍ତ କରିବାକୁ ଚାହୁଁଛି ବୋଲି ସେ ଅଭିଯୋଗ କରିଛନ୍ତି ।
ଏପଲ କମ୍ପାନୀ ସେଲ୍ସ ମ୍ୟାନେଜର ବିବେକ ତିଓ୍ବାରୀଙ୍କୁ ବିନାକାରଣରେ ପୋଲିସ ଗୁଳିମାରି ହତ୍ୟା କରିବା ଘଟଣା ନେଇ ଜାତୀୟସ୍ତରରେ ମଧ୍ୟ କାଦୁଅଫିଙ୍ଗା ଆରମ୍ଭ ହୋଇଛି । ବିଭିନ୍ନ ବିରୋଧୀଦଳ ପକ୍ଷରୁ ଯୋଗୀ ଆଦିତ୍ୟନାଥ ସରକାରଙ୍କୁ ସମାଲୋଚନା କରାଯାଇଛି । ଏପରିକି ଗତକାଲି ରାତିରେ ଦିଲ୍ଲୀଠାରେ ଅନୁଷ୍ଠିତ ଭାରତୀୟ ଜନତା ପାର୍ଟିର ନିର୍ବାଚନୀ ବୈଠକରେ ଏ ପ୍ରସଙ୍ଗ ନେଇ ଦୀର୍ଘ ଆଲୋଚନା ହୋଇଛି । ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଏବଂ ଗୃହମନ୍ତ୍ରୀ ରାଜନାଥ ସିଂହ ସମଗ୍ର ଘଟଣା ସମ୍ପର୍କରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ଆଲୋଚନା କରିଛନ୍ତି ।

   Related Posts