Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଉଷା ପାଢୀ ବେସାମରିକ ବିମାନ ସୁରକ୍ଷା ବ୍ୟୁରୋର ମହାନିର୍ଦ୍ଦେଶକ, ଏହି ସମ୍ମାନଜନକ ପଦରେ ପ୍ରଥମ ମହିଳା

29/08/2020 at 4:25 PM

ଭୁବନେଶ୍ବର ୨୯।୮: ବେସାମରିକ ବିମାନ ସୁରକ୍ଷା ବ୍ୟୁରୋର ମହାନିର୍ଦ୍ଦେଶକ ଭାବେ ଉଷା ପାଢୀଙ୍କୁ ନିଯୁକ୍ତି ମିଳିଛି । ଓଡିଶା କ୍ୟାଡର ଆଇଏଏସ୍‌ ଉଷା ପାଢ଼ୀଙ୍କୁ କେନ୍ଦ୍ର ପକ୍ଷରୁ ମିଳିଛି ନୂଆ ନିଯୁକ୍ତି। ଏହି ପଦରେ ସେ ଦେଶର ପ୍ରଥମ ମହିଳା ଭାବେ ନିଯୁକ୍ତି ପାଇଛନ୍ତି । ଉଷା ପାଢ଼ୀଙ୍କ ଏ ନିଯୁକ୍ତି ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି । ଗୁଜରାଟ କ୍ୟାଡରର ବରିଷ୍ଠ ଆଇପିଏସ୍‌ ରାକେଶ ଆସ୍ଥାନା ବିମାନ ସୁରକ୍ଷା ବ୍ୟୁରୋର ମହାନିର୍ଦ୍ଦେଶକ ପଦରେ ଥିଲେ । ସେ ଏବେ ବିଏସ୍‌ଏଫ୍‌ ଡିଜି ଭାବେ ନିଯୁକ୍ତ ହୋଇଛନ୍ତି ।

୧୯୯୬ ବ୍ୟାଚର ଆଇଏଏସ୍‌ ଉଷା ପାଢ଼ୀ ପୂର୍ବରୁ ରାଜ୍ୟରେ ବିଭିନ୍ନ ଜିଲ୍ଲାରେ ଜିଲ୍ଲାପାଳ ଏବଂ ବିଭାଗୀୟ ସଚିବ ଦାୟିତ୍ବରେ ରହିଥିଲେ । ସେ ବେଶ ନିଷ୍ଠାର ସହ କାମ କରିଛନ୍ତି । ଏବେ କେନ୍ଦ୍ରରେ ବେସାମରିକ ବିମାନ ସେବା ମନ୍ତ୍ରାଳୟର ଯୁଗ୍ମ ସଚିବ ଭାବେ ଦାୟିତ୍ବ ସମ୍ଭାଳୁଛନ୍ତି ।

   Related Posts