Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ଅଣଛାତ୍ରମୁକ୍ତ ହେବ ବାଣୀବିହାର କ୍ୟାମ୍ପସ୍, ଆଇ-କାର୍ଡ ନଥିଲେ ପ୍ରବେଶ ମନା : କୁଳପତି

19/01/2021 at 3:11 PM

ଭୁବନେଶ୍ବର ୧୯।୧: କ୍ୟାମ୍ପସ ଖୋଲୁଖୋଲୁ ଉତ୍କଳ ବିଶ୍ବ ବିଦ୍ୟାଳୟରେ ଛାତ୍ର ଉତ୍ତେଜନା ଦେଖାଦେଇଛି । କୁଳପତିଙ୍କ କର୍ଯ୍ୟାଳୟ ଘେରାଉ କରିଛନ୍ତି ଛାତ୍ର ଗୋଷ୍ଠୀ । ବାଣୀବିହାରରେ ଥିବା ଗୋପବନ୍ଧୁ ଛାତ୍ରାବାସରେ ବିଭିନ୍ନ ସମସ୍ୟାକୁ ନେଇ ଦୁଇ ଗୋଷ୍ଠୀ ଛାତ୍ର ମୁହାଁମୁହିଁ ହୋଇଥିଲେ ।

ବାଣୀବିହାରରେ ବିଭିନ୍ନ ସମସ୍ୟାକୁ ନେଇ ଗୋଟିଏ ଗୋଷ୍ଠୀ ଛାତ୍ର କୁଳପତିଙ୍କୁ ଭେଟିବାକୁ ଯାଇଥିବା ବେଳେ ଏହାକୁ ବିରୋଧ କରି ଅନ୍ୟ ଏକ ଛାତ୍ର ଗୋଷ୍ଠୀ ଆକ୍ରମଣ କରିଥିବା ଅଭିଯୋଗ ହୋଇଛି । ପ୍ରତିବାଦରେ ମଙ୍ଗଳବାର ମଧ୍ୟ କ୍ୟାମ୍ପସରେ ଚାପା ଉତ୍ତେଜନା ଲାଗି ରହିଛି । ଘଟଣାସ୍ଥଳରେ ସହିଦନଗର ଥାନା ପୋଲିସ ପହଞ୍ଚି ଆନ୍ଦୋଳନରତ ଛାତ୍ରଙ୍କୁ ବୁଝାସୁଝା କରୁଛି ।

ସେପଟେ ଉତ୍କଳ ବିଶ୍ବବିଦ୍ୟାଳୟରେ ଛାତ୍ର ଅଶାନ୍ତି ଘଟଣାରେ କୁଳପତି ପ୍ରଫେସର ସବିତା ଆଚାର୍ଯ୍ୟ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଏଥର ବାଣୀବିହାର କ୍ୟାମ୍ପସ ଅଣଛାତ୍ରମୁକ୍ତ ହେବ । ମୁଖ୍ୟ ଫାଟକରେ କଡାକଡି ଯାଞ୍ଚ ହେବ । ଆଇ-କାର୍ଡ ନଥିଲେ କ୍ୟାମ୍ପସକୁ ପ୍ରବେଶ କରିପାରିବେନି ବୋଲି କୁଳପତି କହିଛନ୍ତି । କିଛି ଛାତ୍ର ଗୋଷ୍ଠୀ ରାଜନୈତିକ ଅଭିସନ୍ଧି ରଖି କ୍ୟାମ୍ପସ୍‌ରେ ଅଶାନ୍ତି ସୃଷ୍ଟି କରୁଛନ୍ତି ।

   Related Posts