Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଅସୁରକ୍ଷିତ କଳାକାର

23/04/2018 at 12:31 PM

ଅଭିନେତ୍ରୀ ଉଷଶୀ ମିଶ୍ରଙ୍କୁ ଅସଦାଚରଣ ଏବଂ ଆକ୍ରମଣ । ଅନୁଗୁଳ କଣିହାଁ ଡେରଙ୍ଗ ଗାଁରେ ଯାତ୍ରା ପରିବେଷଣ କରିବାକୁ ଯାଇଥିବା ବେଳେ ଭିଡ ଭିତରେ ଫଶି ଯାଇଥିବା ଉଷଶୀ । ଆଉ ଏପଟେ କିଛି ଅସାମାଜିର ବ୍ୟକ୍ତି ତାଙ୍କୁ ଅଶାଳୀନ ଭାଷାରେ ଗାଳି ଗୁଲଜ କରିଥିଲେ । କେବଳ ସେତିକି ନୁହେଁ ତାଙ୍କ ଚୁଟି ଝିଙ୍କି, ମାଡ ମାରି ପୋଷାକପତ୍ର ମଧ୍ୟ ଟଣା ଓଟରା କରିଥିଲେ । ଏନେଇ ଥାନାରେ ମାମଲା ହେବା ପରେ ଅଭିଯୁକ୍ତକୁ ଖୋଜୁିଛି ପୋଲିସ । ଏପଟେ ଏହି ଘଟଣାକୁ ସବୁ ମହଲରେ ନିନ୍ଦା କରାଯାଇଛି ।

କଣିହା ଡେରାଙ୍ଗ ଗାଁକୁ ଯାତ୍ରା ପରିବେଷଣ କରିବାକୁ ଯାଉଥିଲେ ଉଷଶୀ । ହେଲେ ଲୋକ ଏବଂ ବାଇକ୍ ଭିଡ ଭିତରେ ତାଙ୍କ କାର ଫଶି ଯାଇଥିଲା । ଯାତ୍ରା କମିଟି ସଦସ୍ୟ, ଲୋକଙ୍କ ଭିଡ ହଟାଇବାକୁ ଚେଷ୍ଟା କରିଥିଲେ । ହେଲେ ଏଭିତରେ ଉଷଶୀଙ୍କୁ ଅଶାଳୀନ ଭାଷାରେ କିଛି ଲୋକ ଗାଳି ଗୁଲଜ ଆରମ୍ଭ କରିଥିଲେ । ପୋଷାକ ଟାଣିବା ସହ ଚୁଟି ଝିଙ୍କି ପକାଇଥିଲେ । ତାଙ୍କୁ ଆଘାତ ପହଞ୍ଚାଇଥିଲେ । ଉଷଶୀଙ୍କ ଅଭିଯୋଗ ଅନୁଯାୟୀ ଏସବୁର ମୁଖ୍ୟ କାର୍ପଟଦାର ଥିଲା ଇନ୍ଦ୍ରମଣି ସାହୁ ଏବଂ ତାଙ୍କ ଦୁଇ ପୁଅ । ଉଷଣୀ କଣିହାଁ ଥାନାରେ ଏତଲା ଦେଇଛନ୍ତି । ଘଟଣା ଅତି ସମ୍ବେଦନଶୀଳ ହୋଇଥିବାରୁ ଅନୁଗୁଳ ଏସ୍ପି ପାଲଲହଡା ଏସ୍ଡିପିଓଙ୍କୁ ତଦନ୍ତ ଭାର ଦେଇଛନ୍ତି । ଏସ୍ଡିପିଓ ଘଟଣାସ୍ଥଳ ବୁଲି ଦେଖିଛନ୍ତି । ସେପଟେ ଅଭିଯୁକ୍ତଙ୍କ ଘରେ ପୋଲିସ ରେଡ୍ କରିଛି ।

କେବଳ ଉଷଣୀ ନୁହନ୍ତି, ଅନ୍ୟ ଯାତ୍ରା କଳାକାର ଲରେନସ୍ ମଧ୍ୟ ଆହତ ହୋଇଛି । ଏପରି ଏକ ଅଭାବନୀୟ ଘଟଣାକୁ କଳାକାର ମହଲରେ ନିନ୍ଦା କରାଯାଇଛି ।ଦୋଷୀ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଯାତ୍ରା କମିଟି ଅଭିନେତ୍ରୀଙ୍କୁ ସୁରକ୍ଷା ଦେବା ଉଚିତ ନଥିଲା କି । ଘଟଣା ପାଇଁ କିଏ ଦାୟୀ । ବିଳମ୍ବିତ ରାତିରେ ଜଣେ ମହିଳା କେତେ ସୁରକ୍ଷିତ ତାକୁ ନେଇ ଉଠିଛି ପ୍ରଶ୍ନ ।

Leave a Reply

   Related Posts