ନୂଆଦିଲ୍ଲୀ : ଏକବିଂଶ ଶତାବ୍ଦୀରେ ବି ଭାରତ ଏଭଳି କିଛି ପ୍ରସଙ୍ଗରେ ରକ୍ଷଣଶୀଳତା ଅବଲମ୍ବନ କରୁଛି ଯାହା ଏବେ ଦେଶରେ ଅନଲାଇନ ଷ୍ଟୋର ଲାଗି ଲାଭଦାୟକ ସାବ୍ୟସ୍ତ ହାଇଛି। ଭାରତୀୟମାନେ ଆଜି ବି ସେକ୍ସ ଓ ତତ୍ ସମ୍ବଦ୍ଧିତ ଶିକ୍ଷାରୁ ଦୂରତା ଅବଲମ୍ବନ କରୁଛନ୍ତି। ଏଣୁ ଏଭଳି କୌଣସି ଆବଶ୍ୟକତା ପୁରଣ ଲାଗି ଲୋକେ ସାଧାରଣ ଷ୍ଟୋର ଅପେକ୍ଷା ଏବେ ଅଧିକ ଅନଲାଇନ କିଣାକିଣି ଉପରେ ନିର୍ଭର କରୁଥିବା ଏକ ଇ-କମର୍ସ ସାଇଟ୍ ସୂତ୍ରରୁ ଜଣାପଡିଛି।
ଏଥିରେ ଅନ-ଲାଇନ ଷ୍ଟୋରରେ କଣ୍ଡୋମର ସର୍ବାଧିକ ବିକ୍ରି ବଢିଥିବା ଜଣାପଡିଛି। ଗତବର୍ଷ ତୁଳନାରେ ଚଳିତବର୍ଷ କଣ୍ଡୋମ ବିକ୍ରି ପ୍ରାୟ ୩୦ ପ୍ରତିଶତ ପର୍ଯ୍ୟନ୍ତ ବଢିଥିବା ଏହି ସାଇଟ୍ ର ମୁଖପାତ୍ର କହିଛନ୍ତି। ଏଥିରେ ଦେଶର ନନ ମେଟ୍ରୋ ସହରରୁ ଏଭଳି ଅର୍ଡର ଅଧିକ ପରିମାଣରେ ମିଳୁଥିବା ବେଳେ ଛୋଟଛୋଟ ସହରର ଲୋକେ ଏଭଳି ଉତ୍ପାଦ ଲାଗି ଅନଲାଇନ ଷ୍ଟୋର ଉପରେ ନିର୍ଭର କରୁଥିବା ଜଣୁପଡିଛି।
ତେବେ ଦେଶରେ ସେକ୍ସ ଓ ଏଭଳି ଏଜୁକେଶନକୁ ନେଇ ଲୋକଙ୍କ ମଧ୍ୟରେ ଏପର୍ଯ୍ୟନ୍ତ ସଚେତନତା ସୃଷ୍ଟି ହୋଇ ପାରିନଥିବା ଏଥିରୁ ସ୍ପଷ୍ଟ ହୋଇଥିବା ବେଳେ ସାଧାରଣ ଦୋକାନ ବଜାରରୁ ଲୋକେ ଏଭଳି ସାମଗ୍ରୀ କ୍ରୟ କରିବାରେ ଆଜି ବି ଶାହସ ସଞ୍ଚୟ କରିପାରୁନଥିବା ଜଣାପଡିଛି ।
ଇ-କମସର୍ସ ଷ୍ଟୋରର ମୁଖପାତ୍ରଙ୍କ ଅନୁସାରେ ଇମ୍ଫାଲ, ମୋଗା, ଆଇଜଲ,ଅଗରତାଲା, ଏର୍ଣ୍ଣାକୁଲମ, ମାଲାପୁରମ, ସିଲଂ, ସିଲଚର, ଉଦୟପୁର, ହିସାର,ନାଗଁ,ବର୍ଦ୍ଧମାନ, ଦିବ୍ରୁଗଡ, କାନପୁର ଓ ଅହମ୍ମଦନଗର ଆଦି ଥ୍ରୀ-ଟାୟର ସହରାଞ୍ଚଳର ଲୋକେ ବି ଏଭଳି ଅନଲାଇନ ଷ୍ଟୋର ଉପରେ ନିର୍ଭର କରୁଛନ୍ତି। ଏଭଳି ସହରାଞ୍ଚଳର ପ୍ରାୟ ୫୦ ପ୍ରତିଶତ ଚାହିଦା ଏବେ ଅନଲାଇନ ଷ୍ଟୋରରୁ ପୁରଣ ହେଉଥିବା ମୁଖପାତ୍ର କହିଛନ୍ତି।