କେନ୍ଦ୍ରାପଡା ୦୭।୧୦- ମେଡିକାଲରେ ମଦ୍ୟପ କର୍ମଚାରୀଙ୍କ ଉତ୍ପାତ । ମଦ ପିଇ ଚିକିତ୍ସା କରିବାକୁ ଆସିଥିବା କର୍ମଚାରୀ ହେଲେ ବସ୍ ଉଠ୍ । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟରେ। ଅଧିକାଂଶ ସମୟରେ କିଛି କର୍ମଚାରୀ ମଦ ପିଇ ହସ୍ପିଟାଲକୁ ଆସୁଥିବାର ଅଭିଯୋଗ ହୋଇଆସୁଥିଲା ।
ଆଜି ଏକ ଦୁର୍ଘଟଣାରେ ଶିକାର ହୋଇ ଥିବା ଦୁଇ ଭାଇ ଭଉଣୀଙ୍କୁ ଗ୍ରାମୀଣ ବିକାଶ ଯୁବକ ସଂଘର କର୍ମକର୍ତ୍ତା କେନ୍ଦ୍ରାପଡ଼ା ମେଡିକାଲକୁ ଦିନ ଦୁଇଟା ବେଳେ ଚିକିତ୍ସା ପାଇଁ ନେଇଥିଲେ । ଏହି ସମୟରେ କାଜୁଆଲିଟି ପୂରା ଫାଙ୍କା ରହିଥିଲା । ଅବଶ୍ୟ ଡ୍ରେସିଂ ପାଇଁ ଜଣେ କର୍ମଚାରୀ ଥିଲେ । ତେବେ ବଡ଼କଥା ହେଉଛି କର୍ମଚାରୀ ଜଣଙ୍କ ଆକଣ୍ଠ ମଦପିଇଥିଲେ । ଏହା ଜାଣିବା ପରେ ମଦ୍ୟପ କର୍ମଚାରୀଙ୍କୁ ଯୁବକ ସଂଘର କର୍ମକର୍ତ୍ତା ବିରୋଧ କରିଥିଲେ ।
ଏହି ଘଟଣାକୁ ନେଇ ମେଡିକାଲରେ ଉତ୍ତେଜନା ପ୍ରକାଶ ପାଇଥିଲେ । ମେଡିକାଲ୍ ର ଜଣେ ଅଧିକାରୀ ପହଂଚି ସଂପୃକ୍ତ କର୍ମଚାରୀଙ୍କୁ ଉଠବସ୍ କରାଇଥିଲେ । ସଂପୃକ୍ତ କର୍ମଚାରୀ ମଦ ପିଇଥିବା ସ୍ବୀକାର କରିଥିଲେ, ତେବେ ସେ ସକାଳେ ମଦ ପିଇଦେଇଥିଲେ ବୋଲି କହିଛନ୍ତି ।…